Izayii 55:2 - LAWA A BOO SONBORE

² Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

LAWA A BOO SONBORE 2011

² Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Izayii 55:2 ပူးပေါင်းရင်းမြစ်များ

Loen 22:26

Dɛnaa Lawa, n din a bǐɛ̃baa na á toa, ma á n tɔ boe zaman gole kɛ bii. Man lɛ kɔ n la ka wúlu mànan mɛnɛn nɛ, ma á re bɛn koe n la n nyɛ́ɛbaama-n wolen yɔrɔ-a.

Loen 34:11

Yàra tenən dinin laadoo siin tan, bòo tá ǹ kuĩ. Sɛnɛ, min mɛnɛn bɛ́ giɛ Dɛnaa Lawa li, màn kɔn ba re nyaabiɛ bɛn ganaa wa.

Loen 36:8

Lawa, n bǐɛbaa gole lɛ á siĩni. Minbuiinin man kiɛ n din nyaa giulun.

Loen 63:5

Man die barka diɛ n nɛ maa yiikoonaabaa tumaa gɔ́ɔ̃ nɛ. Man die ma gɔnɔn goɛ lon, ma n din nyankɔ.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Suusun 1:33

Sɛnɛ, bɛ̀ min mɛn nə n too kɔ ma lon, bɛa dɛnaa á re goɛ̃ yii-nyɛɛ gɔ́ɔ̃ nɛ, kiĩn ni a ná a ba nyɛ́ɛ biɛ koe-n wa.

Suusun 7:23

yǎa bɛ̀ gɔn dɔ a ganaa ǹ mɛn waáraa, a n gɛ̀ bɔlɔ pii. A n ka bàan nə́ ke n nanaɛ̃ lɔn woe n doe zɔ̀ɔ nɛ, a ná a ba doɛ̃ mà nyin nya ǹ bǎã-n wa.

Suusun 8:32

Kanna kəni maa nɛnyaanan lɛn, ka n too kɔ ma lon. Ma bɛ́ boo mɛn diɛ, min mɛnɛn bɛ́ n too koe bɛ li, bɛn foo á re kɔɔ̃n koe.

Suusun 9:5

«Ka da màn bii, ka duvɛ̃ mi.

Boo-laakalaali 6:2

Min nə ke, Lawa naforo kɔ la, ka gɔn màn laanka yii gugurubaa nɛ. Màn woo màn sii tá a ganaa, bɛ kɔn wɛɛ̃ ba a ganaa wa. Sɛnɛ, Lawa na a bii ǹ lɛ kɔ la wa, a giala min kɔsɔ n die bii. Bɛ dɔ giala banban, a n koe sii kaka lɛa.

Izayii 1:19

Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Izayii 10:27

Bɛa pinaa kɛ nɛ, guĩ mɛn bɛ́ n kɔrɔn, á re bɛ siɛ a bɔ n la. N zǔu lɛ á re yiɛ, a giala n tá re wusii n pàã yɛ.

Izayii 25:6

*Siɔn kele la, Dɛnaa Lawa Pàãyiidɛnaa á re màn-bii zɛnɛɛ tɔrɔn tumaa wɔ lɛa, siĩ nyɔɔnaa n la, ka duvɛ̃ kɔɔ̃n nɛ. Siĩ nyɔɔnaa basiɛ̃ n la ka duvɛ̃ sonbore ne.

Izayii 44:20

Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»

Izayii 46:6

Min tɛnɛn man sana gigiã wɛɛ ǹ lon, maǹ wɔrɔ zoɛ̃ kilo la. Maǹ pii sana-yoli ni, mà a dì zɛnaa a kɔ ǹsɛn la. Bɛ kio, maǹ kiɛ tán dì lɛ yɔrɔ-a, ǹ na a guguru kɔ.

Izayii 51:1

Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.

Izayii 51:4

Kasɛn maa zaman, ka n too kɔ ma lon! Kasɛn maa tɔrɔn lɛn, ka n too da! Ma din nə die dí-pɛn koe, ma bɛ́ re kiri mɛn kuri ka la, á re tɛ fúlu koe tɔrɔn la.

