Izayii 57:13 - LAWA A BOO SONBORE

¹³ Bɛ̀ n gú da ǹ mɛn pinaa, n dì bɔbɔnɛɛn lɛn nə n si sii la kəni. Piɛ̃ á re ǹ tumaa goɛ, kurunkurun tá re woe ǹ ne. Sɛnɛ, min mɛnɛn bɛ giɛ mìi duru ǹ bǎã li masɛ li, bɛn tá re gána lɛ yii ǹ wɔ lɛa, maa kele sonbore kɛ nə ǹ wɔ baa.

LAWA A BOO SONBORE 2011

¹³ Bɛ̀ n gú da ǹ mɛn pinaa, n dì bɔbɔnɛɛn lɛn nə n si sii la kəni. Piɛ̃ á re ǹ tumaa goɛ, kurunkurun tá re woe ǹ ne. Sɛnɛ, min mɛnɛn bɛ giɛ mìi duru ǹ bǎã li masɛ li, bɛn tá re gána lɛ yii ǹ wɔ lɛa, maa kele sonbore kɛ nə ǹ wɔ baa.

Izayii 57:13 ပူးပေါင်းရင်းမြစ်များ

Kiin2 3:13

Yiliizee pɛ Izirayeli gána a kii lɛ nɛ: «Wàa dɔ n wɔsɛn bii ni? N di laanka ǹ dan goã woe Lawa a boo gii-dalin soɛ-bɔlin mɛnɛn lɛn li, wo bɛn lɛn li.» Izirayeli gána a kii lɛ ná a lɛ si: «Haayii! A giala Dɛnaa Lawa na á lɛ dia kii sɔɔ kɛ la, á n die ǹ we Moabu gána a kii gɔn.»

Zɔbu 21:18

Ǹ tá ka làpaa bɛ́ lɔn piɛ̃ n siɛ? Ǹ tá ka kaã bɛ́ lɔn kurunkurun nə́ goɛ sonbore?

Loen 1:4

Sɛnɛ, min baraan wɔ bie miɛ̃ wa: bɛn man ka kaã bɛ́ lɔn kiɛ̃ piɛ̃ li.

Loen 118:8

N kaa Dɛnaa Lawa yele, bɛ á soɛ foo doa minin ganaa nɛ.

Loen 125:1

Wo Zeruzalɛmu loe. Min mɛnɛn bɛ́ n foo doɛ Dɛnaa Lawa ganaa, bɛn man ka *Siɔn kele bɛ́ lɔn, màn kɔn ba bìn diɛ a ganaa wa, a na a tan yǎa duduu.

Loen 37:11

Sɛnɛ, gána lɛ á die pàãwɛɛnaan wɔ biɛ. Ǹ tá re là nyantoro lɛpiɛ̃ yii.

Loen 37:22

Taãn nɛ, a barka da min mɛnɛn ganaa, gána lɛ á die bɛn wɔ biɛ. A barka bɔ min mɛnɛn nɛ, á re bɛn wɛɛ a ǹ bɔ a nɛ.

Loen 37:29

Min sonboren tá re gána lɛ a dɛnan biɛ. Ǹ tá re goɛ̃ a-n yǎa duduu.

Loen 37:3

N foo doa Dɛnaa Lawa ganaa, n sii bǐɛ̃ zɛnaa, ń giɛ n tá goɛ̃ gána lɛ nɛ ka là nyantoro ne.

Loen 37:34

N foo doa Dɛnaa Lawa ganaa, n kɔ a zii lɛ. Á re n koɛ gána lɛ a dɛnaa lɛa. N tá re yii min baraan kɛn wɛɛ ǹ boe a nɛ.

Loen 37:9

Lawa á re min baraan wɛɛ a ǹ bɔ gána kɛ nɛ, sɛnɛ, min mɛnɛn bɛ́ n foo doɛ Dɛnaa Lawa ganaa, gána lɛ á die bɛn wɔ biɛ.

