Izayii 55:11 - LAWA A BOO SONBORE

¹¹ A ke, a din goon ne, boo mɛn bɛ́ soe ma lɛ-n, a ba n bɔyɛɛ a da ma li bɛ̀ a ná a sii zɛnaa wa. A n ma dùũ sii zɛnɛɛ. Ma dín mɛnɛn kɔ la, a n bɛn zɛnɛɛ.»

LAWA A BOO SONBORE 2011

¹¹ A ke, a din goon ne, boo mɛn bɛ́ soe ma lɛ-n, a ba n bɔyɛɛ a da ma li bɛ̀ a ná a sii zɛnaa wa. A n ma dùũ sii zɛnɛɛ. Ma dín mɛnɛn kɔ la, a n bɛn zɛnɛɛ.»

Izayii 55:11 ပူးပေါင်းရင်းမြစ်များ

Izayii 40:8

Buu n laɛ, dà buu n bɛbɛnɛ. Sɛnɛ, wɔa Lawa a boo na a tan yǎa duduu.»

Izayii 45:23

Ma nə n liɛ ka maa Lawa baa nɛ, boo mɛn bɛ́ soe ma lɛ-n sonbore ne, boo lɛa a ná a ba n bɔyɛɛ wa: Minbuiin nɛ tumaa n die kiɛ tán ǹ musin la ma yɔrɔ-a, ǹ nə n liɛ ǹ pɛ:

Izayii 46:10

A kũ kanaa giala kɔ waáraa ganaa, sii mɛn bɛ́ re n zɛnɛɛ, man bɛ pii. Sii mɛn bɛ́ a tɔ nə n zɛnaa wa, man siɛ lɛlɛ ma bɛ pɛ. Man pii: Ma siin mɛnɛn koa ma yɔrɔ-a, bɛn man yɔrɔ yii. Sii mɛn tumaa bɛ́ kɔɔ̃n ma ganaa, man bɛ zɛnɛɛ.

Izayii 53:10

Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Izayii 54:9

Man die sii zɛnɛɛ ka Nowee a waáraa bɛ́ lɔn. Má goã má lɛ-kɔ wɔ máa mu á re tán bii doo wa. A din goon ne, man lɛ kɔ we pelo, máa ma foo á re yui n li doo duduu wa, máa ma a re parɛɛ n li doo wa.

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Zeremii 1:11

Dɛnaa Lawa boo da ma nɛ, á pɛ: «Zeremii, n yii n wàa ganaa?» Má a lɛ si: «Ma yii n amandie da gùrù ganaa, da mɛn lɛ yii bɛ́ fuu nɛ kɔ li.»

Zeremii 1:12

Dɛnaa Lawa pɛ ma nɛ: «N yɛ parɛ! Bɛ n nyɛɛ mà ma á re maa da ǹ boo kɛ lɛ piɛ̃ fufuu.»

Zeremii 1:13

Ka a paabaa ǹ wɔ nɛ, Dɛnaa Lawa boo da ma nɛ, á pɛ: «Kanna kəni, n yii n wàa ganaa?» Má a lɛ si kɛnɛn: «Ma yii n donkolon ganaa pipi, a lɛ n kanaa nɛ dia-n gɔsɛ a lɛ̀gɔn la.»

Zeremii 23:20

Dɛnaa Lawa sii mɛn yɔrɔ bɔ á koa a yɔrɔ-a, yǎa bɛ lɛ piɛ̃, a foo-yoo baraa kɛ tɔn golee. Bɛ kio, ka á re a giala miɛ.

Zeremii 25:13

Ma koen mɛnɛn tumaa boo da, kɛn kiɛ̃ nɛ sɛ́wɔ kɛ nɛ, man die bɛn diɛ gána lɛ mìi ni. Ma din a boo gii ni Lawa a boo gii-dali Zeremii pɛ tɔrɔn tumaa wɔ lɛa.

Ezekieli 24:14

Ma din Dɛnaa Lawa má pɛ. Man die zɛnɛɛ dɔn, màn ná a ba n boe lɛ wa. Ma á re makara boe n ganaa wa, ma a re wusii ka ma kio dɔ-n wa. Ǹ tá re kiri we ka ganaa a kɔnpɛ ka kaa tɔ wɔ ǹ gɔn laanka kaa zɛnaa ǹ siin ni. Ma din Dɛnaa Lawa a da ǹ boo ne.

