Izayii 57:4 - LAWA A BOO SONBORE

⁴ Ka ǹ yaa we die ganaa, ka nə n lɛ buĩ banabana die li? Ka ǹ ka lɛwɔn boe die li? Ka ǹ nɛnyaan bɔlɔ tii wolen lɛa, ka ǹ soɛ-bɔlen dɔn lɛa.

LAWA A BOO SONBORE 2011

⁴ Ka ǹ yaa we die ganaa, ka nə n lɛ buĩ banabana die li? Ka ǹ ka lɛwɔn boe die li? Ka ǹ nɛnyaan bɔlɔ tii wolen lɛa, ka ǹ soɛ-bɔlen dɔn lɛa.

Izayii 57:4 ပူးပေါင်းရင်းမြစ်များ

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Loen 22:13

Maa zɔ́ɔn nə́ ma da bii ka dii gɔ̀lɔ̀n manɛ. Ǹ nə́ ma lɛnpɛnɛ, ka Basan daã a dii gɔ̀lɔ̀ baraan kɛn manɛ.

Loen 22:17

Ginin nə́ ma da bii, mɛnaa minin la wolen nə́ ma lɛnpɛnɛ, ǹ nə́ ma gɔnɔn laanka ma gòãn yii kaka.

Loen 22:7

Sɛnɛ, masɛ n goon ka tán nyuun ni, ma bie minbuiin nɛ lɛa doo wa. Minin man sɔ kiɛ ma la, ma tɔrɔn man ma tii.

Loen 35:21

Maǹ nə́ n lɛ dii ma ganaa kɔsɛkɔsɛ mà haya, haya, mà ǹsɛn dinin yii sɔɔ̃n!

Loen 69:12

Má maa foo-ziziɛ̃ nyaa, ka ń pɛ, mà man gɛ̀ koɛ, bɛ lɛ dɔ a lɛa, ǹ nə́ ma tɔ da wɔlɔ la.

Bɔ bɛ̀rɛbaa nɛ 9:17

N nə n tɔn nə n laɛ, n piɛ̃ ka maa zaman lɛ a soo a woo ne.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 10:15

Sɛ̀miɛ̃ á boe la a n din gole kɔ a dí nya ma-n wole ganaa? Hinlaa gɔya á boe la a n din koa a dí nya ma-n wole ganaa? Bɛ n goon ka min mɛn nə́ ke bàbàla ná a gɔn, asɛ n bàbàla lɛ foo sii zɛnɛɛ. Hinlaa ka min bɛ́ dɔ̀rɔ̀ ná a gɔn asɛ n dɔ̀rɔ̀ lɛ foo sii zɛnɛɛ.

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 30:9

Tɔrɔ piã wolen manɛ, maǹ soɛ-bɔlen lɛa. Minin manɛ ǹ nə́ n piɛ̃ ka Dɛnaa Lawa a daraa ǹ boo a too kɔ ma-a nɛ.

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Izayii 37:29

Hiĩ, n foo bɛ́ á yoo masɛ li, n tɔ ziziɛ̃ ǹ boo mɛn da, á kaa ma too ne. Bɛ lɛ nɛ, man die fɔlɔ biɛ diɛ n nyin ni, ma karfɔ wɔ n lɛ-n. N kɔ zii mɛn lɛ n daa kànaa, man die wusii ma n da bɛ lɛ la, n wo piɛ.

Izayii 48:8

Haayii, a boo ba ka too-n wa, ka a màn kɔn doɛ̃ wa. Kaa yiri koa sii li baã belebɔ. Ma á doɛ̃, ka n yiri siɛ̃ wolen lɛa. Maǹ ka bíi piã-wɔlen a kũ kaa yɛ waáraa ganaa.

Izayii 57:5

Dan mɛnɛn bɛ́ kɔɔ̃n ka ganaa, ka n kɔrɔbaa zɛnɛɛ bɛn giulun, ka da mɛn tumaa bɛ́ ǹ luu n kɛkɛ. Ka n kaa nɛnyaanan koe *wúlu màn lɛa mu ziin ganaa, ka gɛ̀fu yalan nɛ.

