Izayii 57:5 - LAWA A BOO SONBORE

⁵ Dan mɛnɛn bɛ́ kɔɔ̃n ka ganaa, ka n kɔrɔbaa zɛnɛɛ bɛn giulun, ka da mɛn tumaa bɛ́ ǹ luu n kɛkɛ. Ka n kaa nɛnyaanan koe *wúlu màn lɛa mu ziin ganaa, ka gɛ̀fu yalan nɛ.

LAWA A BOO SONBORE 2011

⁵ Dan mɛnɛn bɛ́ kɔɔ̃n ka ganaa, ka n kɔrɔbaa zɛnɛɛ bɛn giulun, ka da mɛn tumaa bɛ́ ǹ luu n kɛkɛ. Ka n kaa nɛnyaanan koe *wúlu màn lɛa mu ziin ganaa, ka gɛ̀fu yalan nɛ.

Izayii 57:5 ပူးပေါင်းရင်းမြစ်များ

Kiin1 14:23

Ǹ dɔn man nə́ wúlu bɔ ǹ bǎãn doa, tíĩn ni, bìbìn ni, tentenen sɔsɔrɔ tumaa la, luu buruu bɛ́ da mɛn tumaa la, ka bɛn giulun ni, guguru kɔ ǹ wɔn lɛa.

Kiin2 17:10

Izirayeli minin lɛn man nə́ tíĩn laanka bìbìn doa, dì Aseeraa kɛ wɔ lɛa, tenten gogoonmaa la, da mɛn tumaa bɛ́ a luu n tì, ka bɛn giulun ni.

Kiin2 17:7

Bɛ na á n zɛnaa, a giala, Izirayeli nɛnyaanan lɛn man nə́ sii la Dɛnaa Lawa, ǹ Lawa lɛ la, asɛ mɛn lɛ goã á ǹ waa á soo ǹ ne Ezipti gána nɛ, á ǹ bɔ Ezipti gána a kii *Faarahɔn gɔn. Ka bɛ dɔ nɛ, Izirayeli nɛnyaanan lɛn nə́ goã ǹ nə́ dìn guguru kɔ.

Kiin2 23:10

*Wúlu màn tã ǹ bǎã mɛn goã Tofɛti, Bɛn-Inɔmu a nyankɔrɔ lɛ kɛ nɛ, kii lɛ bɛ dɔ soɛ̃ yiɛ, màn mɛn bɛ́ toɛ, min kɔn baran a nɛginin hinlaa a nɛlɔ tã wúlu màn lɛa, dì Molɛki wɔ lɛa wa.

KZS2 28:3

A n màn gìĩ kɔɔ̃n koe Inɔn a nyankɔrɔ basa kɛ nɛ, a na a nɛnyaanan tiɛ̃ *wúlu màn lɛa ka tɔrɔn kɛn wɔ bɛ́ lɔn, sii bɔbɔnɛɛn zɛnɛɛ, Dɛnaa Lawa nə́ ǹ loo á ǹ bǎã kɔ Izirayeli minin la.

Bɔ bɛ̀rɛbaa nɛ 32:6

A lɛawaa sonbore, ǹ yoo tán maa-n gɔrɔ, ǹ nə́ *wúlu màn tiɛ̃n bɔ, ǹ nə́ bii kɔɔ̃n kɔ kɔn wúlu mànan bɔ. Zaman lɛ giã tán á màn bii, á màn mi, bɛ kio, á yoo á sàn kɔ.

Izayii 1:29

Bɛa biikoo li kəni, dan kɛn kɔɔ̃n ka-a, ká goã wúlu boe ǹ ganaa, ka foo á re ziziɛ̃ bɛn taman yii. Dù gɔrɔn kɛn kaa wúlu bɔ ǹ bǎãn lɛa, sìi á re ka kuĩ bɛn taman yii.

Zeremii 17:2

Ǹ bɛ́ n taasɛ ǹ nɛnyaanan nɛ lɔn, maǹ nə n taasɛ ǹ wúlu bɔ ǹ bǎãn laanka ǹ dì bìbĩn kɛn nɛ miɛ̃, ka da luu tìtìn kɛn nɛ tentenen mìi ni,

Zeremii 2:20

Dɛnaa Lawa pɛ: Izirayeli, haalɛ bibi n nə́ n wìi li ǹ zǔu kɛ yiɛ, n nə́ n gɔn ganaa ǹ biɛn kɛn nana. Ń goã ń pɛ: «Ma ba li ma bɛ̀rɛbaa doo wa.» Sɛnɛ, kele tumaa mìi ni, da luu tì tumaa giulun, n nə́ n goã wɛɛ tán ka lɔ kɔrɔ bɛ́ lɔn.

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 3:6

Kii Zoziasi a biikoo li, Dɛnaa Lawa pɛ ma nɛ: «Izirayeli bɔyaa wole lɛ sii mɛn zɛnaa, ń yɛ? Á woo kele mìi tumaa la, dan giulun, ǹ mɛn tumaa luu bɛ́ tì, á kɔrɔbaa zɛnaa walan.

