Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 57:1 - LAWA A BOO SONBORE

1 Maǹ min peperen nyin boe, min kɔn dɔ ba n yiri koɛ li wa. Min sonboren man papaɛ̃, min kɔn ná a doɛ̃ mà maǹ nə́ papaã ǹ nə́ n bɔ nɔmaa li wa,

အခန်းကိုကြည့်ပါ။ ကော်ပီ

LAWA A BOO SONBORE 2011

1 Maǹ min peperen nyin boe, min kɔn dɔ ba n yiri koɛ li wa. Min sonboren man papaɛ̃, min kɔn ná a doɛ̃ mà maǹ nə́ papaã ǹ nə́ n bɔ nɔmaa li wa,

အခန်းကိုကြည့်ပါ။ ကော်ပီ




Izayii 57:1
17 ပူးပေါင်းရင်းမြစ်များ  

Izirayeli minin tumaa tá re a gɛ̀ koɛ, ǹ na a gere bĩ. Sonbore, a dinsɔɔ̃n n Zeroboamu a kion min lɛa, a gere n die n diɛ yala-n. A giala, a dinsɔɔ̃ n Zeroboamu a kion min lɛa a sii n siĩni, Izirayeli a Lawa, Dɛnaa Lawa yii li.


Á ke, bɛ lɛ nɛ, masɛ bɛ́ máa man die koe mɛn boe Zeruzalɛmu ganaa, n yii á re bɛ yii wa, yǎa n gɛ̀ kio. Ma á die toɛ n gã ka là nyantoro ne.» Bɛ kio, dia dí-a wolen lɛn ná a boo da kii lɛ nɛ.


Ezekiasi bɛ́ á gã á woo ǹ digolon li, maǹ nə́ bĩ Davida a nɛn yala mìi la bǎã kɛ nɛ. Zeruzalɛmu minin laanka Zudaa minin tumaa zín kɔ la bɛa pinaa kɛ lɛ nɛ. A nɛgiĩ Manaasee na á kii baa a bǎã nɛ.


Ma á re toɛ n wo n digolon li, n wo yala-n ka là nyantoro ne. Ka bɛ dɔ nɛ, koe mɛn tumaa bɛ́ ma á re diɛ Zeruzalɛmu laanka a minin mìi ni, n ba re bɛ yii wa.» Dia dí-a wolen lɛn nə́ woo boo binyəə lɛ pɛ kii Zoziasi ni.


A dí-nyalin nə́ gisĩ ǹ nə́ bɔ a ziabaa ǹ wotoro ne, ǹ nə́ da a ziabaa ǹ wotoro paabaa ǹ wɔ kɛ nɛ, ǹ nə́ woo ne Zeruzalɛmu. A na á gã bɛa kiwi lɛ nɛ, ǹ nə́ bĩ ǹ digolon yala-n. Zeruzalɛmu min din tumaa ka Zudaa wɔn nɛ, ǹ nə́ Zoziasi a gɛ̀ koa.


LOE-saalin goledɛnaa loe mɛn lɔ tùtu nɛ kiwisidɛnaa wuu li. Davida a loe.


Min mɛn gɔ́ɔ̃ bɛ́ fu, a n min pepere lɛa, min mɛn bɛ́ giɛ là nyantoro li, bɛa dɛnaa tɔrɔn tá re goɛ̃.


Bɛ lɛ nɛ, Dɛnaa Lawa na a foo yoo baraa kɛ kaa ǹ la, ka zia baraa nɛ. Bɛa zia lɛ tɛ da ǹ paǹ yii ganaa a ná a lɛnpɛnɛ nɛ, sɛnɛ, Izirayeli na a giala ma wa; á kũ, sɛnɛ a baa a parsii lɛa wa.


Á ke, koe n die boe n ganaa. N ba re boe la n na a lɛ goa wa. Koe gole n die miɛ n la. N ba re kanbiɛ a ganaa wa. Basaã gole mɛn bɛ́ n yiri ba a ganaa wa, bɛ n die n tɔwɛɛ bǎã goon ne.


Ma nə n goã pii: «Man kii lɔ lɛa miɛ̃ yǎa duduu.» N nə n taasɛ kɛa siin kɛn nɛ wa. N nə n taasɛ ka biɛ̃ ǹ sii-n wa.


Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.


Kanna kəni Zeremii, boo da Zudaa minin laanka Zeruzalɛmu minin ni n pɛ ǹ nɛ: – Dɛnaa Lawa n kɛ pii: «Á ke, man dɔlɔ yɔrɔ boe kaa wɔ lɛa. Man koe lɛ boe die-n ka ganaa. Didie doamaa nɛ a na a taasiɛ baraan kaa. Hiĩ, ka kaa giã ǹ gɔn laanka kaa zɛnaa ǹ siin bɔyaa.»


Zudaa minin lɛn, min mɛn bɛ́ á gã, ka nyan wuu pɛ bɛ la wa. Ka nyan wuu pɛ kii Zoziasi la wa. Sɛnɛ, min mɛn bɛ́ woe a ná a die doo wa, ka wuu pɛ bɛa dɛnaa la. A giala, a yɛ gána mɛn nɛ, a yii á re miɛ̃ bɛ ganaa doo wa.


Kɛ pɛ gusin a lɛ̀gɔn la a daã lɛ wɔ paǹ li: «Ka n too kɔ masɛ Dɛnaa Lawa a da ǹ boo li: Á ke, man die tɛ diɛ n ganaa. Da buruu tumaa nɛ, a gere tumaa nɛ, á re bɛn kuĩ. Bɛa tɛ gole kɛ lɛ a re nimi wa. Á re màn tumaa kuĩ, a saa gusin a lɛ̀gɔn la ganaa, a wo gɔsɛ a lɛ̀gɔn la yaa.


Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.


Ka n too kɔ ma lon, ka n doa gugurubaa mɛn bɛ́ maa wɔ lɛa ka bɛ kɔ ma la. Bɛ bie wa, ma á re lɛn baraa bíi ka li, ma yii-nyɛɛ mɛn lɛ kɔ ka la ma á re bɔyɛɛ ma baa lɛn baraa lɛa ka ganaa. Hiĩ, a giala kaa sii kɔn kuĩ ka ka parasii-n wa.


Die n boe la, a Izirayeli min damata kɛ nimi, a Zakɔba tɔrɔ gigiã kɛ lɛ yɛ? Masɛ n zoɛ̃ li, máa ma dinmaa min peperen gɛ̀ tɔrɔ wɔ, maa lɛ-nyɔmiɛ̃ goã goon ka ǹ wɔ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