Izayii 55:1 - LAWA A BOO SONBORE

¹ «Mu boro bɛ́ kasɛn mɛnɛn tumaa ganaa, ka daa! Mu á ke! Ka daa, ta wɔrɔ ba ka lon wa! Ka màn-bii pii ka bii, kooro ne! Ka daa, ta wɔrɔ ba ka lon wa, ka duvɛ̃ laanka bɔ̀nyaa pii!

LAWA A BOO SONBORE 2011

¹ «Mu boro bɛ́ kasɛn mɛnɛn tumaa ganaa, ka daa! Mu á ke! Ka daa, ta wɔrɔ ba ka lon wa! Ka màn-bii pii ka bii, kooro ne! Ka daa, ta wɔrɔ ba ka lon wa, ka duvɛ̃ laanka bɔ̀nyaa pii!

Izayii 55:1 ပူးပေါင်းရင်းမြစ်များ

Loen 143:6

Ma gɔn nə n din la, ma tá n nyankoe. N sii n ma ganaa, ka mu boro bɛ́ tán gere kuĩ lɔn. *Doa

Loen 63:1

Davida a loe, bɛ̀ a bɛ́ don sabii Zudaa gána nɛ.

Suusun 8:4

«Kasɛn minbuiin nɛn, man ka dinin bíi we. Man boo diɛ ka dinin tumaa nɛ.

Suusun 9:1

Sii-doɛ̃ bìbì sɔbaa dɔ, a ná a kion dɔ.

Suusun 9:5

«Ka da màn bii, ka duvɛ̃ mi.

Loe kɔɔ̃n kɔɔ̃n 1:2

N sɔɔ ma nɛ, n sɔɔ ma-n kəni. A giala n kɔn-narɛɛ lɛ á soɛ duvɛ̃ nɛ,

Loe kɔɔ̃n kɔɔ̃n 1:4

Ma kũ n ma da n kio, wɔ baa si. Ma n maa kii lɛa, ma kũ n wo ma nɛ n waa ǹ kion, n wɔ dinin paanan kaa nyɛnyɛɛ li, n wɔ foo kɔɔ̃n kɔ. N kɔn-narɛɛ ke a soɛ duvɛ̃ nɛ. Sonbore tá nɛnɛn lɛn lon, ǹ nə n narɛ.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Izayii 1:19

Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Izayii 52:3

Dɛnaa Lawa bɛ́ boo mɛn diɛ, á ke: «Maǹ nə́ goã ǹ nə́ ka sã bɛ̀rɛn lɛa kooro. Ǹ tá re wusii ǹ ka mìi bɔ wɔrɔ ná a ba a-n wa.»

Busii pɛ 5:4

Wɔ n wɔrɔ boe mu ganaa, wɔ tɔ n yɛ wɔ mi. Wɔ n gɔn pii, wɔ tɔn tɛ koa nɛ.

Ezekieli 47:1

Bɛ kio, giĩ lɛ wusoo á daa ka ma nɛ Lawa a kion lɛ a wɔ ǹ kiɛnlɛ kɛ lɛ-a. Ma bɛ́ giɛ, bɛ̀ mu á ke soe Lawa a kion lɛ a kiɛnlɛ giulun, lɛ̀giala gɔn la. A giala, kion lɛ yɔrɔ na á goã dia-n lɛ̀giala la. Mu lɛ na á goã baa sii woe kion lɛ a gusin a lɛ̀gɔn la, á n kiɛ̃ *wúlu bɔ ǹ bǎã kɛa gusin a lɛ̀gɔn la.

Ezekieli 47:9

Bɛa biikoo li, màn yiikoonaa mɛn tumaa bɛ́ bìn diɛ, mu lɛ bɛ́ re kiɛ bǎã woo bǎã nɛ, bɛn tá re ǹ yiikoonaabaa zɛnɛɛ walan. Bɛ̀ á n baa miɛ̃, zɔ̀ á re mɔnɛɛ parsiini, a giala, mu lɛ bɛ́ re kiɛ yìsi mu lɛ li, a n die bɔyɛɛ a baa mu sonbore lɛa. Mu lɛ bɛ́ re doe bǎã woo bǎã nɛ, yiikoonaabaa á yii walan.

Ozee 14:4

Asiirii a boe la a wɔ kirisibaa wa, wɔ a re dii sùin la wa. Wɔ dinin gɔnɔn nə mànan mɛnɛn zɛnaa, wɔ a re pii bɛn man doo: "wɔa Lawa" wa. A giala nɛ toen nə kiɛ n din yele.

Zakarii 10:7

Efrayimu minin foo n die tã koe, ka zia-baali zanbian bɛ́ lɔn. Ǹ foo n die kɔɔ̃n koe, ka maǹ nə́ duvɛ̃ mi. Ǹ nɛnyaanan tá re bɛ yii, maǹ die goɛ̃ ǹ foo n kɔɔ̃nɛ, ǹ nə n nyɛnyɛɛ Dɛnaa Lawa taman yii.

Zakarii 2:6

Má nɔ̀n da la má a n woe maa. Á ma lɛ si mà asɛ n woe Zeruzalɛmu zoɛ̃, asɛ na a pəməbaa laanka a sasabaa dɔ̃.

