Izayii 56:2 - LAWA A BOO SONBORE

² Maa boon kɛn máa ǹ diɛ, min mɛn bɛ́ koe ǹ lɛ ka a parsiini bɛa dɛnaa á re foo kɔɔ̃nbaa yii. Ǹ dɛnaa á re foo kɔɔ̃nbaa yii taãn-taãnɛ, asɛ mɛn bɛ́ *susu ǹ pii koɛ, a nə́ n nyɛnɛɛ sii baraa nɛ.»

LAWA A BOO SONBORE 2011

² Maa boon kɛn máa ǹ diɛ, min mɛn bɛ́ koe ǹ lɛ ka a parsiini bɛa dɛnaa á re foo kɔɔ̃nbaa yii. Ǹ dɛnaa á re foo kɔɔ̃nbaa yii taãn-taãnɛ, asɛ mɛn bɛ́ *susu ǹ pii koɛ, a nə́ n nyɛnɛɛ sii baraa nɛ.»

Izayii 56:2 ပူးပေါင်းရင်းမြစ်များ

Nehemii 13:17

Má tɔ́n Zudaa gána a min yii guguru-an zɛ̀rɛ baa má pɛ ǹ nɛ: «Wàa dí baraa n ke ka á nyɛɛ, ka n susu ǹ pii lɛ ziziɛ̃?

Loen 106:3

Min mɛnɛn bɛ́ dí-pɛn tamaɛ, ǹ nə́ sii pepere zɛnɛɛ biikoo tumaa li, Lawa á re barka diɛ bɛn ganaa.

Loen 112:1

Aleluya, ka Dɛnaa Lawa tɔ bɔ! Min mɛn bɛ́ nyɛ́ɛ biɛ Dɛnaa Lawa nɛ, a ná a dí-pɛn kɛn dɔn narɛ, bɛa dɛnaa wɔ na á bǐɛ̃ kɔ.

Loen 119:101

Má baraabaa ǹ zii tumaa toa walan, màn mɛn bɛ́ toɛ, ma kɔ n da ǹ boo lɛ.

Loen 128:1

Wo Zeruzalɛmu loe. Min mɛnɛn tumaa bɛ́ nyɛ́ɛ biɛ Dɛnaa Lawa nɛ, ǹ nə́ koe a zii lɛ, Lawa á re barka diɛ bɛn ganaa.

Loen 34:14

yǎa ǹ dɛnaa nə n lɛ kuĩ boo baraa diɛ ganaa, a n nyɛnɛɛ soɛ nɛ.

Loen 37:27

N bɔ sii baraa wɔlɔ li, n sii bǐɛ̃ zɛnaa. N tá re giã ǹ bǎã yii gána lɛ nɛ biikoo tumaa li.

Bɔ bɛ̀rɛbaa nɛ 20:10

Sɛnɛ, lɛawaa sɔbaabaa ǹ wɔ pinaa ke, Dɛnaa lɛ, n Lawa lɛa, bɛa susu ǹ pii n ka bɛ nɛ. N din baran dí kɔ́n nya wa, n nɛnyaanan baran nya wa, a giĩdɛnan laanka a lɔdɛnan nɛ, n dí-nyalin ni, a giĩdɛnan laanka a lɔdɛnan nɛ, n tɔɔn baran nya wa, haalɛ gùli mɛn bɛ́ ka li.

Bɔ bɛ̀rɛbaa nɛ 20:8

- N *susu ǹ pii tamaa, n bɛ koa a gɔrɔn Lawa a lɛa.

Suusun 14:16

Sii-dɔ̃li n nyɛ́ɛ biɛ sii baraa nɛ a nə́ n nyɛnɛɛ nɛ. Sɛnɛ, baãnaa n woe nyɛɛnɛ, a n waa nɛ a din la.

Suusun 16:17

Min pepere nə n nyɛnɛɛ baraa nɛ. Min mɛn bɛ́ n yiri koɛ a din a giã ǹ gɔn li, a nə n nyin tamɛɛ.

Suusun 16:6

Min mɛn bɛ́ bɔlɔgoondɛnaa lɛa, a sãn tá re n toɛ nɛ. Min mɛn bɛ́ nyɛ́ɛ biɛ Dɛnaa Lawa yii ni, a nə n wɔlɔ lui sii baraa ganaa.

Suusun 4:13

N doroo mɛn yɛ, kũ sɔnbɔraanɛ, n nyan nə n la a ganaa wa. A kũ doɛ̃, a nə yii toɛ koo.

Suusun 4:27

N nyan wo n gusin hinlaa n gɔsɛ wa. N wɔlɔ lui sii baraa ganaa.

Boo-laakalaali 7:18

Á siĩni n nə n gɔn paraa bɛ lɛ ganaa, n nə n gɔn paraa bɛa doree màn paa kɛ lɛ ganaa. A giala, min mɛn bɛ́ nyɛ́ɛ biɛ Lawa nɛ, a foɛ̃ bɛa sii paa kɛ lɛ kɔn baalɛ wa.

Izayii 56:4

Sonbore, Dɛnaa Lawa n kɛ pii: «Giĩbaa bɛ́ a ba min mɛnɛn lon wa, ǹ nə́ maa susu ǹ piin koɛ, ǹ nə́ ma foo siin zɛnɛɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Izayii 56:6

Tiin mɛnɛn gɔn paraamaa bɛ́ Dɛnaa Lawa ganaa, ǹ ná a dí nyɛɛ, ǹ ná a tɔ narɛ, ǹ ná a dí-nyalin lɛa, min mɛnɛn tumaa bɛ́ susu ǹ pii koɛ sɔnbɔraa nɛ, ka bɔlɔgoondɛnaabaa nɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Izayii 58:13

Bɛ̀ n nə n piã n dí nya *susu ǹ pii pinaa wa, ma lɛawaa mɛn bɔ má koa maa wɔ lɛa, bɛ n dí nya li wa, bɛ̀ ń susu ǹ pii lɛ bíi "là nyantoro", bɛ̀ ń Dɛnaa Lawa a lɛawaa sonbore lɛ bíi "guguru kɔ ǹ lɛawaa" bɛ̀ n ná a guguru kɔ, ń dí kɔn nya li wa, bɛ̀ n pii kɔ li, n nə́ n din foo sii zɛnaa wa, bɛ̀ n liere kooro kɔ wa,

Ezekieli 20:12

Man má *susu ǹ pii dɔ koa sii a kɔnboe lɛa ǹ bii, màn mɛn bɛ́ toɛ ǹ dɔ̃, mà ma din Dɛnaa Lawa n má ǹ bɔ ma din wɔn lɛa.

Ezekieli 20:20

Ka maa susu ǹ piin lɛn koa maa wɔ lɛa. Bɛ n sii a kɔnboe lɛa, á n toɛ minin nə dɔ̃ mà masɛ Dɛnaa Lawa n kaa Lawa lɛa.

Lawa a wúlu-bɔlen 19:30

Ma lɛawaan mɛnɛn koa *susu ǹ pii lɛa, ka bɛn tamaa, ka gugurubaa wɔ maa kion kɛa sii ni. Masɛ din nə Dɛnaa Lawa lɛa.

Luku 11:28

Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»

Luku 12:43

Bɛa dí-nyali lɛ a dɛnaagiĩ a daa waáraa, bɛ̀ á daa yaa bɛ̀ á nyɛɛ miɛ̃, a wɔ na á bǐɛ̃ kɔ!

Zaã a sɛ́wɔ 13:17

Ka bɛ́ bɛ doɛ̃ kanna, ka kɔ lɛ, ka foo á re nyɛɛ.

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.