Izayii 54:5 - LAWA A BOO SONBORE

⁵ A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

LAWA A BOO SONBORE 2011

⁵ A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Izayii 54:5 ပူးပေါင်းရင်းမြစ်များ

Zɔbu 19:25

Masɛ á doɛ̃ máa maa bɔ sii-n wole lɛ yii á koo. A din nə die yui a golee, a boo giala nyɔmiɛ̃ da.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 43:14

Dɛnaa Lawa, kaa si sii la wole, Izirayeli a Lawa sonbore n kɛ pii: «Ka dinin taman yii, man die min diɛ *Baabilonii. Kiɛnlɛ-a ǹ goon mɛnɛn bɛ́ kiwi lɛ tamɛɛ, man die bɛn woɛ̃. Baabilonii minin li, foo kɔɔ̃n lɛ-dɛ á re n bɔyɛɛ a gɛ̀ loe baa.

Izayii 45:11

Dɛnaa Lawa, Izirayeli a Lawa sonbore n kɛ pii, asɛ mɛn na a zaman zɛnaa: Ka n zoɛ̃ li ka nɔ̀n da ma la ka biɛ̃ ǹ siin ni? Ka dí-pɛn kɔ ma la maa nɛnyaanan wɔ paǹ li? Hinlaa ma mànan mɛnɛn zɛnaa ka ma gɔn nɛ ka ǹ nɔ̀n diɛ bɛ nɛ?

Izayii 48:17

Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.

Izayii 48:2

A da yaa, ka nə n dinin bíi "kiwi sonbore a minin". Ka nə n doɛ Izirayeli a Lawa ganaa, asɛ mɛn tɔ bɛ́ Lawa Pàãyiidɛnaa.

Izayii 51:15

Sɛnɛ, masɛ nə n Lawa, Dɛnaa Lawa lɛa. Ma din nə bìn diɛ yìsi mu gole ganaa, ma mu yoo wole da ginii ganaa. Ma tɔ n Dɛnaa Lawa Pàãyiidɛnaa.

Izayii 54:8

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Izayii 6:3

Maǹ nə́ goã parɛɛ, ǹ nə́ pii kɔn nɛ kɛnɛn: «N tá sonbore, n tá sonbore, n tá sonbore Dɛnaa Lawa Pàãyiidɛnaa! N tɔ golebaa tán tumaa pã.»

Izayii 65:16

Gána lɛ gɔ́ɔ̃ nɛ, min woo min tá li a Lawa bǐɛ̃ bíi a din li, ǹ dɛnaa n bíi ka Lawa bɔlɔgoondɛnaa tɔ nɛ. Min woo min a n lɛ kɔ we tán la, a n die n liɛ ka Lawa bɔlɔgoondɛnaa tɔ nɛ. Dɛnaa Lawa pɛ: «Yiri á re boe ka lɛlɛ ǹ koen kɛn nɛ. Ǹ tá re papaɛ̃, ǹ nə n bɔ ma yɔrɔ-a.»

Zeremii 10:16

Sɛnɛ, kanaa tumaa a zɛnaali ke, Zakɔba wɔ gii lɛa, bɛ ba ka ǹ bɛ́ lɔn wa. A wɔ n ka Izirayeli tɔrɔn nɛ. A tɔ n "Dɛnaa Lawa Pàãyiidɛnaa".

Zeremii 3:14

«Ka wusoo ka daa nɛnyaan bɔyaa wolen! Dɛnaa Lawa a da ǹ boo ne. Kaa Dɛnaa n ka masɛ nɛ. Ma á re ka kuĩ gogoon kiwi kɛ nɛ, papaa tɔrɔn kɛn bii, ma da ka nɛ *Siɔn kiwi.

Zeremii 51:19

Sɛnɛ, Zakɔba a naforo ke, bɛ ba ka ǹ bɛ́ lɔn wa. Asɛ n kanaa tumaa a zɛnaali lɛa. A wɔ n ka Izirayeli tɔrɔn nɛ. A tɔ n: "Dɛnaa Lawa Pàãyiidɛnaa".

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Ozee 2:16

A bɛ́ miɛ̃, ma á re wusii ma bebele, ma kũ ma da tán, ma a foo wɔraa ǹ boon da nɛ.

Ozee 2:18

Ma din Dɛnaa Lawa a da ǹ boo á ke: «Bɛa pinaa kɛ nɛ, N tá re ma bii "n zuũ", n ba re "Baali" tɔ kɛ koe ma-a doo wa.

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Luku 1:32

Bɛa nɛgiĩ kɛ lɛ n die min barkadɛnaa biɛ, maǹ die bíi "Lon a Lawa gole a nɛ". Dɛnaa Lawa n die ǹ digolo Davida a kii dankan koe la, a giã a nɛ.

Zaã a sɛ́wɔ 3:29

Lɔ tii nə ǹ zuũ wɔ lɛa haalɛ. Ǹ zuũ lɛ a giaára ke a li, bɛ̀ ǹ zuũ lɛ foo á kɔɔ̃nɛ, a giaára lɛ dɔ nə n nyɛnyɛɛ kun ni. Masɛ wɔ n miɛ̃, nyɛnyɛɛ lɛ piɛ̃ tá masɛ lon.

Efɛɛzi minin 5:32

Sii-durii gole n ka kɛ nɛ. Man pii Krita laanka Lawa a sɔmɔ kɛ wɔ paǹ li.

Zozoe 3:11

Haya, kanaa tumaa a Dɛnaa a lɛ kɔ kɔn la ǹ goo lɛ á die kiɛ̃ a mɛ ka nyɛɛnɛ, a Zurdɛ̃ tà kuru ka nɛ.

Zozoe 3:13

Dɛnaa Lawa lɛ, kanaa tumaa a Dɛnaa lɛa, wúlu-bɔlen mɛnɛn bɛ́ bɛa lɛ kɔ kɔn la ǹ goo lɛ guĩ, bɛ̀ bɛn gòã tisi mɛ Zurdɛ̃ tà mu lɛ li lɔn gɔrɔ, mu mɛn bɛ́ gisĩ die ka pàã nɛ, bɛ á die n lɛ kuri, a golee bǎã goon ne ka maǹ nə́ bèlèn dɔ nɛ.»

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»