Izayii 54:6 - LAWA A BOO SONBORE

⁶ N foo na á goã ziziɛ̃-n taãn-taãnɛ, ka lɔ mɛn bɛ́ ǹ nə́ n la bɔ a ganaa. Sɛnɛ, Dɛnaa Lawa lɛ dia n la. Hiĩ, n Lawa n kɛ pii n ni: Min tá boe la sonbore a na a tɔntɔraabaa waáraa lɔ loo?

LAWA A BOO SONBORE 2011

⁶ N foo na á goã ziziɛ̃-n taãn-taãnɛ, ka lɔ mɛn bɛ́ ǹ nə́ n la bɔ a ganaa. Sɛnɛ, Dɛnaa Lawa lɛ dia n la. Hiĩ, n Lawa n kɛ pii n ni: Min tá boe la sonbore a na a tɔntɔraabaa waáraa lɔ loo?

Izayii 54:6 ပူးပေါင်းရင်းမြစ်များ

Suusun 5:18

Toa n foo kɔɔ̃n kɔ kun ka n tenmaa waáraa lɔ kɛ nɛ.

Boo-laakalaali 9:9

N yiikoonaabaa lɛawaan kɛn lɛn mìi ná a ba la wa, Lawa nə́ ǹ kɔ n la kanaa, bɛn tumaa gɔ́ɔ̃ nɛ, n bɛ́ lɔ mɛn narɛ, toa n nə n dùũ bɔ kanaa kun ka bɛ nɛ. A giala, n wɔ gii n ka bɛ lɛ nɛ, dí kɛ gɔ́ɔ̃ nɛ n tá nyɛɛ kanaa.

Izayii 62:4

Ǹ ba re n bíi doo mà «Kiwi mɛn bɛ́ ǹ nə́ n la bɔ a ganaa» wa. Ǹ ba re n gána kɛ bíi doo mà «Kɛbɔlɔ» wa. Sɛnɛ, maǹ die n bíi «min mɛn bɛ́ kɔɔ̃n Dɛnaa Lawa ganaa.» Ǹ tá re n tán bíi: «Kɔn-wɔle sonbore.» A giala, n tá re kɔɔ̃n koe Dɛnaa Lawa ganaa, n tán lɛ dɔ á re zuũ yii.

Zeremii 30:17

Nsɛ mɛn bɛ́ ǹ nə́ goã n bíi "màn kooro" *"Siɔn mɛn bɛ́ laadoo ba a ganaa wa", ma á re n busulɛn nyɛɛ ma n kaka kɔ. Masɛ Dɛnaa Lawa a da ǹ boo ne.

Ozee 2:19

Dì Baali tɔn kɛn, ma a re toɛ bɛn kɔn soo n lɛ-n doo wa. Min kɔn din yiri a die goɛ̃ ǹ tɔn nɛ doo wa.

Malakii 2:14

Ka n nɔ́n diɛ ma wàa na a baa a ba ǹ li wa? A giala, Dɛnaa Lawa na á siére baa ka bii ka kaa tɔntɔraabaa waáraa lɔ kɛ nɛ, ka sã ka tii. A din lɛ-n ka gòã li ǹ lɔ lɛa, ka n doa n kɔn nɛ.

Matiə 11:28

«Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.