Izayii 55:3 - LAWA A BOO SONBORE

³ Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

LAWA A BOO SONBORE 2011

³ Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Izayii 55:3 ပူးပေါင်းရင်းမြစ်များ

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Samayeli2 23:5

Lawa n bɛ lɛ miã zɛnɛɛ maa kion wɔ paǹ li. A giala, á lɛ kɔ kɔn la wɔ ka masɛ nɛ yǎa duduu. A lɛ kɔ sii mɛn ganaa, bɛa sàabiɛ wa. A n lɛ kɔ ka sii mɛn nɛ, a ba bɛ bɔyɛɛ wa. Á die sii tumaa yɔrɔ boe maa kirisibaa a lɛa, màn mɛn bɛ́ toɛ, sii mɛn bɛ́ kɔɔ̃n ma ganaa bɛ nə n zɛnaa.

Samayeli2 7:29

Kanna kəni, barka da masɛ a kion minin lɛn ganaa, màn mɛn bɛ́ toɛ, ma tɔrɔn lɛn nə goã kiibaa la n din yɔrɔ-a yǎa duduu. Dɛnaa Lawa, n din bɛ́ n maa Lawa lɛa, n din bɛ́ n nə n lɛ kɔ, n din die n barka da maa kion lɛ ganaa, yǎa duduu.

KZS2 6:42

Dɛnaa Lawa, n din kii mɛn bɔ ń koa, n baran n yɔrɔ bɔ bɛ la wa. N bǐɛ̃ mɛn zɛnaa n dí-nyali Davida nɛ, n yiri gisĩ bɛ nɛ!

Loen 119:112

A tá ma gɔ́ɔ̃ nɛ, ma kɔ n foo sii boon kɛn lɛ. Maa là n ka bɛ lɛ din ni yǎa duduu.

Loen 119:175

Toa ma yii goã koo, ma loe lɔ ma n tɔ bɔ nɛ, n din a sii yɔrɔ bɔ ǹ boon kɛn nə n dɔ ma lɛ.

Loen 78:1

Asaafu a minin doroo ǹ loe n ke. Ma tɔrɔn lɛn, ka n too kɔ maa doroo ǹ boo li, ka n too naa ma lɛ gɔ́ɔ̃ ǹ boo li.

Loen 89:28

Masɛ dɔ n die a dɔ biɛ maa nɛgiĩ gole lɛa, kii lɛa, á n gole á la kanaa a kiin manɛ.

Loen 89:29

Maa kɔn-narɛɛ gole kɛ n die goɛ̃ a wɔ lɛa yǎa duduu, maa lɛ kɔ kɔn la lɛ dɔ n die goɛ̃ kɔn ka a din ni.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Suusun 4:20

Maa nɛ, n too kɔ maa boon li. N yiri kɔ maa doroon li.

Suusun 7:2

Bɛ̀ n tá li n yii goã koo, maa dí-pɛn kɛn tamaa, ka maa daraan kɛn nɛ ka gɔn màn giɔ̀mɔ kaka bɛ́ lɔn.

Izayii 51:4

Kasɛn maa zaman, ka n too kɔ ma lon! Kasɛn maa tɔrɔn lɛn, ka n too da! Ma din nə die dí-pɛn koe, ma bɛ́ re kiri mɛn kuri ka la, á re tɛ fúlu koe tɔrɔn la.

Izayii 54:10

Kelen tá boe la ǹ bìn da, tentenen tá boe la ǹ nə n zɔ̃. Sɛnɛ, kɔn-narɛɛ mɛn bɛ́ ma foo ne n wɔ paǹ li, bɛa re n bɔyɛɛ duduu wa. Ma lɛ kɔ kɔn la mɛn wɔ ka n nɛ, là nyantoro a paǹ li bɛa re bìn diɛ wa. Ma din Dɛnaa Lawa n kɛ pii n ni, maa foo basiɛ̃ gɔ́ɔ̃ nɛ.

Izayii 54:8

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Izayii 61:8

Taãn nɛ, kɔ sonborebaa lɛ n kɔɔ̃n masɛ Dɛnaa Lawa ganaa. Sɛnɛ, wurumubaa mɛn bɛ́ naa-n kɔn ka gɛ̀ dɛ nɛ, ma a golee bɛ li wa. Ma á re ka sarɛɛ ka peperebaa nɛ, ma á re lɛ kɔ kɔn la we ka ka nɛ, yǎa duduu.»

Zeremii 30:9

Sɛnɛ, maǹ die dí nyɛɛ masɛ din Dɛnaa Lawa, ǹ Lawa nɛ. Ǹ tá re dí nyɛɛ ǹ kii Davida a kion min kɛ nɛ, ma á re koɛ ǹ mìi la.»

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Zeremii 38:20

Sɛnɛ, Zeremii pɛ nɛ: «Haayii, ǹ ba re n we ǹ gɔn wa. N too kɔ Dɛnaa Lawa a boo kɛ li doɛ̃ ma á pii n ni. N sii tumaa á re bǐɛ̃ koe, n yii á re goɛ̃ koo.

