Izayii 54:17 - LAWA A BOO SONBORE

¹⁷ Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

LAWA A BOO SONBORE 2011

¹⁷ Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Izayii 54:17 ပူးပေါင်းရင်းမြစ်များ

Zɔbu 1:11

Sabara baa n nə n gɔn da a gɔn màn lɛ ganaa, n basaã kɔ ǹ tumaa nɛ. Bɛ̀ Zɔbu golee n din yɔrɔ-a, a boo baraa da n ganaa wa, n da màn si ma la.»

Zɔbu 2:5

Bɛ̀ á soɛ lɛa, busu da Zɔbu ganaa. Bɛ̀ a golee n din yɔrɔ-a, á boo baraa da n ganaa wa, n da màn si ma la.»

Zɔbu 42:7

Dɛnaa Lawa bɛ́ á boo da ka Zɔbu ni á nya, á tɔ́n pɛ a giaára Temaan Elifaazi ni: «Ma foo á yoo ne n laanka n giaára min paa kɛ li. A giala, ka sonbore goon pɛ maa wɔ paǹ li wa. Maa dí-nyali Zɔbu dinsɔɔ̃ na á sonbore pɛ.

Loen 32:6

Bɔlɔgoondɛnan tumaa doamaa nɛ ǹ nə n nyankɔ miɛ̃, bɛ̀ ǹ tá die ka ǹ laadoo siin ni n li ǹ mɛn pinaa. Haalɛ koe sii mɛn bɛ́ boe la a min bii ka mu gole bɛ́ lɔn, bɛa re doe ǹ ganaa wa.

Loen 61:5

Á kɔɔ̃n ma ganaa, ma goã n kion yǎa duduu, ma duru ǹ bǎã yɛ n nyàa kan giulun.

Loen 71:16

Dɛnaa Lawa, ma á re n Pàãyiidɛnaabaa kɛ laakalɛɛ. Ma á re n dinsɔɔ̃ a peperebaa kɛ boo diɛ.

Loen 71:19

Lawa! N peperebaa lɛ á gole, á la yii ni, ń dí dadaran dɔn nya. Lawa! N miã banban.

Izayii 17:12

Wàa koe n ka kɛ nɛ! Tɔrɔ damata gòã wuu á ke boe die. Ǹ gòã wuu n ka yìsi mu gole a ginii bɛ́ lɔn. Maǹ gini ka pàã nɛ ka yìsi mu gole bɛ́ gini lɔn.

Izayii 26:2

Ka kiɛnlɛn bũ! Tɔrɔ mɛn bɛ́ Lawa bɔlɔ sii, a n bɔlɔgoondɛnaa lɛa ka toa bɛ wɔ!

Izayii 29:8

Min mɛn bɛ́ bòo na a ganaa, bɛa dɛnaa nə n narɛ ka a n màn bii. Sɛnɛ bɛ̀ a yii kaa, a gɔ́ɔ̃ kooromaa nɛ. Mu boro bɛ́ min mɛn ganaa, bɛa dɛnaa nə n narɛ ka a n mu mii. Sɛnɛ bɛ̀ a yii kaa, a n nɔmaa nɛ, a bɔlɔ gɔ́ɔ̃ n laa nɛ. A n die n biɛ miɛ̃ gána damatan kɛn nɛ zia diɛ *Siɔn a kele ganaa.

Izayii 3:10

Ka pɛ kɛnɛn: «Min pepere n yii-nyɛɛ la, a giala, á re a nya ǹ dí sonboren kɛn là yii.»

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 41:11

Á ke, min mɛnɛn tumaa lɛ bɛ́ n li, bɛn wɔ n ka sìi ni ka tɔ ziziɛ̃ nɛ. Min mɛnɛn bɛ́ kɔn-a n nɛ ka zia nɛ bɛn tá re màn kooro biɛ, ǹ tá re papaɛ̃.

Izayii 46:13

Man die ka maa peperebaa nɛ, a wɔlɔ a sɔsɔɔ doo wa. Kirisibaa diri foɛɛ̃ nɛ. Ma dinmaa n die ne *Siɔn. Man die maa siĩnbaa kɛ koe Izirayeli la.

