Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 59:3 - LAWA A BOO SONBORE

3 Ka gɔnɔn man mà lɛa, kaa siɛ̃n nə́ ka gòonən tii. Soɛ boon man ka lɛ-n, ka lɛwɔn nə́ boo baraa diɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

3 Ka gɔnɔn man mà lɛa, kaa siɛ̃n nə́ ka gòonən tii. Soɛ boon man ka lɛ-n, ka lɛwɔn nə́ boo baraa diɛ.

အခန်းကိုကြည့်ပါ။ ကော်ပီ




Izayii 59:3
31 ပူးပေါင်းရင်းမြစ်များ  

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.


E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.


Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»


Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.


Tɔrɔ piã wolen manɛ, maǹ soɛ-bɔlen lɛa. Minin manɛ ǹ nə́ n piɛ̃ ka Dɛnaa Lawa a daraa ǹ boo a too kɔ ma-a nɛ.


Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»


Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.


Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»


Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.


Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.


Doobaan laanka yii tì-an mà nə n mɔnaan ganaa, a da yaa dɔn n bie n woo ǹ tɔwaa n kiɛnlɛ yiɛ wa.


Sɛnɛ, nsɛ n giɛ n dinsɔɔ̃ a là li. Ma n zoɛ̃ yii tì-an dɛ li, n nə́ kakaarɛbaa zɛnɛɛ minin ni, ka mɛnaa ma la nɛ.


Sɛnɛ, ka foo n doa-n soɛ boon ganaa, là goon ná a ba ǹ ganaa wa.


Ǹ lɛwɔn nə baraa ka kiɛ bɛ́ lɔn. Ǹ nə́ gána lɛ a mìinaan baa soɛ taman yii peperebaa a lɛa bie wa. Taãn nɛ, gɛ̀ dɛ woo gɛ̀ dɛ, ǹ dí n ka bɛ lɛ nɛ. A giala, ǹ ba ma doɛ̃ wa. Dɛnaa Lawa a da ǹ boo ne.


Minin kɛn lɛwɔn nə ka kiɛ bɛ́ lɔn gɛ̀ dii. Maǹ soɛ boe, maǹ boo paparɛ diɛ ǹ giaáran manɛ, Sɛnɛ, ǹ foo ne, maǹ kan koe ǹ ne.»


Bɛ lɛ na á toa masɛ Dɛnaa Lawa á kɛ pii: «Ka sii-nyaa kooron mɛnɛn pɛsɛ̃, ka soɛn mɛnɛn bɔbɔ, bɛn lɛn taman yii, ma á re die ka gialaa.» Ma din Dɛnaa Lawa a da ǹ boo ne.


– Minbuiin a nɛ, n too kɔ. Kiwi gɛ̀-dɛle kɛ lɛ, kiri wɔ a ganaa, a sii bɔbɔnɛɛn kɛn lɛn tumaa nyaa nɛ a dɔ̃.


Á bǐɛ̃ kɔ! A ma toa ma yii n koo, masɛ Dɛnaa Lawa a da ǹ boo á ke: Ma á re ka koe gɛ̀ la, gɛ̀ á re ka kio lui. Gɛ̀-dɛ bɛ́ a bie nyɛ́ɛ diɛ ka ganaa wa, gɛ̀ á re ka kio lui.


Ka ǹ kũ ǹ fɔlɔ zɔrɔka zɛnaa, a giala gɛ̀-dɛli la gána lɛ yii ni, kakaarɛbaa dɔ́ kiwi lɛ pã.


Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»


Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.


Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!


Maǹ kii foo kɔɔ̃n koe ǹ sii baraan taman yii, ǹ goledɛnan foo kɔɔ̃n koe ka ǹ soɛn nɛ.


Min mɛnɛn bɛ́ bɛ lɛ zɛnɛɛ, ta ǹ nə́ n lɛ dɛ Dɛnaa Lawa ganaa ǹ mɛn pinaa, a re n nyii ǹ la wa. A n die n yɔrɔ din bɔyɛɛ a bɔ ǹ la bɛa pinaa, ǹ zɛnaa ǹ sii babaraan lɛn taman yii.


A giala, kiwi lɛ a pàãman kakaarɛbaa la yii ni, a minin kɛn man soɛn boboe, màn kɔn ba ǹ lɛ-n wa, yǎa kɔn bebelee.


Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.


á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»


Soɛ-bɔlen mɛnɛn bɛ́, ǹ yiri ná a ba ǹ goe sii-n doo wa, maǹ die n siɛ bɛn lɛn minin yiri sã ǹ boo li ǹ papaã.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