Loen 58:9

Toa ǹ sii goã goon ka fɔrɔɔ nɛ, ǹ gã bɛ̀ ǹ mu n kiɛ. Ka nɔ̀ ziziɛ̃ bɛ́ lɔn, n baran toa ǹ yii wasa yɛ wa.

Loen 84:12

Sonbore, Dɛnaa Lawa lɛ n wɔlɔ fúli wɔ nɛ ka wasa bɛ́ lɔn, a din dɔ n wɔ tamaɛ. Dɛnaa Lawa din nə bǐɛ̃ zɛnɛɛ, á gugurubaa koe. Min mɛnɛn giã bɛ́ pepere, a n yii-nyɛɛ koe bɛn la.

Suusun 28:25

Min mɛn foo bɛ́ wuu pii, a n zia yiɛ. Sɛnɛ, min mɛn bɛ́ n foo doɛ Dɛnaa Lawa ganaa, á re pàãma biɛ.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 14:32

Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Izayii 25:4

a giala, ń pàãwɛɛnaan mìi duru ǹ bàã baa, ma n doobaan tamɛɛ fuu biikoo li, ma n mìi duru ǹ bǎã lɛa la giulun, ma n wúlu lɛa wasa li. Taãn nɛ, min kakarɛn foo yoo n ka la bɛ́ lɔn kungɔn ganaa,

Izayii 40:24

Ǹ tɔn nə ǹ da tán bɔrɔ wa, ǹ tɔn nə ǹ zumu bɔrɔ wa, ǹ gòonən nə tɔn wɔ tán dinin bɔrɔ wa, Dɛnaa Lawa n piɛ̃ pii ǹ ganaa. Maǹ laɛ, piɛ̃ gole n woe ǹ ne, ka buu gere bɛ́ lɔn.

Izayii 41:16

N tá re ǹ sui, piɛ̃ nə ǹ goa a wo ǹ ne. Piɛ̃ gole á re ǹ pɛsɛ̃ paǹ tumaa li. Sɛnɛ nsɛ, n tá re n lɛ dii ka foo kɔɔ̃n nɛ, Dɛnaa Lawa taman yii. Izirayeli a Lawa sonbore kɛ á re n foo kɔɔ̃n koe.

Izayii 45:20

Kasɛn mɛnɛn yii goã koo tɔrɔn bii, ka n sɔkɔn ka daa, ka n zɔ̃ ka dɔ. Min mɛnɛn bɛ́ dì nyín guĩ ǹ gɔn, gɔn sɛlɛɛ lɛa, ǹ nə́ ǹ guguru koe, dìn mɛnɛn bɛ́ ǹ ba boe la ǹ tá ǹ kirisibiɛ wa, bɛn man yiriwɛɛnaan lɛa.

Izayii 49:8

Dɛnaa Lawa n pii kɛnɛn: Má n lɛ si biikoo sonbore li. Kirisibaa pinaa, má daa n gú ganaa. Ma á die n tamɛɛ, man koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n Izirayeli gána saa n da lon, màn mɛn bɛ́ toɛ didie na a wɔ gii yɛ tán kɛ nɛ á ziziɛ̃;

Izayii 56:7

ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 65:11

Sɛnɛ, kasɛn mɛnɛn bɛ́ ka n la bɔ masɛ Dɛnaa Lawa ganaa, ka yiri bɔ maa kele sonboren kɛn nɛ. Ka n màn-bii koe dì Gaadi la. Ka n duvɛ̃ lɔlɔkɔn-a koe dì Menii la.

Izayii 65:25

Don gin laanka sère nɛ á re buu soɛ̃ kun. Yàra á re buu gere soɛ̃ ka dii bɛ́ lɔn. Miɛ̃ á re n din toe ka gusuũ ni. Maa kele sonbore kɛ la, sii baraa hinlaa kakaarɛbaa a re n zɛnɛɛ doo wa. Dɛnaa Lawa na á pɛ.

