Izayii 59:8 - LAWA A BOO SONBORE

⁸ Kaa là nyantoro zii doɛ̃ wa. Ka bɛ́ koe zii mɛn lɛ, sonborebaa goon din ba la wa. Ka n kaa ziin kɔkɔrɔ koe. Bɛ̀ min woo min kɔ ǹ lɛ, bɛa là nyantoro yii duduu wa.

LAWA A BOO SONBORE 2011

⁸ Kaa là nyantoro zii doɛ̃ wa. Ka bɛ́ koe zii mɛn lɛ, sonborebaa goon din ba la wa. Ka n kaa ziin kɔkɔrɔ koe. Bɛ̀ min woo min kɔ ǹ lɛ, bɛa là nyantoro yii duduu wa.

Izayii 59:8 ပူးပေါင်းရင်းမြစ်များ

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Suusun 2:13

Ǹ mɛnɛn bɛ́ zii pepere toɛ walan ǹ nə́ tɔ we wɔlɔ tì li, ǹ tá re n kanbiɛ bɛn ganaa.

Suusun 2:15

Ǹ ba pepere wa, ǹ giã ǹ gɔn nə kɔkɔrɔ.

Suusun 21:8

Gɛ̀-dɛli a giã ǹ gɔn nə kɔkɔrɔ. Sɛnɛ, min pepere a sii zɛnaa n pepere.

Suusun 28:18

Min mɛn a giã ǹ gɔn bɛ́ pepere, á re yiikoonaabaa yii. Sɛnɛ, min mɛn a giã ǹ gɔn bɛ́ yɔrɔ paa la, a nyin nə die goɛ̃ a goon ne.

Suusun 3:17

A nə ǹ kiɛ zii sonbore la, ǹ nə́ tɔ we la ka yii-nyɛɛ nɛ.

Izayii 48:22

Sɛnɛ, Dɛnaa Lawa pɛ: «Yii-nyɛɛ banban min baraan wɔ lɛa wa.»

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 59:11

Wɔ tumaa n lɛ biɛ ka don màn babaraa bɛ́ lɔn. Wɔ n gini ka zɛrɛkatoãnən bɛ́ lɔn. Wɔ nə n yii diɛ sonborebaa la, sɛnɛ, màn kɔn. Wɔ nə n yii diɛ kirisibaa la sɛnɛ, a nə n wɔlɔ lui wɔ ganaa.

Izayii 59:9

Bɛ lɛ nɛ, sonborebaa wɔlɔ á lui-n wɔ ganaa, peperebaa a doe wɔ li wa. Wɔ nə n yii diɛ wɔlɔ fúlu la, sɛnɛ, wɔ n wɔlɔ tì li. Wɔ nə n yii die lɛ̀ a waa la, sɛnɛ, wɔ ǹ tɔ we wɔlɔ tì li.

Izayii 65:2

Duduu, má n gɔn dia tɔrɔ bɔlɔgoonbaã wole la. Sɛnɛ maǹ koe zii bɔnɛɛ lɛ ǹ nə́ ǹ dinin foo siin zɛnɛɛ.

Zeremii 5:1

Ka wo bǎã tumaa nɛ, Zeruzalɛmu a ziin la, ka ga sɔnbɔraa nɛ, ka nɔ̀n da, Ka ga a bǎã dadaran nɛ, Bɛ̀ ka min goon yɛ, pepere, bɔlɔgoondɛnaa lɛa, ma á re makara boe Zeruzalɛmu ganaa kəni.

Matiə 23:23

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Rɔmu minin 3:17

Ǹ laadoo bie ka ǹ miãn kɔsɔn bǐɛ̃-n wa, ǹ laadoo bie ka ǹ là nyantoro dɔ-n wa.