Zakarii 9:15

Dɛnaa Lawa Pàãyiidɛnaa á re a zaman tamɛɛ. Ǹ tá re boe ǹ zɔ́ɔn la, ǹ nə ǹ baragii kɔlɔn yɔyɔrɛ. Ǹ tá re màn mii, ǹ bìn diɛ gole wɔ ka yɔ bɛ min yii ganaa lɔn. Ǹ tá re piɛ̃ ka *wúlu màn mà bɛ́ lɔn paan nɛ, hinlaa ka mà mɛn bɛ́ ǹ kaa *wúlu bɔ ǹ bǎã karan ganaa.

Matiə 10:8

Ka busulən busu nya, ka geren yii kaa, ka gɔ̀nɔn busu babaraa dɛnan busu nya, ka nɔ̀ɔnɔn loo ka ǹ bɔ minin ganaa. Ka n ka yɛ kooro, ka dɔn nə kɔ kooro.

Matiə 13:44

«Lawa a kiibaa lɛ n kɔnboe ka gɔn màn durii kɔ́n nɛ wuru-n. Giĩ goon nə́ woo n mìi na bɛa gɔn màn lɛ ganaa, á wusoo á saa á duru. A foo kɔɔ̃n kɔ á la yii ni, yǎa á woo n gɔn màn din tumaa sã á n bɔyaa á daa bɛa wuru lɛ pii.

Matiə 26:29

Man pii ka nɛ, sonbore: A kũ sisia ganaa, ma a bɛa duvɛ̃ lɛ mii doo wa, yǎa maa Díi *Lawa a kiibaa ǹ bǎã nɛ, ma bɛ́ re duvɛ̃ dii mii kun ka nɛ ǹ mɛn pinaa.»

Matiə 5:6

Min mɛnɛn bɛ́ peperebaa boro laanka bòo nə́ ǹ ganaa Lawa á re barka diɛ bɛa dɛnan ganaa, a giala Lawa á die toɛ ǹ kã.

Nya ǹ dín 8:20

Sɛnɛ, Piɛrɛ ná a lɛ si: «N bɛ́ ń taasɛ mà n tá boe la, n Lawa a bǐɛ̃ sonbore kɛ pii ka wɔrɔ nɛ, n laanka n wɔrɔ tumaa bɔ̀n baa kun.

Rɔmu minin 3:24

Sɛnɛ, Lawa makara bɔ ǹ ganaa, á wusoo á lɛ kɔ ǹ ganaa. Bɛ n bǐɛ̃baa ǹ màn gole lɛa á kɔ kooro. Á wɔ bɔ sii baraa pàã giulun, ka Yezu Krita barka nɛ.

Korɛnti1 3:2

A n goon ka man má bɔ̀nyaa kɔ ka la ká mi, ka ma bie má màn-bii kəkə kɔ ka la wa. A giala, mà ka a boe la, ka tá a kuubaa sii ka ganaa wa. Haalɛ tɔn pelo, ka a boe la ka tá a kuubaa sii ka ganaa wa.

Piɛrɛ1 2:2

Ka n baa ka nɛnyaan tiɛɛ̃nɛn bɛ́ lɔn, ǹ bɛ́ giɛ nyɔ li lɔn, ka dɔn nə ga Lawa a boo sonbore kɛ li miɛ̃, màn mɛn bɛ́ toɛ, ka gole kɔ bɛa boo lɛ barka nɛ, ka wo dɔ kirisibaa ganaa.

Sii-nyaan 21:6

Á tɔ́n pɛ doo kəni: «Màn tumaa nə́ n zɛnaa. Masɛ din nə bibinaa lɛa, masɛ din nə giala-nyɔmɔɔ dɔ lɛa, giala-kɔ nɛ ká a nya ǹ bǎã nɛ. Bɛ̀ mu boro tá min mɛn ganaa, mu mɛn bɛ́ yiikoonaabaa ǹ mu yala-n, masɛ á re bɛ koe la a mi kooro.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.

Sii-nyaan 3:18

Bɛ lɛ nɛ, ma á yiri koe n la: Bɛ̀ n tá zoɛ̃ mà n pàãma baa min sonborebaa gɔ́ɔ̃ nɛ, sana mɛn bɛ́ ǹ ná a *yoreen kɔ ka tɛ nɛ, da bɛ pii ma din lon n tɔn pàãma baa. Da mɔnaa fufun pii ma lon n wɔ n ganaa, n nə n tontoro a sìi kɛ duru ni. Dagòã pii n lɔ n yiin ganaa, ǹ tɔn wɔlɔ yɛ.

Uruti 4:1

Boazi woo sii yɔrɔ bɔ ǹ bǎã nɛ, kiwi lɛ a kiɛnlɛ-a á giã tán walan. Á ke, Boazi goã á giĩ mɛn boo da mà Uruti a sii n doe a ganaa, bɛ daa kiɛ̃. Boazi lɛ dia la ka koee á pɛ: «Min kɛ, n zɔ̃ n dɔ, n giã tán kànaa.» Á n zɔ̃ á dɔ á giã tán.