Amɔɔsi 6:11

Sonbore, á ke: Bɛ̀ Dɛnaa Lawa boo da, kion dadaran kɛn man kiɛ. Kion bisinin kɛn man pupuri.

Zakarii 1:6

A da yaa ma boo laanka gɔn waan mɛnɛn kɔ maa dí-nyalin, Lawa a boo gii-dalin la, máa ǹ pɛ ǹ nɛ, á dɔ ǹ li ǹ nə́ golee li. Ǹ nə́ ǹ giã ǹ gɔn bɔyaa, ǹ nə́ pɛ: Dɛnaa Lawa Pàãyiidɛnaa na á golee li mà a n die wɔ kuĩ wɔa giã ǹ gɔn li ka wɔa sii zɛnaan nɛ. A na á bɛ lɛ zɛnaa.»

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Zaã a sɛ́wɔ 6:63

Lawa a Yiri Fu n yiikoonaabaa koe; minbuiin nɛ a boe la a sii kɔ́n bǐɛ̃ kɔ bɛ gɔ́ɔ̃-n wa. Ma boon mɛnɛn pɛ ka nɛ, maǹ boe Lawa a Yiri Fu ni, bɛa boon lɛn man yiikoonaabaa koe.

Rɔmu minin 10:17

Bɛa yɔrɔ kɛ lɛ la, minin laan mà ǹ golee Dɛnaa li, yǎa ǹ boo miɛ. Ǹ doamaa bɛ́ nɛ, ǹ boo mɛn ma, Krita din a boo kɛ nɛ.

Korɛnti1 1:18

Sonbore, min mɛnɛn bɛ́ papaɛ̃, Krita a gã dere ǹ gɔn ganaa boo kɛ n gàãnaabaa lɛa bɛn yii li. Sɛnɛ, wɔsɛn mɛnɛn bɛ́ kirisibaa ǹ zii la, a n Lawa a pàãyiidɛnaabaa lɛa wɔsɛn yii li.

Timəə dí-pɛn 32:2

Maa doree kɛ n kiɛ ka la bɛ́ lɔn, maa boo kɛ n gisĩ ka pele bɛ́ lɔn, ka la gole bɛ́ lɔn kiɛ wuru-n, ka kaasuun bɛ́ lɔn buu ganaa.

Tesaloniki1 2:13

Wɔ dɔn barka da Lawa-n baraabaraa mìi n ke doo. Wɔ bɛ́ wɔ́ Lawa a boo mɛn pɛ ka nɛ, ka n ká n too kɔ a ganaa, ká si, ka bie ká si minbuiinin boo lɛa wa, sɛnɛ, ka n ká si Lawa a boo lɛa. A n bɛ lɛ lɛa taãn-taãnɛ, a din lɛ n dí nyɛɛ kasɛn golee Lawa li wolen lɛn foo ne.

Ebrəə 6:7

La mɛn bɛ́ nɛn bɛ̀ a kaa, bɛ̀ tán mɛn tá bɛa mu kɛ mii, á n da sonboren boe koe a kɔsiɛ wolen la, Lawa n barka we bɛa tán lɛ nɛ.

Zaaki 1:18

A na á kɔɔ̃n kɔ Lawa ganaa, a yiikoonaabaa dii kɔ wɔ la ka boo sonbore kɛ barka nɛ, màn mɛn bɛ́ toɛ, a bɛ́ re min kɔsɔn mɛnɛn dɔn yii miɛ̃, wɔ bɛn nyɛɛnaandɛnan baa.

Piɛrɛ1 1:23

Sonbore, ka ǹ ká yɛ gunyin paa, ka bie ka yɛ díi gã wolen la doo wa, ka ǹ ká yɛ díi kɔ́n la, a n màn tɔrɔ gãbaã wole lɛa, bɛ n ka Lawa a boo yiikoonaa kɛ nɛ, a kiɛ̃ duduu wa.

Samayeli1 3:19

Samayeli bɛ́ gole koe woe, Dɛnaa Lawa goã kun ni, a boon lɛn kɔn goã kooro, lɛ-pã baã wa.