Zeremii 20:8

Bɛ̀ ma á boo diɛ lɔn, paraa nɛ, man «dɔlɔ laanka ziziɛ̃» boo diɛ. Hiĩ, lɛawaa tumaa gɔ̀ɔ̃ nɛ, Dɛnaa Lawa a boo taman yii, minin man sɔ kiɛ ma la, ǹ nə́ ma foo siɛ.

Ezekieli 2:4

Bɛa too kaakaan kɛn lɛn sii woon zɛnaa wolen lɛa, man die n diɛ ǹ li, n wo pɛ ǹ nɛ kɛnɛn: «Dɛnaa Lawa n kɛ pii.»

Ozee 10:9

A saa Gibeya a lɛawaan kɛn ganaa, ń sii baraa zɛnaa Izirayeli, n nə n giã ǹ gɔn bɔyaa wa. Zia ke á yoo gɛ̀-dɛlen wɔ lɛa, bɛ lɛn die n yiɛ Gibeya.

Minin nimi 16:11

Bɛa yɔrɔ kɛ lɛ la, n laanka n kiodɛnan lɛn tumaa n ká kaa kun, ká yoo Dɛnaa Lawa gialaa. Bɛ bie wa, Aarɔn lɛ n die lɛa kəni, ka tɔn zùũzùũ si a ganaa?»

Matiə 13:38

Wuru lɛ, bɛ n kanaa lɛa. Lawa bɛ́ min mɛnɛn kii lɛa, bɛn man goon ka màn tɔrɔ sonbore ne. Buu babaraa ke, bɛ n *Sɛtaan a minin lɛa.

Matiə 27:29

Ǹ nə́ kii bafolo tã ka nyan gùrùn ni, ǹ nə́ wɔ a mìi ganaa, ǹ nə́ bàbàla wɔ a gusin a gɔn, ka n pɛ mà maǹ koɛ kii lɛa. Bɛ kio, ǹ nə́ n musi lɛn kurumaa tán a giulun, ǹ nə́ yaa wɔ a ganaa, bɛ̀ ǹ tá pii: «Fòo le, Zuifun kii!»

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Nya ǹ dín 9:4

Á boo-diɛ lɛ ma pii ni: «Sooli, wàa na á baa n tá fuu nyɛɛ masɛ nɛ.»

Efɛɛzi minin 5:6

Ka nyan toa, min kɔ́n ka bebere ka yiri baãnaabaa ǹ boon ne wa. A giala, bɛa sã ǹ siin kɛn lɛn man die toɛ, Lawa foo yoo a lɛ-tiilin li.

Kolɔɔsi minin 3:6

Bɛa sii kɔkɔrɔn kɛn lɛn lɛa nɛ, Lawa a foo-busii á re gisĩ a bɔlɔ tii wolen la.

Zozoe 10:21

Zaman lɛ tumaa nə́ n bɔyaa ka là nyantoro ne, ǹ nə́ daa Zozoe li giã ǹ bǎã lɛ nɛ, Makedaa kiwi. Min kɔn boo bɔ a lɛ-n á da Izirayeli minin lɛn ganaa wa.

Piɛrɛ2 2:13

Ǹ nɔmaan mɛnɛn da ǹ miãn mìi ni, bɛn saraa ǹ dɔlɔn man die wusii, ǹ dɔ ǹ dinin ganaa. A n kɔɔ̃nɛ ǹ ganaa, ǹ nə ǹ dùũ sii babaraan kɛn zɛnaa penleen tiɛɛ̃n nɛ. Bɛ̀ ǹ tá kun ka nɛ kaa màn bii ǹ bǎã nɛ, manə ǹ sii kɔkɔrɔn lɛn zɛnɛɛ. Ǹ tá ka bii lɛ din nə *gɔ̀ laanka wɔ̀lɔ̀ lɛa.