Izayii 6:11 - LAWA A BOO SONBORE

¹¹ Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

LAWA A BOO SONBORE 2011

¹¹ Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Izayii 6:11 ပူးပေါင်းရင်းမြစ်များ

Loen 74:10

Lawa, zɔ́ɔn sɔ kɔ n ganaa ke, bɛ n die woe nyɛɛn yǎa biĩ doo? Zɔ́ɔn yaa wɔ n ganaa ke, bɛ dɔ n die woe nyɛɛnɛ a belebɔ doo?

Loen 79:5

Dɛnaa Lawa, n foo-yoo kɛ n die goɛ̃ miɛ̃, a ná a nyɛɛ wa, yǎa biĩ doo? N kakaarɛ kɔ wɔ ganaa ke, á n wɔ kuĩ ka tɛ bɛ́ lɔn, bɛ dɔ n die goɛ̃ yǎa biĩ?

Loen 90:13

Dɛnaa Lawa, sabara baa n si n ganaa! N foo n die basɛ̃ biĩ? N din a dí-nyalin man wɔsɛn nɛ, bǐɛ̃ kɔ, n nə n yɔrɔ bǐɛ̃ da wɔ la.

Loen 94:3

Dɛnaa Lawa, min babaraan kɛn man die goɛ̃ nyɛnyɛɛ la yǎa biĩ? Ee, maǹ die goɛ̃ la yǎa biĩ kəni?

Izayii 1:7

Kaa gána n kɛbɔlɔ lɛa. Tɛ kaa kiwin kũ. Tiin man kaa wurun ziziɛ̃ ka dinin yii ni. Kaa wurun man ka kɛbɔlɔ bɛ́ lɔn, ká kaa zɔ́ɔn man nə́ bɔ ǹ nɛ.

Izayii 13:12

Giĩn yɛ á re kaka koe a la sana yoreen yɛ nɛ, minbuiin nɛ yɛ á re kaka koe a la Ofiiri sana yɛ nɛ.»

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Izayii 3:8

Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.

Izayii 32:14

A giala kii a kion gɔ́ɔ̃ kooromaa nɛ. Min kɔn ba kiwi bìn dale kɛ-n doo wa. Ofɛli dala laanka wɔlɔ lɛduə̃ ǹ sanabolo ke, ǹ nə́ n la bɔ bɛn ganaa duduu. Ǹ nə́ don dundunun susu ǹ bǎã baa, tɔɔn buu sɔ̃ ǹ bǎã lɛa.

Izayii 35:1

Diə gole ka tán gere, ka n nyɛnyɛɛ! Bǎã mɛn bɛ́ mu ba a-n wa n nyɛnyɛɛ, n buũ kɔ ka kɔnbɔlɔn bɛ́ lɔn!

Izayii 5:9

«Ma liɛ ǹ boo mɛn ma Dɛnaa Lawa Pàãyiidɛnaa lɛ-n, bɛ á ke: Kion dadara sonbore gigiã tá re kɛbɔlɔ biɛ, min kɔn ba re giɛ̃ ǹ nɛ wa.

Izayii 60:15

Maǹ nə́ goã ǹ nə́ n la bɔ n ganaa, min kɔn ba n narɛ wa, min kɔn ba n yii koe n ganaa wa. Sɛnɛ sisia, man die n bǐɛ̃ koe, màn mɛn bɛ́ toɛ, ǹ foo kɔɔ̃n kɔ n din taman yii, yǎa duduu.

Izayii 64:10

Wɔ digolon nə goã n tɔ boe kion sonbore siĩn-siĩn mɛn lɛ nɛ, ǹ nə́ tɛ da bɛ ganaa. Màn mɛn tumaa goã kɔɔ̃n wɔ ganaa, bɛ tumaa basaã baa.

