Izayii 59:13 - LAWA A BOO SONBORE

¹³ Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

LAWA A BOO SONBORE 2011

¹³ Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Izayii 59:13 ပူးပေါင်းရင်းမြစ်များ

Zɔbu 31:28

Bɛ̀ man má bɛ zɛnaa, bɛ̀ kiri-kurulin doamaa nɛ ǹ dɔlɔ bɔ ma ganaa. A giala, a n goon ka man má n piã ka lon a Lawa kɛ nɛ.

Loen 18:21

Dɛnaa Lawa na á ma kũ maa peperebaa li. A na á ma saraa, á kɔnpɛ maa sii la baã nɛ.

Loen 78:36

Sɛnɛ, ǹ lɛ na á goã Lawa bebele, ǹ lɛwɔn na á goã soɛ boe ne.

Suusun 30:9

Taãn nɛ, bɛ̀ má pàãma baa á la yii ni, ma á boe la man piã n nɛ ma pɛ: «Die n ka Dɛnaa Lawa nɛ?» Bɛ̀ má doobaa baa á la yii ni, ma á boe la ma wurumu baa, ma maa Lawa tɔ ziziɛ̃.

Izayii 10:1

Min mɛnɛn bɛ́ dí-pɛ kɔkɔrɔn koɛ, landa sɛ́wɔn kiɛ̃, koe boe ǹ miãn ganaa nɛ, bɛn wɔ n ka bɔ̀n nɛ.

Izayii 30:12

Bɛ lɛ nɛ, Izirayeli a Lawa sonbore á pii: «Ká n piã ka maa boon ne. Min mɛnɛn bɛ́ ka yiri siɛ̃, ǹ nə́ soɛ boe ka nɛ, ka nə n foo doɛ bɛn ganaa.

Izayii 31:6

Izirayeli minin lɛn, ká n dɔ̀ɔ̃ wɔ Dɛnaa Lawa nɛ taãn-taãnɛ. Ka wusoo ka da a li.

Izayii 32:6

A giala, baãnaa n baãnaabaa ǹ boo diɛ. A nə n taasɛ sii baraa zɛnaa dinsɔɔ̃ ganaa. A n sii bɔbɔnɛɛn zɛnɛɛ. A n sɔ koe Dɛnaa Lawa ganaa. A ba màn-bii koe bòonaa la wa, A ba mu koe mu borodɛnaa la wa.

Izayii 48:8

Haayii, a boo ba ka too-n wa, ka a màn kɔn doɛ̃ wa. Kaa yiri koa sii li baã belebɔ. Ma á doɛ̃, ka n yiri siɛ̃ wolen lɛa. Maǹ ka bíi piã-wɔlen a kũ kaa yɛ waáraa ganaa.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 57:11

Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

Izayii 58:13

Bɛ̀ n nə n piã n dí nya *susu ǹ pii pinaa wa, ma lɛawaa mɛn bɔ má koa maa wɔ lɛa, bɛ n dí nya li wa, bɛ̀ ń susu ǹ pii lɛ bíi "là nyantoro", bɛ̀ ń Dɛnaa Lawa a lɛawaa sonbore lɛ bíi "guguru kɔ ǹ lɛawaa" bɛ̀ n ná a guguru kɔ, ń dí kɔn nya li wa, bɛ̀ n pii kɔ li, n nə́ n din foo sii zɛnaa wa, bɛ̀ n liere kooro kɔ wa,

Izayii 58:2

Lɛawaa tumaa li, maǹ nɔ̀n diɛ maa taasiɛn nɛ. Maǹ giɛ li ǹ ma foo siin dɔ̃. Maǹ nə́ kɔnbɔ ka tɔrɔ mɛn nə́ ke, koe peperebaa lɛ, ǹ nə́ ǹ ba ǹ Lawa a dí-pɛn tii wa. Maǹ kiri pepere li. Maǹ li ma goã mɔrɛɛ nɛ ǹ ganaa.

Izayii 58:9

Bɛ̀ n lɛ dia, Dɛnaa Lawa á re n lɛ sii. Bɛ̀ n dɔmalɛ nyankɔ, á re pii n ni: «Ma á die.» Màn mɛn bɛ́ nɔmaa diɛ n zaman mìi ni, sii zɛnaan mɛnɛn bɛ́ nyɛ́ɛ diɛ, ka boo baraan nɛ, bɛ̀ ń boo la n bɛn sàabaa,

Zeremii 12:8

Maa wɔ bɛ́ ka min mɛnɛn nɛ, bɛn giã ǹ gɔn na á goã ka yàran bɛ́ lɔn daã nɛ. Ǹ nə́ lɛ baa ma ganaa, bɛ lɛ nɛ, ǹ tìĩ bɔ ma nyin ni.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 2:16

Haalɛ Mɛmifisi minin laanka Tapenɛsi minin ná a mìi kɔɔ̃.

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 3:10

Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

Zeremii 3:20

Sɛnɛ, ka lɔ bɔlɔgoonbaãdɛnaa bɛ́ lɔn, ká bɔlɔgoonbaãdɛnan baa ma ganaa Izirayeli minin lɛn. Masɛ Dɛnaa Lawa a da ǹ boo ne.

