Izayii 54:14 - LAWA A BOO SONBORE

¹⁴ Peperebaa n die pàã koe n la. Giã tìãlɛa mɛnaa ma la ganaa, nyɛ́ɛ ba re n kuĩ doo wa. N wɔlɔ sɔsɔɔ kɔ nyɛ́ɛ ganaa, a ba re n mɔrɛ n ganaa doo wa.

LAWA A BOO SONBORE 2011

¹⁴ Peperebaa n die pàã koe n la. Giã tìãlɛa mɛnaa ma la ganaa, nyɛ́ɛ ba re n kuĩ doo wa. N wɔlɔ sɔsɔɔ kɔ nyɛ́ɛ ganaa, a ba re n mɔrɛ n ganaa doo wa.

Izayii 54:14 ပူးပေါင်းရင်းမြစ်များ

Suusun 3:24

Bɛ̀ n waa, n gɔ̀nɔn ba re bìn diɛ nyɛ́ɛ gunun wa. N tá re nyuù kɔɔ̃n we n waa ǹ piì la.

Izayii 1:26

Ma á re toɛ n kiri-wɔlen kɛn nə goã ka lɛlɛ ǹ wɔn bɛ́ lɔn, n sii yɔrɔ-bɔlen nə ǹ lɛlɛ ǹ giã ǹ gɔn saa. Bɛ kio kəni, ǹ tá re n bíi "kiwi pepere", "kiwi bɔlɔgoondɛnaa".

Izayii 1:27

Bɛ̀ Siɔn kiwi kɔ peperebaa ǹ zii lɛ, á re kirisibiɛ. A min mɛnɛn bɛ́ re n bɔyɛɛ ǹ da masɛ li, bɛn tá re kirisibiɛ ǹ peperebaa taman yii.

Izayii 14:4

Bɛa waáraa kəni, n die n loe kɛ lɔ n Baabiloniin kii foo saa nɛ: Min mɛn goã pàã nyɛɛ wɔ-n lɛlɛ, bɛa dɛnaa wɔ nya. A kakaarɛbaa lɛ nya. Asɛ wɔ nya!

Izayii 16:4

Lɛ kɔ Moabu a baasi wolen kɛn ganaa, n toa ǹ nə n yu n la. Ǹ kanbaa ziziɛ̃ wole kɛ ganaa. Min mɛn bɛ ǹ kio lui, bɛa re goɛ̃ yǎa duduu wa. Basaã lɛ á re nyɛɛ. Ǹ dɛnaa á re woe a wɔa gána lɛ toa walan.

Izayii 2:4

A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.

Izayii 26:2

Ka kiɛnlɛn bũ! Tɔrɔ mɛn bɛ́ Lawa bɔlɔ sii, a n bɔlɔgoondɛnaa lɛa ka toa bɛ wɔ!

Izayii 32:17

Peperebaa a dí n die goɛ̃ ka là nyantoro ne. A din nə die ka yiri-giã nɛ ka yii nyɛɛ nɛ.

Izayii 33:18

Siin mɛnɛn nə goã nyɛ́ɛ diɛ n ganaa, n tá re n taasɛ ka bɛn nɛ, n nɔ̀n da n din la: «Min mɛnɛn nə goã nyin giɔ̀mɔ sii, bɛ̀ ǹ nimi, maǹ maa? Min mɛnɛn nə goã giɛ wɔ tamaa ǹ kungɔnɔn kɛn walan, bɛn maǹ maa?»

Izayii 45:24

«Peperebaa laanka pàã n yii Dɛnaa Lawa dinsɔɔ̃ li.» Min mɛn tumaa yɔ bɔ ma ganaa, ǹ tá re wusii ǹ da ma li, sìi nə ǹ ganaa.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 51:13

N yiri bɔ ka Dɛnaa Lawa nɛ, a da yaa a din na á n da. A din ni á lon lɛ bɔ, á tán zɛnaa. Biikoo tumaa li, n gɔ̀nɔn nə bìn diɛ nyɛ́ɛ gɔn pàã-zɛnaali kɛa foo-yoo nyɛɛnɛ, ka n pɛ mà a n die n nyin boe. Sɛnɛ, bɛa pàã zɛnaali lɛ a foo-yoo á maa kəni?

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Izayii 54:4

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

Izayii 60:18

Kakaarɛbaa boo ba re n miɛ n gána-n doo wa. Basaã laanka kɛbɔlɔ boo á re n diɛ n gána gɔ́ɔ̃-n wa. N kungɔnɔn kɛn tɔ n die goɛ̃ "Kirisibaa", n kiɛnlɛn tɔ goã "tɔ bɔ".

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 62:1

*Siɔn, ma a re n lɛ tiɛ̃ wa, a giala ma á n narɛ, Zeruzalɛmu, ma a re n toɛ bíi-a kooro má n maa sii zɛnɛɛ wa, a giala ma á n narɛ, ma nə n yii diɛ yǎa n peperebaa kuĩ ka wɔlɔ fúlu bɛ́ lɔn, yǎa n kirisibaa kɛ tɛ pii ka bolon tɛ bɛ́ lɔn.

Izayii 9:4

Zɔ́ɔn gòã ganaa ǹ kɔsɔn kɛn bìn diɛ tán ganaa, ka mɔnaan kɛn nɛ mà lɛa, bɛn tá re n zuĩ tɛ buə ne tɛ á re ǹ tumaa kuĩ.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 30:10

Dɛnaa Lawa a da ǹ boo á ke: Nsɛ Zakɔba, maa dí-nyali, nyɛ́ɛ nyan nə n kũ wa, N gɔ̀nɔn nyan bìn da wa nsɛ Izirayeli. Taãn nɛ, ma á re n kirisibiɛ, ma n bɔ ma n bɔ gána sɔsɔɔn kɛn nɛ, ma n nɛnyaanan kɛn waa bɛ̀rɛbaa ǹ bǎã nɛ, ma da ǹ nɛ. Zakɔba, n tá re n bɔyɛɛ n daa, n giã kiĩ ni, yii-nyɛɛ gɔ́ɔ̃ nɛ. Min kɔn ba re nyɛ́ɛ diɛ n ganaa doo wa.

Zeremii 30:20

Zakɔba tɔrɔn kɛn, ǹ tá re n biɛ ka lɛlɛ bɛ́ lɔn. A zaman lɛ gòã á re we tán ma yɔrɔ-a. Min woo min yoo ǹ ganaa, ma á re yui bɛa dɛnaa gialaa.

Zeremii 31:23

Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Ozee 10:12

Bɛ̀ n tá min pepere lɛa, n tá re bǐɛ̃ yii a dòo lɛa. Ka sɔ́ dɛ, a giala kaa bɔyaa a yɔrɔ dia Dɛnaa Lawa la biikoo dɔ, bɛa re peperebaa kiɛ ka la ka la bɛ́ lɔn.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»

Zakarii 9:8

Ma á re maa gána lɛ lɛduĩ, ma a kirisibaa zɔ́ɔ woo a daa wolen ganaa. Tiin kiã kɔn ba re die boe maa zaman yii-n doo wa. A giala, má n yiin doa ǹ la kanna.»

Piɛrɛ2 3:13

Lawa nə́ n lɛ kɔ wɔ la ka lon laanka kanaa dii ni, sii kɔkɔrɔ bɛ́ a re goɛ̃ màn mɛnɛn nɛ wa. Wɔ nə n yii diɛ bɛn lɛn la.