Izayii 50:8

Dɛnaa Lawa n mɔrɛɛ-n ma ganaa, asɛ mɛn bɛ́ sonbore koe ma la. Die yii n we a kiri wɔ ma ganaa? Wɔ n ta kiri wɔ ǹ bǎã-n kəni. Die n li a ma zɛ̀rɛ baa? Ǹ dɛnaa nə n zɔ̃ a dɔ ma li.

Izayii 50:9

Hiĩ, Dɛnaa Lawa n die maa gú ganaa. Die n boe la a kiri da ma la? Á ke, maa zɔ́ɔn tumaa n die pɔpɔsɛ, ka mɔnaa bɛ́ lɔn, nimii kũ.

Izayii 51:5

Peperebaa mɛn bɛ́ ma á die ne, á diri. Kirisibaa biikoo dɔ. Man die kiri we tɔrɔn ganaa ka pàã gole ne. Tɔrɔn mɛnɛn bɛ́ mu nə́ ǹ gánan da bii, bɛn tá re n foo doɛ ma ganaa. Ǹ tá re n foo doɛ ma pàã ganaa.

Izayii 54:15

Á ke, bɛ̀ ǹ nə́ yoo n gialaa ka zia nɛ ma gòɛ̃ ba bɛ-n wa. Min mɛn bɛ́ yui n gialaa, ǹ dɛnaa á re mɛnɛɛ n nyɛɛnɛ.

Izayii 54:16

Ga, ma din ni ma fuũ zɛnaa, asɛ mɛn bɛ́ tɛ pii nyɔɔ fuu belenbelen ganaa, a n ziabaa ǹ màn tɔrɔ tumaa zɛnɛɛ. Min mɛn dɔ bɛ́ boe la a bɛa ziabaa ǹ mànan kɛn lɛn ziziɛ̃, ma din ni má a dɔ zɛnaa.

Izayii 58:14

ka bɛ-n kəni, n tá re yii-nyɛɛ yii Dɛnaa Lawa barka nɛ. Ma á re toɛ n dii gána lɛ a kelen mìi ni. Ma á re toɛ n là yɛ n digolo Zakɔba a tán kɛ ganaa má kɔ la. Hiĩ, Dɛnaa Lawa na á pɛ miɛ̃.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Rɔmu minin 10:4

Sonbore, dí-pɛn lɛ piɛ̃ n ka *Krita nɛ. Bɛ̀ min mɛn golee Krita li, Lawa n bɛa Dɛnaa kuĩ min pepere lɛa.

Rɔmu minin 3:22

Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Zozoe 24:10

Sɛnɛ, masɛ din ni má n piã, man too kɔ Balaamu lon wa. Má bɛ da lɛn bǐɛ̃ bíi ka li ganaa, má ka kũ má ka si Balaaki la.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Sii-nyaan 12:10

Má lɛn gole goon ma, boe lon, a n pii: «Sisia wɔa Lawa na á gɔ̀lɔ̀baa yɛ! A ná a din pàã nyaa, a ná a kiibaa saa. Sisia, a bɛ́ á min mɛn bɔ á baa kii lɛa, pàã n bɛ gɔn! A giala wɔ dɔɔ̃nɔn biɛ-kɔle na á fɔ̃, asɛ mɛn bɛ́ á goã ǹ biɛ koe tèlò-n ka baayɛlɛ nɛ, wɔa Lawa yɔrɔ-a, ǹ nə́ bɔ lon ǹ nə́ zũ tán.

Samayeli1 23:17

Zonaatan pɛ nɛ: «Nyɛ́ɛ baran n kũ wa. Ma di Sayulu gɔn ba re doe n ganaa wa. N din nə die pàã zɛnɛɛ Izirayeli mìi la, masɛ n die koɛ n la, n kio. Ma di Sayulu dinmaa lɛ tá bɛ doɛ̃, a giala yii li.»