Izayii 57:15 - LAWA A BOO SONBORE

¹⁵ Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

LAWA A BOO SONBORE 2011

¹⁵ Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 57:15 ပူးပေါင်းရင်းမြစ်များ

Siin Giala 21:33

Abrahamu da kɔ́n zumu Bɛɛr-Sebaa, yiri koamanɛ ǹ sii lɛa. Maǹ da lɛ bíi Tamarisi. Lawa mɛn bɛ́ a tan yǎa duduu, á bɛ lɛ nyankɔ walan, bɛ̀ á bíi "Dɛnaa".

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

KZS2 34:27

N bɛ́ n boon kɛn ma má ǹ da Zeruzalɛmu ganaa ka a minin ni, á dí nya n foo ne, n nə́ n din gisĩ ma yɔrɔ-a. N nə́ n mɔnaan tɔtoɛ̃, n wuu pɛ ma yɔrɔ-a. Haya, masɛ dɔ nə́ n lɛ ma. Ma din Dɛnaa Lawa a da ǹ boo ne.

Zɔbu 22:29

Lawa n min baraan n sii yɔrɔ bɔn ziziɛ̃, sɛnɛ min mɛnɛn bɛ́ n dinin gisĩ, a n bɛn kirisibiɛ.

Zɔbu 6:10

Nɔmaa babaraa kɛ lɛ bii, sii mɛn bɛ́ nyɛnyɛɛ diɛ ma ganaa, bɛ n ka kɛ nɛ: man piã ka Lawa sonbore lɛ a boon ne wa.

Loen 111:9

Dɛnaa Lawa din na á ná a minin si sii la, á lɛ kɔ kɔn la wɔ ǹ nɛ yǎa duduu. Dɛnaa Lawa tɔ lɛ n siĩni, a n gole.

Loen 115:3

Wɔsɛn Lawa lɛ n lon. A bɛ́ sii mɛn li, a n bɛ zɛnɛɛ.

Loen 123:1

Wo Zeruzalɛmu loe. Man ma yɔrɔ diɛ n din la, Dɛnaa Lawa, nsɛ mɛn bɛ́ giã-n lon kii lɛa.

Loen 138:6

Ta Dɛnaa Lawa din nə lon sɔsɔɔ lɔn, a yii tá minbuiin tumaa a kiɛɛrɛdɛnaa ganaa, a nə n toɛ sɔsɔɔ, a din gole-kɔlen dɔ̃.

Loen 138:7

Ta man nɔmaa bii, n din nə ma kanbiɛ, n tá maa zɔ́ɔn kɛn foo-busii toɛ ǹ gɔ́ɔ̃ nɛ. N din tá re ma kirisibiɛ, ka n din pàã nɛ.

Loen 147:3

Min mɛnɛn foo bɛ́ busii ni, a din nə bɛn foo-busii nyɛɛ, a din nə foo-basiɛ̃ koe ǹ la.

Loen 34:18

Bɛ̀ min peperen lɛn nə́ n lɛ dɛ, Dɛnaa Lawa n bɛ miɛ, a nə ǹ kirisibiɛ a ǹ bɔ ǹ fuu siin tumaa gɔ́ɔ̃ nɛ.

Loen 34:19

Min mɛnɛn foo bɛ́ ziziɛ̃ nɛ, Dɛnaa Lawa wɔlɔ á kunu bɛn ganaa. Min mɛnɛn bɛ́ n gɔ́ɔ̃ bii, Dɛnaa Lawa n bɛn kirisibiɛ.

Loen 51:17

Dɛnaa, maa sìi toɛ̃ n bɔ ma-a, ń giɛ ma tá n lɛ buĩ ma n tɔ bɔ.

Loen 51:19

Lawa bɛ́ giɛ min mɛn a din-kɔ li, ka wúlu màn bɛ́ lɔn, bɛ n ke: min mɛn a sii baraa bɛ́ taasiɛ diɛ a ganaa. Lawa, min mɛn a sii baraa bɛ́ taasiɛ laanka sìi diɛ a ganaa, n ba n piɛ̃ ka bɛa dɛnaa-n wa.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Loen 90:2

N laan bɛ̀ n kelen da, n laan bɛ̀ n kanaa laanka a gɔ́ɔ̃gɔ́ɔ̃ ǹ mànan da, n din nə Lawa lɛa haalɛ lɛlɛ, n nə n Lawa lɛa yǎa duduu.

