Izayii 56:6 - LAWA A BOO SONBORE

⁶ Tiin mɛnɛn gɔn paraamaa bɛ́ Dɛnaa Lawa ganaa, ǹ ná a dí nyɛɛ, ǹ ná a tɔ narɛ, ǹ ná a dí-nyalin lɛa, min mɛnɛn tumaa bɛ́ susu ǹ pii koɛ sɔnbɔraa nɛ, ka bɔlɔgoondɛnaabaa nɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

LAWA A BOO SONBORE 2011

⁶ Tiin mɛnɛn gɔn paraamaa bɛ́ Dɛnaa Lawa ganaa, ǹ ná a dí nyɛɛ, ǹ ná a tɔ narɛ, ǹ ná a dí-nyalin lɛa, min mɛnɛn tumaa bɛ́ susu ǹ pii koɛ sɔnbɔraa nɛ, ka bɔlɔgoondɛnaabaa nɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Izayii 56:6 ပူးပေါင်းရင်းမြစ်များ

Kiin1 8:41

Ta tii mɛn nə boe gána sɔsɔɔ nɛ, ǹ dɛnaa ná a ba n zaman Izirayeli minin kɛn goon lɛa wa, a giala tɔrɔ kɔsɔn tá re n tɔ gole kɛ miɛ̃, ka n sii dadaran kɛn nɛ, ń zɛnaa n zaman lɛ nɛ, bɛ̀ bɛa tii lɛ daa n nyankɔ kion kɛ nɛ,

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 44:5

Goon tá re pii: "Dɛnaa Lawa wɔ n ka ma nɛ"; kɔsɔ á re n din tɔ koe "Zakɔba"; kɔsɔ á re kiɛ̃ a gɔn ganaa: "Man Dɛnaa Lawa wɔ lɛa", á re n din tɔ koe Izirayeli.

Izayii 58:13

Bɛ̀ n nə n piã n dí nya *susu ǹ pii pinaa wa, ma lɛawaa mɛn bɔ má koa maa wɔ lɛa, bɛ n dí nya li wa, bɛ̀ ń susu ǹ pii lɛ bíi "là nyantoro", bɛ̀ ń Dɛnaa Lawa a lɛawaa sonbore lɛ bíi "guguru kɔ ǹ lɛawaa" bɛ̀ n ná a guguru kɔ, ń dí kɔn nya li wa, bɛ̀ n pii kɔ li, n nə́ n din foo sii zɛnaa wa, bɛ̀ n liere kooro kɔ wa,

Izayii 60:10

Tiin man die n kungɔnɔn kɛn doe, ǹ kiin nə dí nya n nɛ. Maa foo yoo gɔ́ɔ̃ nɛ, má dɔlɔ bɔ n ganaa. Sɛnɛ, maa makara-doɛ̃ taman yii, man maa kɔn-narɛɛ nyɛɛ n nɛ.

Izayii 61:5

Tiin tá re goɛ̃ ǹ tan, ǹ kaa sèren laanka ka bòen lɛduə̃. Minin tá re boe bǎã kɔsɔn nɛ, ǹ da kaa wurun laanka kaa *rezɛ̃ da wurun kɔsɔ.

Izayii 61:6

Sɛnɛ, kasɛn tɔ n die goɛ̃: «Dɛnaa Lawa a wúlu-bɔlen.» Ǹ tá re ka bíi, «Wɔa Lawa a dí-nyalin» Ka á re là yii tɔrɔ kɔsɔn gɔn mànan ganaa, ka n dinin gole kɔ ǹ naforon kɛn taman yii.

Zeremii 50:5

Zii mɛn bɛ́ woe *Siɔn, ǹ tá re nɔ̀n diɛ bɛ li, ǹ nə n yɔrɔ bɔyaa ǹ dia kiwi lɛ la. Ǹ tá re die, ǹ lɛ kɔ kɔn la wɔ ka masɛ nɛ, yǎa duduu, ǹ yiri ná a boe-n duduu dɔn wa.

Ezekieli 20:13

Sɛnɛ, Izirayeli minin nə́ n gòãn dii ma ganaa diə gole lɛ nɛ. Ǹ kɔ maa landa boon kɛn lɛ wa, ǹ nə́ maa sii yɔrɔ bɔ ǹ boon lɛn tii, ǹ mɛnɛn lɛn kɔmalɛ bɛ́ toɛ min yii goã koo. Ǹ nə́ maa susu ǹ piin kɛn ziziɛ̃ á la yii ni. Ma tɔ́n pɛ máa ma foo mɛn yoo ke, man die dɔlɔ diɛ ǹ mìi ni diə gole lɛ nɛ, ǹ nə ǹ dɛ lenlen.

Ezekieli 47:22

Ka n pã bǎãn lɛn ganaa, ka tɔn nə ǹ gii kɔn ka dinin laanka tiin mɛnɛn bɛ́ giã-n ka bii, ǹ nə́ nɛnyaanan yɛ ka bii. Ka ǹ dɔn kũ Izirayeli minin lɛa, ǹ dɔn nə n pã ǹ bǎãn ganaa kun ka ka nɛ.

Zakarii 6:15

Min mɛnɛn wɔlɔ bɛ́ sɔsɔɔ, bɛn tá re die n doe Dɛnaa Lawa a kion lɛ a dɔlen lɛ. Ka bɛ-n kəni, ka á re doɛ̃ mà Dɛnaa Lawa Pàãyiidɛnaa na á masɛ Zakarii dia ka li Lawa a boo gii-dali lɛa. Bɛ n die yɔrɔ yii bɛ̀ kaa Dɛnaa Lawa ka Lawa bɔlɔ sii sonbore.

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 2:41

Min gigiã golee a boo li, ǹ nə́ batɛmu da ǹ ganaa. Bɛa pinaa kɛ lɛ nɛ, minbuiin duu sɔɔ (3 000) kɛ miã yɛ, ǹ nə́ kaa kun Lawa a zaman lɛ nɛ.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Korɛnti2 8:5

Ma yiri bɛ́ a goã màn mɛn ganaa wa, bɛ nə́ n zɛnaa. Ǹ nə́ n dinin kɔ Dɛnaa la bɔrɔ, bɛ kio, ǹ nə́ n dinin kɔ masɛ dɔ la, ka Lawa foo sii barka nɛ.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Efɛɛzi minin 6:24

Min mɛn tumaa bɛ́ Dɛnaa Yezu Krita narɛ taãn-taãnɛ, Lawa a bǐɛ̃ die a dɔ bɛn tumaa ganaa.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Sii-nyaan 1:10

Dɛnaa a lɛawaa pinaa, Lawa a Yiri Fu ma kũ, má lɛn gole goon ma ma kio, a wuu goã boe kaka ka bɛn lɛn bɛ́ lɔn.