Izayii 57:7 - LAWA A BOO SONBORE

⁷ Kele sasa mìi ni, ń waa ǹ bǎãn zɛnaa. Walan lɛ nɛ n tá dii bɛ̀ n wúlu bɔ.

LAWA A BOO SONBORE 2011

⁷ Kele sasa mìi ni, ń waa ǹ bǎãn zɛnaa. Walan lɛ nɛ n tá dii bɛ̀ n wúlu bɔ.

Izayii 57:7 ပူးပေါင်းရင်းမြစ်များ

Izayii 57:3

Sɛnɛ, kasɛn kɔnkoã nɛn lɛn, ka n zɔ̃ ka da kànaa. Ka tumaa n naarɛbaali laanka kɔrɔbaali nɛn lɛa.

Izayii 65:7

Ǹ siɛ̃n nɛ, ka ǹ digolon wɔ nɛ, ma á re bɛa gɛ̀ dòo boe ǹ ganaa. A giala, ǹ digolon man nə́ da yon gìĩ kɔɔ̃n tã kelen la, ǹ nə́ sɔ kɔ ma ganaa tentenen la. Sisia kəni, ǹ sii mɛn tumaa zɛnaa lɛlɛ, man die bɛ tumaa a dɔlɔ boe ǹ ganaa. Ma din Dɛnaa Lawa n má pɛ.

Zeremii 2:20

Dɛnaa Lawa pɛ: Izirayeli, haalɛ bibi n nə́ n wìi li ǹ zǔu kɛ yiɛ, n nə́ n gɔn ganaa ǹ biɛn kɛn nana. Ń goã ń pɛ: «Ma ba li ma bɛ̀rɛbaa doo wa.» Sɛnɛ, kele tumaa mìi ni, da luu tì tumaa giulun, n nə́ n goã wɛɛ tán ka lɔ kɔrɔ bɛ́ lɔn.

Zeremii 3:2

N yii saa lon, n nə n yɔrɔ dia tentenen kɛn la n ga. Tenten goon din tá yii ǹ bii mà n nə n naarɛbaa zɛnaa la wa? Ka diə gole a mu gòo-kɔlin bɛ́ lɔn, N nə́ n goã giã-n tán zii lɛkoro-a, n yii diɛ n sanan la. Ń gána lɛ gɔgɔrɛ kɔ ka n kɔrɔbaa kɛ nɛ, ka n giã ǹ gɔn baraa nɛ.

Zeremii 3:6

Kii Zoziasi a biikoo li, Dɛnaa Lawa pɛ ma nɛ: «Izirayeli bɔyaa wole lɛ sii mɛn zɛnaa, ń yɛ? Á woo kele mìi tumaa la, dan giulun, ǹ mɛn tumaa luu bɛ́ tì, á kɔrɔbaa zɛnaa walan.

Ezekieli 16:16

N nə́ n mɔnaan tɛnɛn goa ń nyaǹ kaa wúlu bɔ ǹ bǎãn ganaa ka bɛn nɛ, ń naarɛbaa zɛnaa ǹ là. Bɛa sii lɛ miã bin tɔn nə n zɛnaa wa, ǹ miã dɔ din ba re n zɛnɛɛ doo wa.

Ezekieli 16:24

ń kɔrɔbaa ǹ bǎã dɔ: Bɛ n ka kaa dì wúlu bɔ ǹ bǎãn kɛn nɛ, zaman paã ǹ bǎã tumaa nɛ.

Ezekieli 16:25

Ń *wúlu bɔ ǹ bǎã dɔ zii tumaa a giala kɔ ǹ bǎã nɛ. N nə́ n din a siĩnbaa kɛ ziziɛ̃ walan. Ma n nə́ n din kɔ kiɛ̃ wolen tumaa la, ń wusoo ń màn da n din a kɔrɔbaa li.

Ezekieli 23:17

Baabilonii minin lɛn nə́ daa giã kun ni, ǹ ná a gɔgɔrɛ kɔ ka ǹ kɔrɔbaa kɛ nɛ. A bɛ́ á n din ziziɛ̃ kunun ǹ ni, ǹ tìĩ daa á bɔ a nyin ni ka kusikusi.

Ezekieli 23:41

Bɛ kio, ǹ nə́ giã tán pìi sonbore la, tabala n tán-a ǹ nyɛɛnɛ, ǹ nə́ maa da yon gìĩ kɔɔ̃n kɛ laanka maa nyɔɔ kɛ kaa bɛ la.

Ezekieli 6:13

Ǹ geren tá re goɛ̃ tán kun ka ǹ dìn lɛn nɛ, ǹ wúlu bɔ ǹ bǎãn kɛn lɛnpɛnɛ, tenten sɔsɔrɔn tumaa laanka kelen tumaa mìi ni, da tumaa giulun ǹ mɛnɛn bɛ́ luu buruu lɛa ka kɛkɛ, ǹ goã wúlu boe bǎã mɛn tumaa nɛ ka màn gìĩ kɔɔ̃ nɛ ǹ dì kɔrɔn ganaa.