Izayii 57:12 - LAWA A BOO SONBORE

¹² Sɛnɛ, ma á re n peperebaa kɛ nyɛɛ foaã nɛ. N sii mɛn zɛnaa, n ba re a là goon yii wa.

LAWA A BOO SONBORE 2011

¹² Sɛnɛ, ma á re n peperebaa kɛ nyɛɛ foaã nɛ. N sii mɛn zɛnaa, n ba re a là goon yii wa.

Izayii 57:12 ပူးပေါင်းရင်းမြစ်များ

Izayii 29:15

Min mɛnɛn bɛ́ sii zɛnɛɛ ka durii ni, ǹ nə́ ǹ taasiɛn duri Dɛnaa Lawa la, ǹ nə́ ǹ siin yɔrɔ boe tèlò basa li, bɔ̀n nə bɛn wɔ lɛa. Maǹ pii: «Die yii n wɔa sii zɛnaan ganaa, die n wɔ doɛ̃?»

Izayii 44:9

Min mɛnɛn bɛ́ dì nyínin zɛnɛɛ, ǹ ba màn kɔn lɛa wa. Ǹ màn nyín siĩnin kɛn dɔn là banban. Bɛa nyínin kɛn lɛn manɛ ǹ dinin siéren lɛa. Siéren manɛ, ǹ yii na a màn kɔn yii wa, ǹ nə́ ǹ ba sii kɔn doɛ̃ wa. Maǹ sìi diɛ ǹ ganaa.

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Izayii 64:5

Wɔ tumaa n ka gɔ̀dɛnan manɛ. Wɔa sii peperen tumaa n ka mɔnaa bɛ́ lɔn mà kaa a ganaa. Wɔa siɛ̃n man wɔ biɛ, lɔnkɔsɔ á kɔnboe lɛa, piɛ̃ n woe ne.

Izayii 65:7

Ǹ siɛ̃n nɛ, ka ǹ digolon wɔ nɛ, ma á re bɛa gɛ̀ dòo boe ǹ ganaa. A giala, ǹ digolon man nə́ da yon gìĩ kɔɔ̃n tã kelen la, ǹ nə́ sɔ kɔ ma ganaa tentenen la. Sisia kəni, ǹ sii mɛn tumaa zɛnaa lɛlɛ, man die bɛ tumaa a dɔlɔ boe ǹ ganaa. Ma din Dɛnaa Lawa n má pɛ.

Izayii 66:18

Dɛnaa Lawa pɛ: «Ma tá ǹ zɛnaa ǹ siin laanka ǹ taasiɛ doɛ̃. Man die bɔlɔ tumaa a tɔrɔn soekɔn. Ǹ tá re die, ǹ maa gugurubaa yɛ.

Zeremii 10:11

Ka doamaa bɛ ka boo mɛn da ǹ nɛ, á ke: lawan mɛnɛn bɛ́ ǹ lon zɛnaa wa, ǹ tán zɛnaa wa, bɛn tá re n lui ǹ nə n bɔ tán la, ǹ papaã ǹ nə n bɔ kanaa.

Zeremii 10:14

Bɛ lɛ nɛ, minin tá bii-a baãnaan lɛa, ǹ ba sii kɔn giala miɛ wa. Sìi n zan-kaalin kɛn tumaa ganaa, ǹ dìn kɛn taman yii. Bɛa nyínin lɛn man yiri siɛ̃: Yiikoonaabaa goon din ba ǹ nɛ wa.

Zeremii 10:15

Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 51:18

Ǹ ba màn kɔn lɛa wa. Maǹ yaa dinsɔɔ̃ diɛ. Dɛnaa Lawa bɛ́ re yui ǹ gialaa ǹ mɛn pinaa, ǹ tá re papaɛ̃.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:5

Ǹ zɛnaa ǹ siin dinin tumaa n din nyaa sii lɛa. Bɛ lɛ na á toa, bɛ̀ ǹ Lawa a boo bǎãn kɔnɔn kiɛ̃, bɛ̀ ǹ kìri dadaran zumu ǹ ganaa a tɔ-a, bɛ̀ ǹ wɔ ǹ mìi-a hinlaa ǹ gɔn ganaa, pàsa mɛn bɛ́ ǹ tá kiɛ ǹ mɔnaa lɛkoron ganaa, bɛn man sɔsɔrɔ taãn-taãnɛ.