Izayii 60:16 - LAWA A BOO SONBORE

¹⁶ N tá re tɔrɔ kɔsɔn bɔ̀nyaa mii, n nə ǹ kiin naforo bii. Ka bɛ-n kəni, n tá re doɛ̃ mà masɛ Dɛnaa Lawa nə n kirisibaali lɛa, mà Zakɔba a Lawa Pàãyiidɛnaa nə n si sii la wole lɛa.

LAWA A BOO SONBORE 2011

¹⁶ N tá re tɔrɔ kɔsɔn bɔ̀nyaa mii, n nə ǹ kiin naforo bii. Ka bɛ-n kəni, n tá re doɛ̃ mà masɛ Dɛnaa Lawa nə n kirisibaali lɛa, mà Zakɔba a Lawa Pàãyiidɛnaa nə n si sii la wole lɛa.

Izayii 60:16 ပူးပေါင်းရင်းမြစ်များ

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Izayii 1:24

Bɛ lɛ nɛ, Pàãyiidɛnaa Lawa, Izirayeli a Lawa Kaka a daǹ boo á ke: Koe n ka kɛ nɛ! Ma á re yui gòãn dii wolen kɛn gialaa, ma maa gɛ̀ dòo bɔ maa zɔ́ɔn ganaa!

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 19:20

Bɛ n die sii a kɔnboe biɛ, a n siére lɛa, nyɛɛ mà Dɛnaa Lawa Pàãyiidɛnaa tan Ezipti gána nɛ. Bɛ̀ Ezipti minin nə́ n lɛ dɛ Dɛnaa Lawa ganaa mɛnaa ma la wolen kɛn taman yii, Dɛnaa Lawa á re kirisibaali diɛ ǹ la, a ǹ si a ǹ kaa.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 29:24

Yiriwɛɛnaan tá re yiri yii, boo bisin dalin tá re n too koe doroo li.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 43:11

Ma din, ma dinsɔɔ̃ n Dɛnaa Lawa lɛa. Bɛ̀ á n bɔ masɛ nɛ, kirisibaali kɔsɔ banban.

Izayii 45:15

Izirayeli a Lawa, ma n Lawa lɛa n durii, sɛnɛ, ma n minin kirisibiɛ.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Izayii 49:23

KIIN tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 52:6

Bɛ lɛ nɛ, maa zaman tá re ma tɔ doɛ̃. Sonbore, ǹ kɔn pinaa ǹ tá re doɛ̃ mà ma din ni pii kɛnɛn: Ma á die!»

Izayii 59:20

Si sii la wole á re die *Siɔn, Zakɔba a minin kɛn lɛa, ǹ nə́ ǹ sii baraan kaa. Dɛnaa Lawa a da ǹ boo ne.

Izayii 60:17

Zan bǎã nɛ, man die ka sana nɛ. Fɔlɔ bǎã nɛ, man die ka wɔrɔ nɛ. Gɔn bǎã nɛ, man die ka zan nɛ. Kɔlɔ bǎã nɛ, man die ka fɔlɔ nɛ. Man lɛ diɛ là nyantoro la a n nyɛɛnaan bɔ, peperebaa mɛ n nyɛɛnɛ.

Izayii 61:6

Sɛnɛ, kasɛn tɔ n die goɛ̃: «Dɛnaa Lawa a wúlu-bɔlen.» Ǹ tá re ka bíi, «Wɔa Lawa a dí-nyalin» Ka á re là yii tɔrɔ kɔsɔn gɔn mànan ganaa, ka n dinin gole kɔ ǹ naforon kɛn taman yii.

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Izayii 63:8

Izirayeli minin paǹ li, Dɛnaa Lawa pɛ: «Maǹ maa zaman lɛa taãn-taãnɛ, maa nɛnyaanan manɛ. Ǹ ba re ma yiri siɛ̃ wa.» Á n baa ǹ kirisibaali lɛa.

Izayii 66:14

Ka á re bɛ yii, ka foo á re kɔɔ̃n koe, ka wen nə wusoo ǹ yiikoonaabaa yɛ ka buu bɛ́ lɔn la kio. Min mɛnɛn bɛ́ dí nyɛɛ Dɛnaa Lawa nɛ, á re n pàã nyɛɛ bɛn manɛ. Sɛnɛ, a zɔ́ɔn kɛn tá re a foo yoo kɛa gugurubaa yii.

Zeremii 15:21

Ma á re n gɔsiɛ ma n bɔ min baraan gɔn, ma n kanbaa min kakaarɛn pàã ganaa.

Ezekieli 34:30

Ǹ tá re doɛ̃ bɛa biikoo li kəni mà ma din Dɛnaa Lawa nə ǹ Lawa lɛa, má n kunun ǹ ni, ǹsɛn Izirayeli tɔrɔn lɛn man maa zaman lɛa. Ma din Dɛnaa Lawa a da ǹ boo ne.

Sii-nyaan 21:24

Tɔrɔn tumaa á re tɔ we a din a tɛ fúlu li, kanaa a kiin tumaa á re die a nɛ ka ǹ gɔn mànan nɛ.

Sii-nyaan 21:26

Ǹ tá re die ka gánan tumaa gɔn màn siĩnin ni walan.