Izayii 56:7 - LAWA A BOO SONBORE

⁷ ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

LAWA A BOO SONBORE 2011

⁷ ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Izayii 56:7 ပူးပေါင်းရင်းမြစ်များ

Kiin1 8:41

Ta tii mɛn nə boe gána sɔsɔɔ nɛ, ǹ dɛnaa ná a ba n zaman Izirayeli minin kɛn goon lɛa wa, a giala tɔrɔ kɔsɔn tá re n tɔ gole kɛ miɛ̃, ka n sii dadaran kɛn nɛ, ń zɛnaa n zaman lɛ nɛ, bɛ̀ bɛa tii lɛ daa n nyankɔ kion kɛ nɛ,

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Bɔ bɛ̀rɛbaa nɛ 28:38

A n goɛ̃ Aarɔn nyanlɛ ganaa, màn mɛn bɛ́ toɛ, Izirayeli nɛnyaanan bɛ́ mànan mɛnɛn tumaa koe Lawa la, ǹ nə́ *gɔ̀ boe ǹ ganaa, Lawa lɛ kɔ bɛa mànan kɛn lɛn ganaa, haalɛ ta maǹ nə́ sã ǹ da Lawa yɔrɔ-a biikoo lɛ li. A n goɛ̃ a nyanlɛ-a biikoo tumaa li, màn mɛn bɛ́ toɛ, bɛa Lawa gɔ ǹ mànan kɛn lɛn nə kɔɔ̃n kɔ Dɛnaa ganaa.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 19:19

Bɛa pinaa lɛ nɛ, Ezipti gána bii, *wúlu bɔ ǹ bǎã laanka kɔlɔ zumii n die yii Dɛnaa Lawa wɔ lɛa, kunu Ezipti gèlè ganaa.

Izayii 19:21

Bɛa pinaa Dɛnaa Lawa á re n din nyɛɛ Ezipti minin manɛ. Ezipti minin dɔn tá re Dɛnaa Lawa dɔ doɛ̃. Ǹ tá re dí nyɛɛ nɛ, ǹ wúlu mànan laanka gɔn mànan kɔ la. Ǹ tá re lɛ kɔ we Dɛnaa Lawa nɛ, ǹ nà a lɛ pã.

Izayii 25:6

*Siɔn kele la, Dɛnaa Lawa Pàãyiidɛnaa á re màn-bii zɛnɛɛ tɔrɔn tumaa wɔ lɛa, siĩ nyɔɔnaa n la, ka duvɛ̃ kɔɔ̃n nɛ. Siĩ nyɔɔnaa basiɛ̃ n la ka duvɛ̃ sonbore ne.

Izayii 56:5

á bǐɛ̃ kɔ, maa kion lɛ gɔ́ɔ̃ nɛ, ka a kigiala gɔ̀nɔn ganaa nɛ, ma á re bǎã koe ǹ la ka tɔ dɔ nɛ. Bɛ là á re yii ǹ ganaa, a la nɛgiĩn laanka nɛlɔn manɛ. Ma bɛ́ re tɔ mɛn koe ǹ la, bɛ n die goɛ̃ yǎa duduu, a ná a ba n tuturi wa.»

Izayii 57:13

Bɛ̀ n gú da ǹ mɛn pinaa, n dì bɔbɔnɛɛn lɛn nə n si sii la kəni. Piɛ̃ á re ǹ tumaa goɛ, kurunkurun tá re woe ǹ ne. Sɛnɛ, min mɛnɛn bɛ giɛ mìi duru ǹ bǎã li masɛ li, bɛn tá re gána lɛ yii ǹ wɔ lɛa, maa kele sonbore kɛ nə ǹ wɔ baa.

Izayii 60:11

N kiɛnlɛn tá re goɛ̃ koo duduu, penleen laanka tèlò, ǹ ba re ǹ tiɛ̃ wa màn mɛn bɛ́ toɛ, tɔrɔ kɔsɔn naforo nə da n piɛ, kɔnlɛ ka ǹ kiin ni, kɔn kio.