Izayii 65:9

Sɛnɛ, ma á re nɛnyaanan koe Zakɔba a zaman la, maa kelen nə Zudaa tɔrɔn kíɛ̃ baa. Ma min mɛnɛn bɔ, gána lɛ á re bɛn wɔ biɛ, ǹ mɛnɛn bɛ́ dí nyɛɛ ma nɛ, bɛn tá re gɛnɛɛ a nɛ.

Izayii 66:20

Ka dɔɔ̃nɔn mɛnɛn bɛ́ re goɛ̃ tɔrɔn tumaa bii, ǹ tá re die ǹ tumaa nɛ, sùin la, ziabaa ǹ wotoron ne, wotoron ne ǹ nə́ mɔnaa kɔ ǹ mìi lɛ, dundun sùin la ka nyɔɔmaan nɛ. Ǹ tá re die yǎa maa kele sonbore kɛ li Zeruzalɛmu, Dɛnaa Lawa na á pɛ: Bɛ n die goɛ̃ ǹ Lawa gɔ ǹ màn lɛa maa wɔ lɛa. Man die ǹ sii ka Izirayeli minin bɛ́ nɛn bɛ̀ ǹ wúlu mànan mɛnɛn kaa màn sonboren ne bɛ̀ ǹ da-n maa kion lɔn.»

Zeremii 2:28

Ka dìn mɛnɛn zɛnaa ka dinin wɔ lɛa, bɛn tá maa? Bɛ̀ koe ka yɛ, bɛ̀ ǹ tá boe la, ǹ da ka kirisibaa! Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃!

Zeremii 22:20

Zeruzalɛmu, dii Liban kelen la n nə n lɛ dɛ. Toa n lɛ-dɛ dɔ yǎa Basan a diə kɛ nɛ. N toa Abarimu a kelen la n nə n lɛ dɛ. A giala, n sanan tumaa papaã n ganaa.

Zeremii 22:22

Piɛ̃ á re n kiãn tumaa goɛ, a wo ǹ ne. Ǹ nə n sanan tumaa goa ǹ wo ǹ ne. Nsɛ, sìi á re n koe n lɛ, n yii a gugurubaa tumaa nya, n zɛnaa ǹ sii baraan kɛn tumaa taman yii.

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Ezekieli 20:40

A giala, ka Izirayeli tɔrɔn lɛn tumaa, ka mɛnɛn tumaa bɛ́ re giɛ̃ gána lɛ nɛ, ka n die ma guguru koe maa kele kɛ la, Izirayeli a kele sasa kɛ la. Man die n diɛ ka lɛ walan sɔnbɔraanɛ. Ka bɛ́ re mànan mɛnɛn tumaa boe, wúlu màn sonboren lɛa ka kɔ ma la, ma á re lɛ koe bɛn ganaa walan. Ma din Dɛnaa Lawa a da ǹ boo ne.

Ozee 13:3

Bɛ lɛ nɛ, minin kɛn tá re papaɛ̃ ka baayɛlɛ labara bɛ́ lɔn, ka pele bɛ́ kiɛ lɔn, ka wii duwəə ǹ bǎã a kaã bɛ́ woe piɛ̃ li lɔn, ka tɛmaa bɛ soe sìã-n lɔn.

Zakarii 7:13

á pɛ: «Ma bɛ́ máa ǹ ma bɔlɔ si, ǹ nə n too kɔ wa. A din yii goon ne, bɛ̀ ǹ tá gú diɛ, ma dɔ ba n too koe ǹ lon wa.

Sii yɔrɔ-bɔlen 10:14

Ka lawan mɛnɛn bɔ ke lɛn, ka woo ka n lɛ dɛ bɛn lɛn ganaa. Bɛn lɛn doamaa nɛ, ǹ ka waa, ǹ ka bɔ kaa nɔmaa lɛ gɔ́ɔ̃ nɛ.»