Zeremii 32:35

Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

Zeremii 50:38

Ka zia baa a tà mun ganaa, ǹ gɔ́ɔ̃ laa kakaka. A giala, dìn gána nɛ. Maǹ nə n dinin gole koe bɛa dì nyín bɔbɔnɛɛn kɛn lɛn taman yii.

Zeremii 51:7

Baabilonii na á goã ka mu mi ǹ kaaran bɛ́ lɔn, sana lɛa Dɛnaa Lawa gɔn. A n gàãn yui kanaa a tɔrɔn tumaa li. Kanaa a tɔrɔn man nə́ goã a duvɛ̃ mii, yǎa a ǹ yii kuĩ.

Zeremii 7:31

Inɔn a nyankɔrɔ basa kɛ nɛ, ǹ nə́ *wúlu bɔ ǹ bǎã koa walan a tɔ n Tofɛti. Maǹ nə ǹ nɛgiĩn laanka ǹ nɛlɔn tiɛ̃ wúlu màn lɛa walan. A da yaa, ma bɛa zii kɔ min kɔn la wa. Ma bin nə n taasɛ ka bɛ n duduu wa.

Ezekieli 16:20

Zeruzalɛmu, n nɛgiĩn laanka n nɛlɔn nɛ, n nə ǹ mɛnɛn lɛn yɛ masɛ wɔn lɛa, ń wusoo ń wúlu bɔ ka bɛn nɛ, bɛa dìn lɛn ganaa. N bɛ kɔrɔbaa mɛn zɛnɛɛ, bɛ na a goã n boe wa?

Ezekieli 20:26

Má toa ǹ nə́ gɔ̀ da ǹ dinin ganaa ka ǹ wúlu mànan kɛn nɛ, ǹ nə́ wúlu bɔ ka ǹ nɛgiĩ bibinaa tumaa nɛ. Man má toa ǹ nə́ bɛa sii bɔbɔnɛɛ kɛ lɛ zɛnaa ǹ dinin manɛ, màn mɛn bɛ́ toɛ ǹ dɔ̃, mà ma din nə Dɛnaa Lawa lɛa.»

Ezekieli 20:28

Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.

Ezekieli 20:31

A da kaa pelo lɛ, ka n ká gɔ̀ da ka dinin ganaa ka kaa dìn kɛn lɛn tumaa nɛ. Ka nə ǹ goe ka mànan nɛ, ka n kaa nɛnyaanan tiɛ̃ *wúlu màn lɛa. Izirayeli tɔrɔn lɛn, man ka toɛ bɛ lɛ zɛnɛɛ kəni, ma wusoo ma lɛ kɔ ka nɔ̀n da ma la ka sii ni? Bɛ̀ ma toa ka nɔ̀n da ma la ka sii ni, ma din Lawa yiikoonaa kɛ bie wa. Ma din Dɛnaa Lawa a da ǹ boo ne.

Ezekieli 6:13

Ǹ geren tá re goɛ̃ tán kun ka ǹ dìn lɛn nɛ, ǹ wúlu bɔ ǹ bǎãn kɛn lɛnpɛnɛ, tenten sɔsɔrɔn tumaa laanka kelen tumaa mìi ni, da tumaa giulun ǹ mɛnɛn bɛ́ luu buruu lɛa ka kɛkɛ, ǹ goã wúlu boe bǎã mɛn tumaa nɛ ka màn gìĩ kɔɔ̃ nɛ ǹ dì kɔrɔn ganaa.

Lawa a wúlu-bɔlen 18:21

Min kɔn baran toa a na a nɛ kɔ, ǹ wúlu bɔ nɛ dì Molɛki kɛ ganaa wa. Min kɔn baran toa a Lawa tɔ ziziɛ̃ wa. Masɛ din ni Dɛnaa Lawa lɛa.

Minin nimi 25:6

Bɛa biikoo kɛ lɛ nɛ, bɛ̀ Izirayeli minin lɛn goon nə́ ke á daa n dɔ ǹ dɔɔ̃nɔn lɛn bii, Madiã gána lɔ goon nə́ kun ni. A Muizu laanka Izirayeli zaman lɛ tumaa toa wuu pii kɔn yɛ ka Lawa nɛ ǹ kion kɛa kiɛnlɛ-a, ǹ yii bɛa min paa lɛ yɛ.

Timəə dí-pɛn 12:2

Ka bɛ́ re tɔrɔn mɛnɛn lɛn lui, bɛn nə ǹ dìn guguru kɔ bǎãn mɛnɛn nɛ, kele sasan la, tentenen la, da yiikoonaan giulun, ka die ka bɛa bǎãn lɛn tumaa wuru lenlen.

Sii-nyaan 18:3

A giala á tɔrɔn tumaa a minin bebere ka a din kũ doɛ̃baã sii babaraan kɛn nɛ. Kanaa a kiin tumaa nə́ ǹ din kɔ a din kũ doɛ̃baã siin kɛn la kun ni. Kanaa a pii-kɔlen tumaa pàãman baa, ka a gɔn màn damata kɛ nɛ.»