Zeremii 50:5

Zii mɛn bɛ́ woe *Siɔn, ǹ tá re nɔ̀n diɛ bɛ li, ǹ nə n yɔrɔ bɔyaa ǹ dia kiwi lɛ la. Ǹ tá re die, ǹ lɛ kɔ kɔn la wɔ ka masɛ nɛ, yǎa duduu, ǹ yiri ná a boe-n duduu dɔn wa.

Ezekieli 16:60

Sɛnɛ, ma lɛ kɔ kɔn la mɛn wɔ ka n nɛ n tenmaa waáraa, ma á re n yiri koɛ bɛ li. Man die lɛ kɔ kɔn la duduu we ka n nɛ.

Ezekieli 34:24

Masɛ Dɛnaa Lawa n die ǹ Lawa biɛ, maa dí-nyali Davida n die ǹ nyɛnaandɛnaa biɛ. Ma din Dɛnaa Lawa má pɛ.

Ezekieli 34:25

«Ma á re lɛ kɔ kɔn la we ka maa tɔɔ kuru lɛ nɛ, là nyantoro wɔ paǹ li. Ma á re don màn babaraan tumaa papaɛ̃ ma ǹ bɔ gána lɛ nɛ. Ǹ tá re giɛ̃ diə gole gɔ́ɔ̃ nɛ, ǹ yiri n bǎã goon ne, ǹ tá re nyuù din we daã nɛ.

Ezekieli 37:26

Ma á re lɛ kɔ kɔn la we ka ka nɛ là nyantoro a paǹ li. Bɛ n die goɛ̃ lɛ kɔ kɔn la lɛa ka laanka masɛ bii yǎa duduu. Ma á re giã ǹ bǎã koe ka la, ma kaa zaman mɔnaa. Ma á re maa giã ǹ bǎã doe ka bii, yǎa duduu.

Lawa a wúlu-bɔlen 18:5

Ka maa landa boon laanka maa sii yɔrɔ bɔ ǹ boon kɛn si. Bɛn lɛn bɛ́ màn mɛn pii, bɛ̀ min mɛn bɛ zɛnaa, ǹ dɛnaa n yiikoonaabaa yii. Masɛ din nə Dɛnaa Lawa lɛa.

Amɔɔsi 5:4

Dɛnaa Lawa n kɛ pii Izirayeli minin manɛ: Bɛ̀ ka tá li ka yii goã koo, yǎa ka giɛ masɛ Lawa li.

Amɔɔsi 5:6

Bɛ̀ ka tá li ka yii goã koo sɛn, yǎa ka giɛ Dɛnaa Lawa li. Zozɛfu tɔrɔn lɛn, ka yiri bɔ ka dinin li, a nyan yoo ka tɛ bɛ́ lɔn, a kũ Betɛli wa. A giala, min kɔn ba re yii a nimi wa.

Matiə 11:28

«Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Matiə 13:16

Kasɛn mɛnɛn bɛ́ ka yii á wɔlɔ yii, ka too dɔ á boo miɛ, barkadɛnan man ka nɛ!

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Zaã a sɛ́wɔ 10:27

Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

Zaã a sɛ́wɔ 6:37

Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Zaã a sɛ́wɔ 7:37

Zɔ́n lɛ a nya pinaa, a din pinaa lɛ dɔ n zɔ́n lɛ a kɔɔ̃nbaa pinaa lɛa, Yezu yoo á golee lon á pɛ ka lɛn gole-n kɛnɛn: «Bɛ̀ mu boro tá min mɛn ganaa, ǹ dɛnaa da masɛ li a mu mi.

Zaã a sɛ́wɔ 8:47

Min mɛn bɛ́ Lawa wɔ lɛa, bɛa dɛnaa nə n too koe Lawa a boo li. Ka bɛ́ ka a Lawa wɔn lɛa wa, bɛ lɛ nɛ, ka a n too koe masɛ lon wa.»

Nya ǹ dín 13:34

Lawa bɛ́ a ná a yii kaa á bɔ geren bii ke, a gere ná a bɔɔ̃ duduu wa, bɛ na á n zɛnaa á kɔnpɛ ka boo kɛ nɛ á n pɛ: «Masɛ lɛ kɔ Davida la ka màn sonboren mɛnɛn nɛ, ǹ nə́ taãn-taãn dɔn, man die bɛn koe ka la.»

Rɔmu minin 10:5

Dí-pɛn bɔlɔ-sii bɛ́ toɛ, Lawa lɛ kɔ min-a lɔn min pepere lɛa, Muizu sɛ́wɔ kiɛ̃ bɛ wɔ gɔn la á pɛ: «Min mɛn bɛ́ dí-pɛn bɔlɔ sii, a tá ǹ sii zɛnɛɛ, bɛa dɛnaa á re yiikoonaabaa yii bɛn taman yii.»

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,