Izayii 57:11 - LAWA A BOO SONBORE

¹¹ Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

LAWA A BOO SONBORE 2011

¹¹ Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

Izayii 57:11 ပူးပေါင်းရင်းမြစ်များ

Loen 50:21

N màn mɛn zɛnaa, a din lɛ n ke. Ma á boe la man lɛ tã kɛ lɛ-a sonbore? Ma n taasɛ mà n miãn ka masɛ nɛ? N sii mɛn la, man die n zɛ̀rɛ biɛ, ma a tumaa pɛ ma kaa tán n giulun.

Loen 78:36

Sɛnɛ, ǹ lɛ na á goã Lawa bebele, ǹ lɛwɔn na á goã soɛ boe ne.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Boo-laakalaali 8:11

Nya ǹ dí baraan lɛn dɔlɔ bɛ́ a ba n boe a bǎã-n wa, bɛ lɛ n ke toɛ, sii baraa zɛnaa ǹ foo n minbuiin nɛ-n taãn-taãnɛ.

Izayii 26:10

Sɛnɛ, bɛ̀ makara nə́ n bɔ min baraa ganaa, a ba n darɛɛ peperebaa zɛnaa a wa. Peperebaa bɛ́ gána mɛn nɛ, a n sii baraa zɛnɛɛ walan dɔn. A yii ba Dɛnaa Lawa a golebaa kɛ ganaa wa.

Izayii 30:9

Tɔrɔ piã wolen manɛ, maǹ soɛ-bɔlen lɛa. Minin manɛ ǹ nə́ n piɛ̃ ka Dɛnaa Lawa a daraa ǹ boo a too kɔ ma-a nɛ.

Izayii 42:14

Haalɛ bibi, má n lɛ tã. Ma boo kɔn da wa. Má n din kũ ka sii zɛnaa nɛ. Sɛnɛ, sisia, ma nə n lɛ dii, ka lɔ mɛn bɛ́ nɔɔrɔ koe. Ma nə n lɛ dii, má gini, maa piɛ̃ lɛ n zoɛ̃ mà a kuru.

Izayii 44:20

Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»

Izayii 47:7

Ma nə n goã pii: «Man kii lɔ lɛa miɛ̃ yǎa duduu.» N nə n taasɛ kɛa siin kɛn nɛ wa. N nə n taasɛ ka biɛ̃ ǹ sii-n wa.

Zeremii 2:32

Nɛniɛ yiri á boe a nyaǹ mànan ganaa? Lɔ tii yiri á boe a gɔ̀ mànan ganaa? Ka yiri bɔ ka ma nɛ, a biikoo a kànaa wa.

Zeremii 3:21

Lɛ-dɛ n boe kele mìi ni, Izirayeli minin manɛ. Maǹ wuu pii ǹ nə́ gú diɛ. A giala, maǹ nə́ zii baraa saa, ǹ yiri bɔ ka Dɛnaa Lawa, ǹ Lawa nɛ.

Zeremii 38:19

Kii Sedekiasi Zeremii lɛ si: «Zudaa minin mɛnɛn nə n dinin wɔ Baabilonii minin gɔn, man nyɛ́ɛ biɛ máa ǹ yaa kiɛ̃ ma we ǹ gɔn, ǹ baraa zɛnaa ma nɛ.»

Zeremii 41:18

Maǹ nə́ goã nyɛ́ɛ biɛ Baabilonii minin manɛ a giala, Netania a nɛgiĩ Isimayeli na á Ayikaamu a nɛgiĩ Gedalia dɛ, Baabiloniin kii nə ǹ mɛn lɛ koa gánadɛnaa lɛa Zudaa gána mìi la.

Zeremii 42:20

Ka bɛ́ ká n doa ma ganaa mà ma Dɛnaa Lawa, kaa Lawa nyankɔ, ka n ka pɛ: Dɛnaa Lawa, wɔa Lawa nyankɔ wɔ a lɛa. A bɛ́ re boo mɛn diɛ wɔa paǹ li ka te, n bɛ pɛ wɔ nɛ. Wɔ á re bɛ zɛnɛɛ. Bɛa pinaa lɛ nɛ, ka n ka sã gole wɔ, màn mɛn bɛ́ nyin nyɛɛ.

Ezekieli 13:22

A giala ka n min sonbore foo ziziɛ̃ ka kaa soɛ boon kɛn lɛn nɛ. A da yaa, masɛ ba li, ma sii baraa zɛnaa min sonbore-n wa. Ka n min baraa foo taɛ̃, bɛ lɛ nɛ, a ba wusii a sii baraa zɛnaa kio, ń giɛ a yii á goɛ̃ koo wa.

Matiə 25:25

Nyɛ́ɛ na á masɛ kũ. Bɛ lɛ nɛ, má woo n sana lɛ duru yala-n. Haya, n sana á ke!»

Nya ǹ dín 5:3

Sɛnɛ, Piɛrɛ pɛ nɛ: «Ananiasi, wàa na á baa ń toa *Sɛtaan nə́ n gɔ́ɔ̃ tii kɛnɛn, á n diɛ soɛ bɔ ganaa Lawa a Yiri Fu ni? Táa ma nə n tán giɔ̀mɔ lɛ kɔ́n bɔ.

Tesaloniki2 2:9

Lawa a Zɔ́ɔ lɛ n die die ka *Sɛtaan pàã nɛ, á re kaãbaa ǹ sii kaka tɔrɔ tumaa zɛnɛɛ a minin yiri sã nɛ.

Timote1 4:2

Soɛ-bɔlen mɛnɛn bɛ́, ǹ yiri ná a ba ǹ goe sii-n doo wa, maǹ die n siɛ bɛn lɛn minin yiri sã ǹ boo li ǹ papaã.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.