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Zeremii 42:20

Ka bɛ́ ká n doa ma ganaa mà ma Dɛnaa Lawa, kaa Lawa nyankɔ, ka n ka pɛ: Dɛnaa Lawa, wɔa Lawa nyankɔ wɔ a lɛa. A bɛ́ re boo mɛn diɛ wɔa paǹ li ka te, n bɛ pɛ wɔ nɛ. Wɔ á re bɛ zɛnɛɛ. Bɛa pinaa lɛ nɛ, ka n ka sã gole wɔ, màn mɛn bɛ́ nyin nyɛɛ.

Zeremii 5:23

Sɛnɛ, kasɛn man tɔrɔ too kaka, gòãn dii wolen lɛa. Ka n dɔ̀ɔ̃ wɔ ma nɛ, ka woo.

Ezekieli 18:25

Sɛnɛ, kaa da ǹ boo á ke: «Dɛnaa Lawa a zɛnaa ǹ sii ba a yɔrɔ li wa.» Izirayeli tɔrɔn lɛn, ka n too kɔ. Masɛ a zɛnaa ǹ sii na a ba a yɔrɔ li wa? Ka dininmaan lɛn zɛnaa ǹ sii na a ba a yɔrɔ li wa.

Ezekieli 6:9

Ma bɛ́ re woe ka kaa la wolen lɛn nɛ tɔrɔn mɛnɛn bii, ǹ tá re n taasɛ ka ma-n walan. Ka taasiɛ kɔrɔ laanka ga kɔrɔ mɛn wɔ, ka wusoo ka n bɔ masɛ kio, ka kaa naarɛɛbaa ǹ yiin kɛn doa dìn la, masɛ á re bɛa giã baraa lɛ ziziɛ̃. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn kɛn tumaa taman yii ka zɛnaa.

Ozee 1:2

Dɛnaa Lawa boo mɛn pɛ Ozee ne mà a pɛ a zaman nɛ, bɛa giala kɔ n ka kɛ nɛ. A na á kɛ pɛ Ozee lɛ nɛ: «Lɔ mɛn bɛ́ á n din kɔ kɔrɔbaa la, woo, n bɛ saa n lɔ lɛa, n tá re nɛnyaanan yii a ganaa bɛa kɔrɔbaa lɛ gɔ́ɔ̃ nɛ. A giala, gána lɛ a minin man nə n dinin baa ka lɔ kɔrɔn bɛ́ lɔn, ǹ nə́ n dɔ̀ɔ̃ wɔ masɛ Dɛnaa Lawa nɛ.»

Ozee 6:7

Sɛnɛ, kasɛn, ká lɛ kɔ kɔn la lɛ ziziɛ̃, ka Aadã bɛ́ lɔn. Ka ǹ ká ma sã.

Ozee 7:1

Ma bɛ́ li ǹ mɛn waáraa, máa ma wusoo ma Izirayeli minin kaka kɔ, bɛa biikoo lɛ nɛ Efrayimu minin sii kɔkɔrɔn laanka Samarii minin sii baraan nə yɛ fúlu-a. Maǹ soɛn boboe kɔn nɛ, wurumunun man kiɛ kionən ne, kanaa, wurumu kurun ba nɛn wa.

Ozee 7:13

Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!

Amɔɔsi 6:12

Ka bin nə́ sùi yɛ baa sii gɛ̀fu la? Ka bin nə́ ǹ yɛ gɛ̀fu kɔsɛ ka diin kána nɛ? Wàa na a baa, ká taãn-pɛ sɛ bɔyaa ká baa sèwò lɛa, ká peperebaa bɔyaa ká baa kɔɔsɛ.

Matiə 10:33

Bɛ̀ min mɛn nə́ n piã ka masɛ nɛ min tumaa yɔrɔ-a, masɛ dɔ á die n piɛ̃ ka bɛa dɛnaa nɛ ma Di Lawa yɔrɔ-a.

Tiitii 1:16

Maǹ pii mà ǹsɛn tá Lawa doɛ̃, sɛnɛ, ǹ sii-zɛnaan man piã ka Lawa nɛ ǹ siin lɛa. Ǹ tìĩ n boe ne, maǹ piã-wɔlen lɛa, ǹ ba boe la ǹ tá sii sonbore kɔ́n zɛnɛɛ wa.

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.

Zaaki 1:15

Bɛ̀ yii bɔ sii li dɔ wɔ foo ne á nya, bɛ lɛ n die ka sii baraa nɛ. Bɛ̀ sii baraa dɔ nə́ n din yɛ, bɛ lɛ n die ka gɛ̀ nɛ.

Zaaki 3:6

Lɛwɔn nə goon ka tɛ nɛ. Màn baraa nɛ. Wɔ gɔ̀nɔn paǹ goon ne, a din lɛ dɔ n gɔ̀nɔn gialakun kɛ tumaa diɛ sii ni, bɛa tɛ lɛ n bɔ̀n da ǹ tɛ gole lɛa.

Zozoe 24:27

Zozoe tɔ́n pɛ zaman lɛ tumaa-n kɛnɛn: «Á ke, kɔlɔ kɛ n die goɛ̃ siére lɛa wɔsɛn yɔrɔ-a, a giala, Dɛnaa Lawa boo mɛn tumaa da wɔ nɛ, a ná a tumaa ma. A n die goɛ̃ siére lɛa ka yɔrɔ-a, màn mɛn bɛ́ toɛ, ka baran n piã ka Lawa-n wa.»