Zeremii 22:6

Dɛnaa Lawa bɛ boo mɛn diɛ Zudaan kii a kion a paǹ li, á ke: N siĩnbaa n ka Galaati a daã kɛ wɔ bɛ́ lɔn, ka Liban a kele mìin kɛn nɛ. A da yaa, sàabaa ba la wa, man die n biɛ diə gole lɛa, kɛbɔlɔ lɛa.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 44:2

– Dɛnaa Lawa Pàãyiidɛnaa, Izirayeli a Lawa n kɛ pii: «Ma koen mɛnɛn da Zeruzalɛmu laanka Zudaa kiwin tɛnɛn mìi ni, táa ka bɛn yɛ. Pelo, ǹ tumaa kɛbɔlɔ baa, min goon din ba ǹ nɛ wa.

Zeremii 52:27

Baabiloniin kii nə ǹ dɛ walan, Amaati gána nɛ. Maǹ nə́ woo ka Zudaa zaman nɛ gùli kɔ ǹ bǎã nɛ ka kɛa yɔrɔ kɛ lɛ nɛ, sɔsɔɔ ǹ gána ganaa.

Ezekieli 6:6

Ka bɛ́ kiwin mɛnɛn tumaa nɛ, bɛa kiwin lɛn gɔ́ɔ̃ kooro á die goɛ̃, kaa wúlu bɔ ǹ bǎãn kɛn tá re goɛ̃ tán. Kaa wúlu màn tã ǹ bǎãn kɛn tá re wurii, ǹ nə́ ǹ ba re màn kɔn bǐɛ̃ koe doo wa. Kaa dìn kɛn tá re yɔyɔrɛ ǹ papaã. Kaa nyɔɔ gìĩ kɔɔ̃n tã ǹ mànan kɛn laanka ka màn mɛn tumaa zɛnaa, bɛn tá re ziziɛ̃.

Lawa a wúlu-bɔlen 26:31

Ma á die kaa kiwin kɛn yui lenlen. Kaa dìn guguru kɔ ǹ bǎãn kɛn, man die bɛn wurii, min ná a ba woe walan doo wa. Kaa wúlu mànan kɛn tɛmaa din gìĩ ba re kɔɔ̃n koe masɛ-n doo wa.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Misee 2:4

Bɛa pinaa kɛ lɛ nɛ, minin tá re suusu diɛ ka ganaa, ǹ tá re wuu pii ǹ gù wɔ ka la ǹ pɛ: «Wɔsɛn nə́ ziziɛ̃ lenlen, á ke, á ma tɔrɔn lɛn bǎã si ǹ la, á kɔ min kɔsɔn la. Kɛ mìi n ka wàa nɛ? Ǹ nə́ ke wɔa wurun gii piã-wɔlen manɛ!»

Misee 5:11

Ma á die kɔnkoãbaa kɛ niɛ̃ ma bɔ ka gɔn lɛ-a, wɔ-kũli á die goɛ̃ ka bii doo wa.

Misee 6:13

Bɛ lɛ n ke, man die ka dii, yǎa ma busu diɛ ka ganaa. Man die basaã koe ka nɛ, kaa sii baraan lɛn taman yii.

Misee 7:13

Sɛnɛ, kanaa lɛ gɔ́ɔ̃ kooro á die goɛ̃, kanaa minin lɛn dinin zɛnaa ǹ sii taman yii, ǹ nya ǹ dín lɛn saraa nɛ.

Timəə dí-pɛn 28:62

A laanɛ ka á mɔnaa nɛ ka lon a leeren bɛ́ lɔn, bɛ̀ ká kaa Lawa, Dɛnaa Lawa bɔlɔ tii, kaa min mɛnɛn bɛ́ goɛ̃, ǹ ba re tɛ koe wa.

Timəə dí-pɛn 28:63

A bɛ́ na á kɔɔ̃n kɔ Dɛnaa Lawa din ganaa á bǐɛ̃ zɛnaa ka nɛ, á ka mɔnaa lɔn ke, a n die kɔɔ̃n koe a ganaa miɛ̃ dɔn, a ka dɛ a ka nya lenlen. Ka bɛ́ re we gána mɛn lɛ nɛ ka si ka baa kaa wɔ lɛa, á re ka wɛɛ ka saɛ, a ka bɔ bɛ nɛ.