Izayii 57:16 - LAWA A BOO SONBORE

¹⁶ A giala, ma ba zoɛ̃ li máa ma minin zɛ̀rɛbaa biikoo yii li wa, hinlaa ma foo goã yoo-n duduu wa. Bɛ bie wa, ma min mɛnɛn zɛnaa, bɛn yiikoonaabaa á re n sii ǹ la.

LAWA A BOO SONBORE 2011

¹⁶ A giala, ma ba zoɛ̃ li máa ma minin zɛ̀rɛbaa biikoo yii li wa, hinlaa ma foo goã yoo-n duduu wa. Bɛ bie wa, ma min mɛnɛn zɛnaa, bɛn yiikoonaabaa á re n sii ǹ la.

Izayii 57:16 ပူးပေါင်းရင်းမြစ်များ

Siin Giala 6:3

Dɛnaa tɔ́n pɛ kɛnɛn: «Ma fɔfoã mɛn kɔ minbuiin nɛ la, ma a re lɛ koe, bɛ goã a nɛ yǎa duduu wa. A bɛ́ gɔ̀nɔn siĩ gɛ̀-wɔle lɛa, a die kiɛ̃ lɛ̀ paabiɛ ka fuə (120) la kanaa doo wa.»

Samayeli2 24:16

Lon a dia dí-a wole nə́ n gɔn saa á dia Zeruzalɛmu la, mà a n die basaã koe ne. Dɛnaa Lawa bɛ́ a ba li doo a bɛa basaã lɛ kɔ a wo-n nyɛɛn wa, á tɔ́n pɛ lon a dia dí-a wole lɛ nɛ basaã koe zaman lɛ bii: «Kɛ á boe! Kanna kəni, wusoo ka n gɔn nɛ.» Bɛa biikoo li bɛ̀ Dɛnaa Lawa a dia dí-a wole lɛ n golee ne kunu Zebuzun giĩ Arabunaa kɛa *belee duwəə ǹ bǎã kɛ li.

Zɔbu 12:10

Màn tumaa a yiikoonaabaa na a din gɔn. Minbuiin tumaa nyin biɛ na a din gɔn.

Loen 85:5

Wusoo n nə n yɔrɔ da wɔ la, n wɔ kũ doɛ̃, wɔ kirisibaali Lawa, n foo baran busu wɔ li doo wa.

Boo-laakalaali 12:7

Bɛa biikoo kɛ lɛ li, minbuiin nɛ gɔ̀nɔn siĩ lɛ bɔ tán tii mɛn li, a nə n bɔyɛɛ a wo walan. Telenboeen nə n bɔyɛɛ a wo Lawa li, Lawa mɛn lɛ kɔ.

Izayii 27:8

A na á dɔlɔ bɔ ǹ ganaa, á ǹ loo, bɛ̀ á kiri we ǹ ganaa. A lɛ gɔ́ɔ̃ ǹ piɛ̃ nə́ ǹ pɛsɛ̃, piɛ̃ kɛa daa pinaa boe lɛ̀giala-n.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 42:5

Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

Izayii 64:8

Dɛnaa Lawa, n nyan toa n foo yoo a la yii-n wa. N nyan toa n yiri gisĩ wɔa sãn nɛ biikoo tumaa li wa. Baalaa wɔ, n ga wɔ ganaa, wɔ tumaa nə n zaman lɛa.

Zeremii 10:24

Doroo kɔ ma la Dɛnaa Lawa, sɛnɛ, a kɔnpɛ ka ma nɛ. N foo nyan yoo wa, bɛ bie wa, n tá re ma yɔyɔrɛ.

Zeremii 3:5

Man nɔ̀n diɛ n din la: «A foo n tɔn yoo-n ma li duduu? A ba re a foo-yoo kɛ kurii masɛ ganaa wa?» N da ǹ boo n ka bɛ nɛ, sɛnɛ, n nə n tɔn woe nyɛɛnɛ sii baraa zɛnɛɛ.

Zeremii 38:16

Sɛnɛ, kii Sedekiasi lɛ kɔ wɔ ka durii ni Zeremii-n kɛnɛn: «Ká Dɛnaa Lawa Yiikoonaa tɔ nɛ, asɛ mɛn yiikoonaabaa kɔ wɔ la, ma a re n nyin boe wa. Min mɛnɛn dɔn bɛ́ zoɛ̃ n gɛ̀ li, ma a re n we bɛn gɔn wa.»

Ezekieli 18:4

Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Zakarii 12:1

Dɛnaa Lawa a da ǹ boo á ke Izirayeli a paǹ li, asɛ mɛn nə lon lɛ bɔ, a ná a gòã daa, á fɔfoã kɔ minbuiin nɛ la, a da ǹ boo á ke:

Minin nimi 16:22

Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»

Ebrəə 12:9

Gɔ̀nɔn siĩ a díin nə́ yɛ wɔ lon, ǹ nə́ wɔ dɛ ǹ nə́ wɔ doroo, wɔ ǹ lɛ dɔ si. Sanparɛ ka Lawa mɛn bɛ́ lon a Díi lɛa, wɔ a re n doree bɛ nɛ, wɔ yiikoonaabaa taãn-taãn yɛ wa?