Loen 93:2

Dɛnaa Lawa, n kiibaa lɛ giala n we-n haalɛ lɛlɛ-lɛlɛ. N dinmaa dɔ nə n tan, biikoo ná a ba la wa.

Loen 97:9

Sonbore, Dɛnaa Lawa, n din lɛ n Lon a Lawa gole lɛa, kanaa kɛ lɛ mìi la. N din nə guguru kɔ ǹ mànan kɛn tumaa lalan.

Loen 99:3

Min tumaa die a n tɔ bɔ, n tɔ gole ke, nyɛ́ɛ diɛ. Sonbore, n tá siĩni.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 15:13

N din zaman mɛn si, n baa n wɔ lɛa, n bɛ nyɛɛnaa ǹ bɔ ka n din a bɔlɔgoondɛnaabaa nɛ, n zii nyaa nɛ ka n din pàã nɛ, n woo ne n lɛ kɔ ǹ gána kɛ nɛ.

Bɔ bɛ̀rɛbaa nɛ 15:18

Dɛnaa, n din nə kii lɛa yǎa duduu.

Bɔ bɛ̀rɛbaa nɛ 40:34

Tɛmaa bara lɛ daa n kuməə kɔn yɛ ǹ kion lɛ la, Dɛnaa a gugurubaa kion lɛ pã.

Bɔ bɛ̀rɛbaa nɛ 40:35

Muizu goã boe la á we kɔn yɛ ka Lawa nɛ ǹ kion lɛ-n wa, a giala, tɛmaa lɛ goã a nɛ, Dɛnaa a gugurubaa dɔ goã piɛ̃-n kion lɛ gɔ́ɔ̃ nɛ.

Suusun 16:19

Giã doɛ̃ kiĩn kun ka doobaan nɛ, á soɛ zia mànan gii kun ka din gole-kɔlin ni.

Suusun 8:23

A na á ma din zɛnaa lɛlɛ lɛlɛ, màn tumaa a giala kɔ waáraa, bɛ̀ tán tɔn nə n zɛnaa wa.

Izayii 18:4

A giala, Dɛnaa Lawa pɛ ma-n kɛnɛn. Ma bɛ́ giã-n bǎã mɛn nɛ, man zoɛ̃ li ma giã kiĩni, ka kaa-piɛ waáraa labara bɛ́ lɔn. Man zoɛ̃ li ma ga gongon, ka sɛ̀fuu waáraa a wasa bɛ́ lɔn.

Izayii 33:5

Dɛnaa Lawa a golebaa miã banban. A giala, a n màn tumaa mìi la. Á *Siɔn pã ka a peperebaa laanka a sonborebaa nɛ.

Izayii 40:28

N ba bɛ doɛ̃ wa? N bin ma wa? Lawa mɛn bɛ́ a tan haalɛ bibi yǎa duduu, Dɛnaa Lawa, a din na á tán tumaa zɛnaa. Pàã a nyaabiɛ a ganaa duduu wa. A nɔmɛɛ wa. Dan ba a sii-doɛ̃ la wa.

Izayii 52:13

Dɛnaa Lawa pɛ: Á ke, maa dí-nyali n die bǐɛ̃ koe. Ǹ tá re a guguru koe, ǹ na a laakalaa gugurubaa n die n koe la.

Izayii 6:1

Ǹ kɔn pinaa, kii Oziasi a gɛ̀ lɛ̀ ganaa, má sii-nyaa yɛ: Dɛnaa na á goã giã-n tán kii dankan la, ǹ mɛn la bɛ́ lon taãn-taãnɛ, a mɔnaan nə́ Lawa a kion pã.

Izayii 6:3

Maǹ nə́ goã parɛɛ, ǹ nə́ pii kɔn nɛ kɛnɛn: «N tá sonbore, n tá sonbore, n tá sonbore Dɛnaa Lawa Pàãyiidɛnaa! N tɔ golebaa tán tumaa pã.»

Izayii 63:15

Dɛnaa Lawa, n toa lon n giã ǹ bǎã sonbore siĩn-siĩn kɛ nɛ, n ga sii kɛ ganaa die wɔ gialaa. N kɔn-narɛɛ gole ke wɔa paǹ li, bɛ á maa kəni? N pàã gole kɛ á maa? Wɔ yii ba n makara doɛ̃ laanka n bǐɛ̃baa kɛ ganaa wɔa paǹ li doo wa.

