Izayii 59:6 - LAWA A BOO SONBORE

⁶ Ka bɛ mɔnaa mɛn tiɛ̃, a boe la a mɔnaa baa wa. Kaa dí a là a mɔnaa biɛ doɛ̃ ka wɔ ka ganaa wa, kaa sii zɛnaan man ka baraabaa nɛ. Ka gɔnɔn man kakaarɛbaa ǹ dí dinsɔɔ̃ nyɛɛ.

LAWA A BOO SONBORE 2011

⁶ Ka bɛ mɔnaa mɛn tiɛ̃, a boe la a mɔnaa baa wa. Kaa dí a là a mɔnaa biɛ doɛ̃ ka wɔ ka ganaa wa, kaa sii zɛnaan man ka baraabaa nɛ. Ka gɔnɔn man kakaarɛbaa ǹ dí dinsɔɔ̃ nyɛɛ.

Izayii 59:6 ပူးပေါင်းရင်းမြစ်များ

Siin Giala 6:11

Sɛnɛ Lawa yɔrɔ-a, kanaa minbuiinin gialakunun kɛn tumaa ziziɛ̃, kanaa gɔ́ɔ̃ pã ka kakaarɛbaa ǹ siin ni.

Zɔbu 16:17

A da yaa ma kakaarɛbaa ǹ sii kɔn zɛnaa wa. Maa nyankɔ dɔ n yoreen biikoo tumaa li.

Loen 55:11

Bɛa siin kɛn lɛn man kiwi lɛ lɛnpɛnɛ penleen laanka tèlò ne. A gɔ́ɔ̃ dɔ nɛ, bɛa baraabaa siin kɛn lɛn manə ǹ tan.

Loen 58:2

Min golen lɛn, ka á boo diɛ ka peperebaa-n ya? Haayii, bɛ̀ ka á kiri we minin ganaa, peperebaa ba a-n wa.

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 57:12

Sɛnɛ, ma á re n peperebaa kɛ nyɛɛ foaã nɛ. N sii mɛn zɛnaa, n ba re a là goon yii wa.

Izayii 58:4

Hiĩ, bɛ̀ ka n lɛ sɔɔ, ka n zia diɛ. Ka n kɔn dii ka gɔn munii ni. Bɛ̀ ka á n lɛ soɛ ka bɛa yɔrɔ kɛ nɛ, kaa nyankɔ á doe ma li lon wa.

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Zeremii 6:7

Mu piã bɛ́ a mu sui lɔn, a dɔ na a baraabaa lɛ sui miɛ̃. A kiwi bii, kakaarɛbaa laanka wɔlɔ yui dinsɔɔ̃ boo na a tan. Biikoo tumaa li, nɔmaa laanka busulɛn man ma yii giulun.

Ezekieli 18:12

A n mɛnɛɛ nɔmaa wolen laanka doobaan la, á n wurumu biɛ, a giɔ̀mɔ lɛ koa ǹ màn koe wa. A n dìn guguru koe, á n sii bɔbɔnɛɛ zɛnɛɛ.

Ezekieli 7:11

Kakaarɛbaa na á yoo á golee, á gole kɔ sii baraa zɛnaa taman yii. Ka kɔn ba re goɛ̃ wa, kaa gugurubaa nɛ, ka gɔn mànan nɛ, ǹ kɔn ba re goɛ̃ wa.

Ezekieli 7:23

Ka ǹ kũ ǹ fɔlɔ zɔrɔka zɛnaa, a giala gɛ̀-dɛli la gána lɛ yii ni, kakaarɛbaa dɔ́ kiwi lɛ pã.

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Amɔɔsi 3:10

Masɛ Dɛnaa-n kɛ pii: Samarii minin lɛn ba sii pepere zɛnaa ǹ gɔn doɛ̃ wa. Maǹ kakaarɛbaa ǹ sii zɛnɛɛ, ǹ nə́ mɛnɛɛ minin la, mànan sii kiɛ kɔn la ǹ kionən ne.

Amɔɔsi 6:3

Ka bɛ́ ká mà ka nə n nyɛnɛɛ bɔ̀n nɛ, ka á re kakaarɛbaa baɛ̃ ka da nɛ.

Misee 2:8

Lɛlɛ doo, ka dinin man ka goã masɛ a zaman kɛa zɔ́ɔ lɛa. Ma min mɛnɛn lɛn si zia la, ǹ nə́ kiɛ̃ woe piɛ ǹ foo n tã, ka n ká goã we bɛn lɛ, bɛ̀ ka ǹ dɔnkɛ gole sɔlɔ, ka bɔ a boɛɛn lalan.

Misee 6:12

A giala, kiwi lɛ a pàãman kakaarɛbaa la yii ni, a minin kɛn man soɛn boboe, màn kɔn ba ǹ lɛ-n wa, yǎa kɔn bebelee.

Sofonii 1:9

Bɛa pinaa lɛ nɛ, min mɛnɛn bɛ́ kion kiɛnlɛ lɛ lanparɛ ma á re yui bɛn gialaa. Min mɛnɛn dɔn bɛ́ ǹ dɛnaa a kion piɛ̃ ka kakaarɛbaa laanka wurumubaa ǹ mànan nɛ ma á re dɔlɔ boe ǹ ganaa.

Sofonii 3:1

Kiwi mɛn bɛ́ piã-wɔle lɛa, á n din ziziɛ̃, piɛ̃ nɛ ka pàã zɛnaa wolen ne, bɔ̀n bɛ yɛ.

Malakii 2:16

Dɛnaa Lawa, Izirayeli a Lawa pɛ: «Ma soɛ̃ n ka gòã li ǹ lɔ loo ne, ka min mɛn bɛ́ kakaarɛbaa zɛnɛɛ. Dɛnaa Lawa Pàãyiidɛnaa na á pɛ miɛ̃. Ka yiri bɔ ka dinin li, ka nyan wusoo kaa lɛ kɔn boon kio wa.»