Izayii 6:9 - LAWA A BOO SONBORE

⁹ Á tɔ́n pɛ ma nɛ: – Wo pɛ tɔrɔ kɛ-n kɛnɛn: «Ka nə n too koe sɔnbɔraa nɛ, sɛnɛ, ka a màn kɔn miɛ wa. Ka n giɛ sɔnbɔraa nɛ, sɛnɛ, ka yii á màn kɔn yii wa.»

LAWA A BOO SONBORE 2011

⁹ Á tɔ́n pɛ ma nɛ: – Wo pɛ tɔrɔ kɛ-n kɛnɛn: «Ka nə n too koe sɔnbɔraa nɛ, sɛnɛ, ka a màn kɔn miɛ wa. Ka n giɛ sɔnbɔraa nɛ, sɛnɛ, ka yii á màn kɔn yii wa.»

Izayii 6:9 ပူးပေါင်းရင်းမြစ်များ

Suusun 28:5

Min baraa ba boo kɔn giala miɛ dí-pɛn gɔ́ɔ̃-n wa. Sɛnɛ, min mɛnɛn bɛ́ giɛ Dɛnaa Lawa li, bɛn ta a tumaa giala miɛ.

Izayii 28:13

Bɛ lɛ nɛ, Dɛnaa Lawa á re ǹ darɛɛ kɛnɛn: Sɛ́wɔ nɛ gogoonmaa dan yii li, sii-nyaa gogoonmaa dan yii li, doroo gogoonmaa dan yii li! Bɛ̀ ǹ tá tɔ we kəni, maǹ die mɛnɛɛ tán ǹ làfu la, ǹ wen nə yiyiɛ. Kan tá re ǹ kuĩ, ǹ nə ǹ baa kòso nɛn lɛa.

Izayii 29:10

A giala, Dɛnaa Lawa ka yiri tã, á kaa Lawa a boo gii-dalin sàabaa sii-yɛn ganaa, á màn kɔ kaa gɔn-nɔɔlin yɔrɔ lɛ.

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Izayii 29:14

Bɛ lɛ nɛ, á ke, man die kaãbaa ǹ siin zɛnɛɛ, ma maa zaman tɔwaa nɛ. Ta ǹ tá sii-dɔ̃lin lɛa, ǹ ba re màn kɔn giala miɛ ǹ nɛ wa. Ta ǹ tá yiridɛnan lɛa, ǹ doɛ̃ wolen ba re boe la ǹ sii kɔn giala pɛ wa.»

Izayii 42:20

Nsɛ, Izirayeli a zaman, n sii gigiã yɛ, sɛnɛ n nə n yiri koa màn kɔn li wa. N nə́ n toon bũ, sɛnɛ n boo kɔn ma wa.

Izayii 43:8

Ka tɔrɔ yii tere-a kɛ kũ, ka soo ne. A yiin tan, sɛnɛ, ǹ ba wɔlɔ yii wa. A toon tan, sɛnɛ ǹ ba boo miɛ wa.

Zeremii 5:21

Ka n too kɔ kəni, tɔrɔ yiriwɛɛnaan kɛn, baãnaan lɛa. Ka yiin tan sɛnɛ ǹ ba wɔlɔ yii wa, ka toon tan sɛnɛ ǹ ba boo miɛ wa.

Ezekieli 12:2

«Nsɛ minbuiin a nɛ, n bɛ́ giã-n tɔrɔn mɛnɛn bii, piã-wɔlen manɛ. Yiin tá ǹ lon, sɛnɛ, maǹ nə n piɛ̃, ǹ ba giɛ ǹ nɛ wa. Toon tá ǹ lon, sɛnɛ maǹ nə n piɛ̃, ǹ ba n too koe wa. A giala, piã-wɔle din taãn-taãnɛn manɛ.

Ozee 1:9

Dɛnaa Lawa pɛ kɛnɛn: «Bɛ tɔ kɔ "Lo-Amii" bɛ giala mà "maa zaman bie doo wa". A giala, ka bie maa zaman lɛa doo wa, masɛ dɔ bie kaa wɔ lɛa doo wa.»

Marki 4:12

màn mɛn bɛ́ toɛ, a kɔnpɛ ka Lawa a boo kɛ nɛ: «Ǹ tá re giɛ ǹ yii laa, sɛnɛ, ǹ yii a re wɔlɔ yii wa, ǹ tá re n too koe ǹ nɔmaa, sɛnɛ, ǹ ba re boo miɛ wa. Bɛ bie wa, ǹ tá re wusii ǹ da Lawa li, Lawa dɔ á die ǹ sii baraan toɛ ǹ nɛ, sɛnɛ, bɛ bɛ́ a bie ǹ yii li ǹ sii lɛa wa.»

Luku 8:10

Á n toa ǹ ganaa kɛnɛn: «Lawa bɛ́ a kiibaa ǹ dí mɛn nyɛɛ kanaa, bɛ n sii-durii lɛa á nyaa kasɛn manɛ. Sɛnɛ, a na á nyaa min gialakunun kɛn manɛ ka boo giməə ne, màn mɛn bɛ́ toɛ, ǹ ga, sɛnɛ, ǹ yii baran wɔlɔ yɛ wa, ǹ boo ma, sɛnɛ, ǹ baran a giala ma wa.»

Zaã a sɛ́wɔ 12:40

«Lawa na á ǹ yiin tã, màn mɛn bɛ́ toɛ, ǹ baran wɔlɔ yɛ wa. Á ǹ yiri tã, màn mɛn bɛ́ toɛ, ǹ baran boo giala ma wa, màn mɛn bɛ́ toɛ, ǹ baran ǹ lɛ-mui sii kaa ǹ wusoo ǹ da masɛ Lawa li wa. Bɛ̀ maǹ kiɛ, bɛ̀ má ǹ busu nya!»

Rɔmu minin 11:8

A na á n pɛ Lawa a boo ne, bɛa gialakunun kɛn lɛn wɔ gɔn la: «Lawa toa ǹ yiri tã. Haalɛ a da kaa pelo lɛ, maǹ giɛ, sɛnɛ, ǹ yii a wɔlɔ yii wa, manə n too koe, sɛnɛ, ǹ too a boo miɛ wa.»

Timəə dí-pɛn 29:4

Ma din Lawa n má ka nyɛɛnaan bɔ don, lɛ̀ pusi gɔ́ɔ̃ nɛ. Dɔnkɛn mɛnɛn nə goã ka-a, kɔsɔnɔn mɛnɛn nə goã ka gòãn-a, bɛn nə ziziɛ̃ wa.