Izayii 59:1 - LAWA A BOO SONBORE

¹ Taãn nɛ, Dɛnaa Lawa gɔn ba kunu á la yii ni kirisibaa ganaa wa, a too dɔ bie á tã á la yii ni boo miɛ ganaa wa!

LAWA A BOO SONBORE 2011

¹ Taãn nɛ, Dɛnaa Lawa gɔn ba kunu á la yii ni kirisibaa ganaa wa, a too dɔ bie á tã á la yii ni boo miɛ ganaa wa!

Izayii 59:1 ပူးပေါင်းရင်းမြစ်များ

Siin Giala 18:14

Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

Loen 94:9

Dɛnaa Lawa mɛn nə too zɛnaa, bɛa boo miɛ wa? A din mɛn nə yii zɛnaa, a yii a wɔlɔ yii wa?

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 58:9

Bɛ̀ n lɛ dia, Dɛnaa Lawa á re n lɛ sii. Bɛ̀ n dɔmalɛ nyankɔ, á re pii n ni: «Ma á die.» Màn mɛn bɛ́ nɔmaa diɛ n zaman mìi ni, sii zɛnaan mɛnɛn bɛ́ nyɛ́ɛ diɛ, ka boo baraan nɛ, bɛ̀ ń boo la n bɛn sàabaa,

Izayii 6:10

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.

Izayii 63:1

Die n ke boe Edɔmu gána nɛ, boe a kiwi Bozira kɛ nɛ? Á mɔnaa tãtãn wɔ. Á mɔnaa sonboren wɔ, a n tɔ we ka din narɛɛ nɛ, a foo n doa nɛ a din ganaa. Dɛnaa Lawa pɛ: «Ma din ni kiri pepere we. Pàã tá ma lon ma ka kirisibaa.»

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Zeremii 14:9

Ma nə n kɔnbɔ ka giĩ pàãwɛɛnaa nɛ, ka zia-baali mɛn bɛ́ a boe la a min kirisibaa wa. Bɛ n siɛ lɔn kəni? A da yaa Dɛnaa Lawa, n tá kun ka wɔ nɛ. N din tɔ n wɔ la, n nyan nə n la bɔ wɔ ganaa wa!

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Ezekieli 8:18

A bɛ́ miɛ̃, ma dɔ n die dɔlɔ boe ǹ ganaa ka ma foo ne. Ǹ makara a die ma kuĩ, ma ǹ toa walan wa. Ta ǹ nə́ n lɛ dɛ ma kio kɔsɛkɔsɛ, masɛ a re n too koe ǹ lon wa.»

Misee 2:7

Zakɔba tɔrɔn lɛn, ka dinin da ǹ boo n ke sonbore? Ká mà Dɛnaa Lawa a sii simaa lɛ na á nya? Ká mà a nya ǹ dí n ka kɛ-n sonbore? Min mɛn bɛ́ tɔ pepere we, masɛ a boo lɛ a là lɛa bɛ ganaa wa?

Minin nimi 11:23

Dɛnaa Lawa tɔ́n pɛ Muizu ni: «Masɛ pàã lɛ na á woo maa? Ma boo mɛn da, n tá re yii sisia, bɛ̀ bɛ á re n zɛnɛɛ n nɛ, hinlaa bɛ̀ a re n zɛnɛɛ n nɛ wa?»

Matiə 13:15

A giala minin kɛn foo laa, ǹ nə́ n too tã, ǹ nə́ n yii tã, bɛ bie wa ǹ yii á die wɔlɔ yii, ǹ too á die boo miɛ, ǹ yiri á die a giala miɛ, ǹ wusoo ǹ da Lawa li, Lawa dɔ á die ǹ busu nyɛɛ ǹ foo ne, sɛnɛ, bɛ bɛ́ a bie ǹ yii li ǹ sii lɛa wa.»

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Samayeli1 4:3

Zaman lɛ woo ǹ giã ǹ bǎã nɛ. Izirayeli a min zizin man nə́ goã pii kɛnɛn: «Wàa na á baa Dɛnaa Lawa toa Filisiti minin nə́ boo wɔsɛn la pelo? Ka n tá, wɔ wo Dɛnaa Lawa a *lɛ kɔ kɔn la ǹ goo kɛ saa Siiloo: A kiɛ̃ a da wɔsɛn bii, a wɔ si wɔa zɔ́ɔn la.»

Samayeli1 8:18

Bɛa pinaa kɛ lɛ nɛ, ka dinin bɛ́ re kii mɛn boe, ka tá re ka lɛn lɔlɛkɔn Lawa ganaa bɛa kii lɛ taman yii. Sɛnɛ Dɛnaa Lawa ba re ka lɛ sii bɛa pinaa kɛ lɛ-n wa.»