Izayii 54:8 - LAWA A BOO SONBORE

⁸ Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

LAWA A BOO SONBORE 2011

⁸ Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Izayii 54:8 ပူးပေါင်းရင်းမြစ်များ

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Loen 103:4

A n ma sii gɛ̀ la. A n kɔn-narɛɛ gole laanka makara-doɛ̃ nyɛɛ ma nɛ.

Loen 13:1

LOE-saalin goledɛnaa loe mɛn lɔ. Davida a loe.

Loen 27:9

N baran n duru ma la wa. N din a dí-nyali n ka masɛ nɛ, n foo baran yoo, n ma loo wa. N din nə maa dɔmalɛ wole lɛa. N baran n bɔ ma li wa, n baran ma toa walan wa. Lawa, n din nə ma kirisibaali lɛa.

Loen 30:5

Lawa a min sonboren lɛn, ka loe lɔ ka Dɛnaa Lawa tɔ bɔ nɛ. Ka a tɔ bɔ, bɛ̀ ka tá a siĩnbaa kɛ pii.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 26:20

Maa zaman, wo piɛ, n nə n kiɛnlɛn tã n kio. N duru boɛɛnɛ, n toa Dɛnaa Lawa a foo-yoo kɛ kiɛ̃.

Izayii 40:27

Izirayeli, wàa na á baa n tá boo diɛ, Zakɔba wàa na á baa n tá gungunun sii, n nə́ pii: «Maa biɛ̃ ǹ ke, Dɛnaa Lawa yii ba bɛ ganaa wa. Ma kɔnbɔ ka sii mɛn nɛ, maa Lawa yii ba bɛ ganaa wa.»

Izayii 45:15

Izirayeli a Lawa, ma n Lawa lɛa n durii, sɛnɛ, ma n minin kirisibiɛ.

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Izayii 48:17

Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.

Izayii 49:10

Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

Izayii 49:13

Lon, n gɔn dɛ! Tán, nsɛ nə n nyɛnyɛɛ! Kelen lɛn, ka foo kɔɔ̃nbaa ǹ lɛ dɛ! A giala, Dɛnaa Lawa n wusii a zaman lɛ foo doɛ. A n makara boe nɔmaa-wɔlen ganaa.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 54:10

Kelen tá boe la ǹ bìn da, tentenen tá boe la ǹ nə n zɔ̃. Sɛnɛ, kɔn-narɛɛ mɛn bɛ́ ma foo ne n wɔ paǹ li, bɛa re n bɔyɛɛ duduu wa. Ma lɛ kɔ kɔn la mɛn wɔ ka n nɛ, là nyantoro a paǹ li bɛa re bìn diɛ wa. Ma din Dɛnaa Lawa n kɛ pii n ni, maa foo basiɛ̃ gɔ́ɔ̃ nɛ.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Izayii 60:10

Tiin man die n kungɔnɔn kɛn doe, ǹ kiin nə dí nya n nɛ. Maa foo yoo gɔ́ɔ̃ nɛ, má dɔlɔ bɔ n ganaa. Sɛnɛ, maa makara-doɛ̃ taman yii, man maa kɔn-narɛɛ nyɛɛ n nɛ.

Izayii 63:7

Man ka yiri gisĩ Dɛnaa Lawa a bǐɛ̃ nɛ, ka sii mɛnɛn bɛ́ re ka diɛ a tɔ laakalaa ganaa: A sii mɛn tumaa zɛnaa wɔ nɛ, a bǐɛ̃ gole mɛn baa Izirayeli a zaman nɛ, a màn mɛn tumaa zɛnaa a kɔn-narɛɛ gole kɛ gɔ́ɔ̃ nɛ, ka a bǐɛ̃ damata kɛ nɛ á zɛnaa.

Izayii 64:7

A da yaa Dɛnaa Lawa, n din ni wɔa díi lɛa. Wɔsɛn man gì lɛa, nsɛ n dɔn-bɔle lɛa. N din nə n wɔ tumaa zɛnaa.

Izayii 8:17

Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la.

Zeremii 31:3

Zaman lɛ na á goã pii: «Dɛnaa Lawa nə́ n din nyaa wɔ nɛ tiã lɛ-a.» Ǹ lɛ si kɛnɛn: Man ka narɛ ka kɔn-narɛɛ nɛ, kɔn-narɛɛ mɛn nə́ ke a nyɛɛ duduu wa. Bɛ lɛ nɛ, ma á n gɔn parɛɛ ka ganaa.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Zeremii 51:5

A giala, gána lɛ piɛ̃maa-n ka sii baraa nɛ Izirayeli a Lawa sonbore lɛ yɔrɔ-a. Sɛnɛ, Dɛnaa Lawa Pàãyiidɛnaa Izirayeli laanka Zudaa toa walan wa.

Ezekieli 39:29

Ma á re ma din Yiri kɛ koe Izirayeli tɔrɔn la, ma a re n yɔrɔ bɔyɛɛ ma bɔ ǹ la doo wa. Ma din Dɛnaa Lawa a da ǹ boo ne.»

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.

Zakarii 1:15

Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.

Zakarii 1:16

Bɛ lɛ nɛ masɛ Dɛnaa Lawa á ke pii: Man die wusii man bɔyaa ma wo Zeruzalɛmu li ka foo basiɛ̃ nɛ, ma màn zɔɔ̃ ǹ biɛ da li. Ka bɛ nɛ, ǹ tá re wusii ǹ maa kion dɔ, ǹ wusoo ǹ maa kiwi lɛ dɔ.» Dɛnaa Lawa a da ǹ boo ne.

Zakarii 10:6

Ma á re Zudaa a zaman foo kaka koe, ma Zozɛfu a zaman kirisibaa. Ma á re wusii ma da ǹ nɛ piɛ, a giala, ǹ makara ma kũ. Maǹ die n biɛ ka ma bie má goã má n la bɔ ǹ ganaa wa. Hiĩ, ma din nə Dɛnaa Lawa, ǹ Lawa lɛa, ma á re ǹ nyankɔ lɛ sii.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Timote1 1:16

Sɛnɛ, bɛ̀ Lawa makara bɔ masɛ sii baraa zɛnaali gole kɛ ganaa, a n li mà Yezu Krita na a sii simaa tumaa nyaa masɛ wɔ a paǹ li. A na á masɛ lɛ baa sii a kɔnboe lɛa, màn mɛn bɛ́ toɛ, min mɛnɛn bɛ́ re golee li, ǹ nyin nyabaã yɛ.