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Izayii 62:8

Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Izayii 62:9

Sɛnɛ, min mɛnɛn bɛ́ re belee lɛ goɛ, ǹ dininmaan man die bii bɛ̀ ǹ tá Dɛnaa Lawa tɔ boe ka loe ne. Min mɛnɛn bɛ́ re rezɛ̃ lɛ niɛ̃, maǹ die duvɛ̃ mii maa kion sonbore kɛa sumu-n.»

Izayii 65:23

Ǹ ba re nɔmaa we kooro wa. Ǹ ba re nɛnyaanan yii ǹ nə ǹ kaa kanaa, ǹ nə́ giɛ ǹ ganaa giɛ̃ wa. A giala, ǹ dinin laanka ǹ nɛnyaanan man tɔrɔn lɛa má barka da ǹ ganaa.

Zeremii 12:13

Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Zeremii 17:24

Dɛnaa Lawa a da ǹ boo á ke: «Sɛnɛ kasɛn, ka n too kɔ ma lon taãn nɛ. *Susu ǹ pii pinaa, ka nyan bɔ ka guĩ kɔ́n nɛ kiwi lɛ a kiɛnlɛn nɛ wa. Ka bɛa lɛawaa lɛ koa masɛ wɔ lɛa, ka nyan dí kɔ́n nya wa.

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 31:14

Ma á re siĩ nyɔɔnaa gigiã koe Lawa a wúlu-bɔlen la, ma màn sonbore gigiã kɔ maa zaman la. Dɛnaa Lawa a da ǹ boo ne.

Ozee 12:1

Efrayimu ma lɛnpɛnɛ ka soɛ nɛ, Izirayeli a zaman ma lɛnpɛnɛ ka siɛ̃ nɛ. Sɛnɛ Zudaa a tɔn tɔ we kun ka Lawa nɛ, á pepere min sonboren bii.

Ozee 8:7

Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Abakuku 2:13

Á ke, minbuiin nɛn dí tumaa n die n gɔn nyɔmiɛ tɛ-n. Minbuiin nɛn man nɔmaa kooro we. Bɛ tumaa bie boe Dɛnaa Lawa Pàãyiidɛnaa din li wa?

Matiə 15:9

Maǹ ma guguru koe kooro, a giala, maǹ minbuiinin dí-pɛn siɛ ǹ tá ǹ biɛ Lawa a dí-pɛn lɛa, bɛ̀ ǹ minin daraa ǹ ganaa.»

Matiə 22:4

Á wusoo á dí-nyali kɔsɔn dia, mà ǹ wo pɛ ǹ nɛ: «Á ke, man má màn-bii gole zɛnaa, má maa dii gɔ̀lɔ̀n laanka maa tɔɔ nyɔɔnaan dɛ, sii din tumaa nə́ n yɔrɔ bɔ á nya. Ka da kɔn wɔ ǹ màn bii.»

Matiə 5:6

Min mɛnɛn bɛ́ peperebaa boro laanka bòo nə́ ǹ ganaa Lawa á re barka diɛ bɛa dɛnan ganaa, a giala Lawa á die toɛ ǹ kã.

Marki 7:14

Yezu wusoo á lɛ dia zaman lɛ la á pɛ ǹ nɛ: «Ka dinin tumaa nə n too kɔ, ka masɛ a boo kɛ ma.

Luku 15:23

Ka da ka diin nɛ kurunkurun kɛ nɛ, ka dɛ, wɔ màn bii kun ka nyɛnyɛɛ nɛ.

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Rɔmu minin 10:17

Bɛa yɔrɔ kɛ lɛ la, minin laan mà ǹ golee Dɛnaa li, yǎa ǹ boo miɛ. Ǹ doamaa bɛ́ nɛ, ǹ boo mɛn ma, Krita din a boo kɛ nɛ.

Rɔmu minin 9:31

Sɛnɛ, Izirayeli minin bɛ́ ǹ nə́ goã giɛ peperebaa li dí-pɛn gɔ́ɔ̃ nɛ, bɛn nə dɔ dí-pɛn lɛn zɛnaa ǹ mìi ganaa wa.

Timəə dí-pɛn 11:13

Ma bɛ́ gɔn waa ǹ boon mɛnɛn koe ka la pelo, bɛ̀ ka n too kɔ bɛn li doɛ̃ sɛn, ká kaa Lawa, Dɛnaa Lawa narɛ ká dí nya nɛ ka ka foo tumaa nɛ, ka ka gɔ́ɔ̃ tumaa nɛ,

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.