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Busii pɛ 3:41

Ka daa wɔ lon a Lawa nyankɔ ka wɔ foo tumaa nɛ, wɔ n gɔnɔn goa wɔ dia la.

Ezekieli 16:63

Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.

Ezekieli 9:4

á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.»

Zowɛli 2:13

Ka n gɔ́ɔ̃ binyəə, bɛ á soɛ ka lala diɛ nɛ.» Ka wusoo ka da Dɛnaa Lawa li, kaa Lawa lɛ. Bǐɛ̃ gigiã na a din li, a din nə makara doɛ̃ wole lɛa, a foo a yui fufuu wa. A minin narɛɛ á gole, á boe la a dɔlɔ toa min ni.

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Zakarii 2:13

Sonbore, man die yui tɔrɔn kɛn gialaa. Min mɛnɛn nə goã ǹ bɛ̀rɛn lɛa, bɛn tá re ǹ dɔn kokoe.» Bɛ̀ bɛ nə́ n zɛnaa, ka á re doɛ̃ ka bɛ nɛ, mà Dɛnaa Lawa Pàãyiidɛnaa na á ma dia.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 6:9

Ka doamaa nɛ ka Lawa nyankɔ kɛnɛn: Wɔ Di mɛn bɛ́ lon, toa n tɔ gole kɔ.

Luku 1:49

A giala Lawa Pàãyiidɛnaa sii dadaran zɛnaa masɛ nɛ, a tɔ á sonbore.

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Nya ǹ dín 3:14

Ka n piã ka Lawa din "wɔ" kɛ lɛ nɛ, min pepere kɛ lɛ, ká a nyankɔ mà ǹ gɛ̀-dɛle da ǹ bɔ kòso-n.

Rɔmu minin 1:20

Sonbore, min ba boe la a Lawa yɛ wa, sɛnɛ, a nə n din nyɛɛ minin manɛ ka a nya ǹ dín ni, a kũ kanaa diɛ biikoo ganaa. Bɛ lɛ taman yii, minin tá boe la ǹ na a pàã nyabaã wole kɛ dɔ̃, ka a Lawabaa kɛ nɛ, yǎa ǹ baran n yiin tã wa. Bɛ lɛ nɛ, sonbore yɛ ǹ gɔn kɔ́n ba ǹ lon wa.

Korɛnti2 1:4

Lawa din nə ma foo taɛ̃ maa fuu-yɛ tumaa gɔ́ɔ̃ nɛ. Ma foo tãbaa mɛn yɛ a din li, a n mà ma boo la ma fuu-yɛlen tumaa foo taã ka bɛ lɛ nɛ.

Korɛnti2 2:7

Bɛ lɛ nɛ sisia, ka bǐɛ̃ kɔ ka a sii toa nɛ, ka a foo taã, ń giɛ foo-ziziɛ̃ gole nyan saa a bɔ a yiri la wa.

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.

Timəə dí-pɛn 33:27

Lawa mɛn bɛ́ a tan yǎa duduu, a din lɛ n duru n bǎã lɛa, A din lɛ gɔn nə ka li yǎa duduu. Á kaa zɔ́ɔn loo á ǹ bɔ ka nyɛɛnɛ, á pɛ ka nɛ, mà ka ǹ dɛ lenlen.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke:

Sii-nyaan 4:8

Màn yiikoonaa pàãdɛnaa sii lɛ gogoonmaa nyàan man sɔrɔ, yii nàn nə́ ǹ paǹ tumaa ganaa, ǹ nyàa giulun ni ka a kanaa nɛ. Maǹ loe loe baayɛlɛ ka tèlò tumaa nɛ ǹ nə́ pii: N tá sonbore, n tá sonbore, n tá sonbore, wɔa Dɛnaa Lawa Pàãyiidɛnaa mɛn bɛ́ á goã, a ná a tan, a n die die dɔn.

Samayeli1 2:2

Dɛnaa Lawa miã banban ka siĩnbaa-n wa. Dɛnaa Lawa kɔsɔ banban, bɛ̀ n din lɛ bie wa. Màn kɔsɔ a wɔ tamaɛ ka wɔa Lawa bɛ́ lɔn wa.