Izayii 59:7 - LAWA A BOO SONBORE

⁷ Ka gòã yii n fuu sii baraa zɛnaa ganaa. Ka nə n nanaɛ̃ woe yii tì-an mà kiɛ. Ka ǹ sii baraa zɛnaa dinsɔɔ̃ taasɛ. Ka bɛ boe bǎã mɛn tumaa nɛ, kakaarɛbaa laanka basaã nɛ.

LAWA A BOO SONBORE 2011

⁷ Ka gòã yii n fuu sii baraa zɛnaa ganaa. Ka nə n nanaɛ̃ woe yii tì-an mà kiɛ. Ka ǹ sii baraa zɛnaa dinsɔɔ̃ taasɛ. Ka bɛ boe bǎã mɛn tumaa nɛ, kakaarɛbaa laanka basaã nɛ.

Izayii 59:7 ပူးပေါင်းရင်းမြစ်များ

Suusun 1:16

Maǹ baa sii sii baraa zɛnɛɛ, manə n nanɛɛ gɛ̀ dɛ li.

Suusun 15:26

Taasiɛ baraa tìĩ n boe ne Dɛnaa Lawa nɛ. Sɛnɛ, boo sonboren man kiɛ a foo la.

Suusun 24:9

Yiriwɛɛnaa a taasiɛ tumaa n doa nɛ sii baraa ganaa. Min mɛn bɛ́ yaa we sii tumaa ganaa, a tìĩ boemaa-n min tumaa nɛ.

Izayii 15:5

Man gú diɛ Moabu minin lɛa. A zaman nə baa sii yǎa Sowara, yǎa Eglati-Selesia. Maǹ wuu pii bɛ̀ ǹ tá dii Luhiti kele kɛ la. Oronayimu zii la, maǹ foo ziziɛ̃ ǹ lɛ dɛ we!

Izayii 32:6

A giala, baãnaa n baãnaabaa ǹ boo diɛ. A nə n taasɛ sii baraa zɛnaa dinsɔɔ̃ ganaa. A n sii bɔbɔnɛɛn zɛnɛɛ. A n sɔ koe Dɛnaa Lawa ganaa. A ba màn-bii koe bòonaa la wa, A ba mu koe mu borodɛnaa la wa.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Izayii 59:3

Ka gɔnɔn man mà lɛa, kaa siɛ̃n nə́ ka gòonən tii. Soɛ boon man ka lɛ-n, ka lɛwɔn nə́ boo baraa diɛ.

Izayii 60:18

Kakaarɛbaa boo ba re n miɛ n gána-n doo wa. Basaã laanka kɛbɔlɔ boo á re n diɛ n gána gɔ́ɔ̃-n wa. N kungɔnɔn kɛn tɔ n die goɛ̃ "Kirisibaa", n kiɛnlɛn tɔ goã "tɔ bɔ".

Izayii 65:2

Duduu, má n gɔn dia tɔrɔ bɔlɔgoonbaã wole la. Sɛnɛ maǹ koe zii bɔnɛɛ lɛ ǹ nə́ ǹ dinin foo siin zɛnɛɛ.

Izayii 66:18

Dɛnaa Lawa pɛ: «Ma tá ǹ zɛnaa ǹ siin laanka ǹ taasiɛ doɛ̃. Man die bɔlɔ tumaa a tɔrɔn soekɔn. Ǹ tá re die, ǹ maa gugurubaa yɛ.

Izayii 66:4

Á bǐɛ̃ kɔ, ma dɔ n die koe yɔrɔ boe ǹ wɔ lɛa. Sii mɛn bɛ́ nyɛ́ɛ diɛ ǹ ganaa, man die bɛ lɛ diɛ ǹ la. A giala, má lɛ dia, min kɔn ma lɛ si wa. Má boo da, min kɔn nə n too kɔ wa. Sii mɛn bɛ́ bɔbɔnɛɛ ma yii li, ka sii mɛn bɛ́ a kɔɔ̃n ma ganaa wa, ka ǹ bɛ lɛ zɛnɛɛ.

Zeremii 22:17

Sɛnɛ, nsɛ n giɛ n dinsɔɔ̃ a là li. Ma n zoɛ̃ yii tì-an dɛ li, n nə́ kakaarɛbaa zɛnɛɛ minin ni, ka mɛnaa ma la nɛ.

Zeremii 41:7

Ǹ nə́ wɔ kiwi lɛ nɛ. Bǎã goon ne, Netania nɛgiĩ Isimayeli laanka a kiodɛnan lɛn nə́ ǹ dɛ, ǹ nə́ ǹ geren kaa nyankɔrɔ zuzulu ni.

Busii pɛ 4:13

Bɛ na á giala yɛ miɛ̃, Lawa a boo gii-dalin laanka Lawa a wúlu-bɔlen sii baraan taman yii. A giala, ǹ dinin maǹ nə́ toa Lawa bɔlɔ-sili sonboren mà kaa kiwi lɛ nɛ.

Ezekieli 18:12

A n mɛnɛɛ nɔmaa wolen laanka doobaan la, á n wurumu biɛ, a giɔ̀mɔ lɛ koa ǹ màn koe wa. A n dìn guguru koe, á n sii bɔbɔnɛɛ zɛnɛɛ.

Ezekieli 22:6

«Á ke Zeruzalɛmu, Izirayeli nyɛɛnaandɛnan mɛnɛn bɛ́ n nɛ, bɛn manə ǹ pàã zɛnɛɛ, ǹ nə́ mà kiɛ tán.

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Misee 7:2

Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.

Matiə 2:16

Erɔdi bɛ́ á dɔ̃ mà doɛ̃ wolen lɛn ná asɛ bebele, a foo yoo parsiini. Á tɔ́n pɛ minin manɛ, mà ǹ wo Bɛtlehɛmu laanka a lɛkoro-an kiwin ni. Mà nɛginin mɛn din tumaa bɛ́ á dɔ lɛ̀ paa, hinlaa ta a na nyaabaa lɛ̀ paa ganaa, mà ǹ bɛ tumaa dɛ, a giala doɛ̃ wolen lɛn boo lɛ a diɛ lɛ̀ paa n ke Erɔdi ni.

Sii-nyaan 17:6

Má yɛ, ǹ Lawa a min sonboren mɛnɛn dɛ, bɛn mà na á goã lɔ lɛ yii-a. Min mɛnɛn nə́ foo doa ǹ min baa Yezu wɔ gɔn la, lɔ lɛ na á bɛn mà mi, a ná a yii-a ka yɔ bɛ́ lɔn. Ma bɛ́ má yɛ lɔn, tɔwaa gole ma kũ.