Izayii 60:10 - LAWA A BOO SONBORE

¹⁰ Tiin man die n kungɔnɔn kɛn doe, ǹ kiin nə dí nya n nɛ. Maa foo yoo gɔ́ɔ̃ nɛ, má dɔlɔ bɔ n ganaa. Sɛnɛ, maa makara-doɛ̃ taman yii, man maa kɔn-narɛɛ nyɛɛ n nɛ.

LAWA A BOO SONBORE 2011

¹⁰ Tiin man die n kungɔnɔn kɛn doe, ǹ kiin nə dí nya n nɛ. Maa foo yoo gɔ́ɔ̃ nɛ, má dɔlɔ bɔ n ganaa. Sɛnɛ, maa makara-doɛ̃ taman yii, man maa kɔn-narɛɛ nyɛɛ n nɛ.

Izayii 60:10 ပူးပေါင်းရင်းမြစ်များ

Loen 102:13

Sɛnɛ, nsɛ kaa, Dɛnaa Lawa nsɛ n kii lɛa yǎa duduu. Biikoo tumaa a minin man die n boo diɛ.

Loen 30:5

Lawa a min sonboren lɛn, ka loe lɔ ka Dɛnaa Lawa tɔ bɔ nɛ. Ka a tɔ bɔ, bɛ̀ ka tá a siĩnbaa kɛ pii.

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 49:23

KIIN tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.

Izayii 56:6

Tiin mɛnɛn gɔn paraamaa bɛ́ Dɛnaa Lawa ganaa, ǹ ná a dí nyɛɛ, ǹ ná a tɔ narɛ, ǹ ná a dí-nyalin lɛa, min mɛnɛn tumaa bɛ́ susu ǹ pii koɛ sɔnbɔraa nɛ, ka bɔlɔgoondɛnaabaa nɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Izayii 60:3

Tɔrɔn tá re die n wɔlɔ fúlu kɛ ganaa. N baayɛlɛ a tɛ fúlu kɛ á re kiin baɛ̃.

Izayii 61:2

A na á ma dia mà ma da pɛ mà Dɛnaa Lawa a bǐɛ̃baa ǹ lɛ̀ nɛ, mà Dɛnaa Lawa a gɛ̀ dòo bɔ a zɔ́ɔn ganaa ǹ lɛawaa nɛ. A na á ma dia màn mɛn bɛ́ toɛ ma gɛ̀ koa wolen yiri giã.

Izayii 61:5

Tiin tá re goɛ̃ ǹ tan, ǹ kaa sèren laanka ka bòen lɛduə̃. Minin tá re boe bǎã kɔsɔn nɛ, ǹ da kaa wurun laanka kaa *rezɛ̃ da wurun kɔsɔ.

Izayii 64:9

Minin ba n kiwi sonboren kɛn nɛ wa. *Siɔn nə diə gole baa, Zeruzalɛmu kɛbɔlɔ baa.

Izayii 66:21

Dɛnaa Lawa pɛ: Ma á re minin tɛnɛn boe ǹ bii, *Levii tɔrɔn lɛa, ma ǹ baa Lawa a wúlu-bɔlen lɛa.

Zowɛli 2:18

Dɛnaa Lawa tá a gána lɛ narɛ á kiɛ̃, a minin lɛn makara kũ.

Zakarii 6:15

Min mɛnɛn wɔlɔ bɛ́ sɔsɔɔ, bɛn tá re die n doe Dɛnaa Lawa a kion lɛ a dɔlen lɛ. Ka bɛ-n kəni, ka á re doɛ̃ mà Dɛnaa Lawa Pàãyiidɛnaa na á masɛ Zakarii dia ka li Lawa a boo gii-dali lɛa. Bɛ n die yɔrɔ yii bɛ̀ kaa Dɛnaa Lawa ka Lawa bɔlɔ sii sonbore.

Sii-nyaan 21:24

Tɔrɔn tumaa á re tɔ we a din a tɛ fúlu li, kanaa a kiin tumaa á re die a nɛ ka ǹ gɔn mànan nɛ.

Sii-nyaan 21:26

Ǹ tá re die ka gánan tumaa gɔn màn siĩnin ni walan.