Izayii 60:7

Kedaara minin tɔɔ kurun kɛn tá re die n soekɔn-a n li. Nebayɔti minin sère gɔ̀lɔ̀n kɛn tá re maa wɔn biɛ, ǹ tá re wúlu boe ǹ ne maa *wúlu bɔ ǹ bǎã kɛ nɛ, Á re *wúlu màn sonbore biɛ ma yii li. Man die maa kion lɛ a siĩnbaa tɔ boe ka bɛ nɛ.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 65:11

Sɛnɛ, kasɛn mɛnɛn bɛ́ ka n la bɔ masɛ Dɛnaa Lawa ganaa, ka yiri bɔ maa kele sonboren kɛn nɛ. Ka n màn-bii koe dì Gaadi la. Ka n duvɛ̃ lɔlɔkɔn-a koe dì Menii la.

Izayii 65:25

Don gin laanka sère nɛ á re buu soɛ̃ kun. Yàra á re buu gere soɛ̃ ka dii bɛ́ lɔn. Miɛ̃ á re n din toe ka gusuũ ni. Maa kele sonbore kɛ la, sii baraa hinlaa kakaarɛbaa a re n zɛnɛɛ doo wa. Dɛnaa Lawa na á pɛ.

Zeremii 7:11

Kion ke ma tɔ n la, ka n bɛ biɛ wurumun susu ǹ bǎã lɛa? Ma yii n bɛ lɛ ganaa sɛn! Masɛ Dɛnaa Lawa a da ǹ boo ne.

Ezekieli 20:40

A giala, ka Izirayeli tɔrɔn lɛn tumaa, ka mɛnɛn tumaa bɛ́ re giɛ̃ gána lɛ nɛ, ka n die ma guguru koe maa kele kɛ la, Izirayeli a kele sasa kɛ la. Man die n diɛ ka lɛ walan sɔnbɔraanɛ. Ka bɛ́ re mànan mɛnɛn tumaa boe, wúlu màn sonboren lɛa ka kɔ ma la, ma á re lɛ koe bɛn ganaa walan. Ma din Dɛnaa Lawa a da ǹ boo ne.

Ezekieli 47:22

Ka n pã bǎãn lɛn ganaa, ka tɔn nə ǹ gii kɔn ka dinin laanka tiin mɛnɛn bɛ́ giã-n ka bii, ǹ nə́ nɛnyaanan yɛ ka bii. Ka ǹ dɔn kũ Izirayeli minin lɛa, ǹ dɔn nə n pã ǹ bǎãn ganaa kun ka ka nɛ.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Matiə 21:13

Á tɔ́n pɛ ǹ nɛ: – A tá kiɛ̃-n Lawa a boo ne: «Masɛ a kion lɛ n die n bíi Lawa nyankɔ ǹ kion.» Sɛnɛ, kasɛn nə́ ke ka baa wurumunun duru ǹ yala lɛa!

Marki 11:17

Á tɔ́n minin daraa á pɛ ǹ nɛ: – A tá kiɛ̃-n Lawa a boo-n kɛnɛn: «Maa Kion lɛ n die n bíi mà tɔrɔ din tumaa a Lawa nyankɔ ǹ kion, sɛnɛ, kasɛn man biɛ wurumunun duru ǹ yala lɛa!»

Luku 19:46

Á pɛ ǹ nɛ: – Lawa a boo n pii: «Masɛ a kion lɛ n die goɛ̃ Lawa nyankɔ ǹ kion lɛa, sɛnɛ kasɛn nə́ baa wurumunun duru ǹ yala lɛa.»

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Timote1 2:8

Man giɛ li kəni, máa giĩn nə Lawa nyankɔ bǎã tumaa ni, ǹ nə n gɔnɔn dia Lawa la, ǹ gɔ́ɔ̃ n fu, foo-busii ná a banban, zia ná a banban.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.