Izayii 54:11 - LAWA A BOO SONBORE

¹¹ Zeruzalɛmu, nɔmaa wole, piɛ̃ gole nə n gialaa, min kɔn ba n foo doɛ wa. Masɛ Dɛnaa Lawa n die wusii ma n dɔ ka kɔlɔ nɛ, ǹ nyaǹ nə koe ne. Man die n goã daɛ ka kɔlɔ giɔ̀mɔ kakaan nɛ, bɔlɔn lɛa.

LAWA A BOO SONBORE 2011

¹¹ Zeruzalɛmu, nɔmaa wole, piɛ̃ gole nə n gialaa, min kɔn ba n foo doɛ wa. Masɛ Dɛnaa Lawa n die wusii ma n dɔ ka kɔlɔ nɛ, ǹ nyaǹ nə koe ne. Man die n goã daɛ ka kɔlɔ giɔ̀mɔ kakaan nɛ, bɔlɔn lɛa.

Izayii 54:11 ပူးပေါင်းရင်းမြစ်များ

Kiin1 5:17

– N tá doɛ̃, ma di Davida lɛ boo la á kion dɔ Dɛnaa Lawa, a Lawa wɔ lɛa wa. A giala a zɔ́ɔn mɛnɛn nə goã a lɛnpɛnɛ, bɛn nə goã toɛ ka zia-n wa, yǎa Dɛnaa Lawa bɛ́ á toa Davida boo ǹ la ǹ mɛn waáraa.

Kiin1 6:30

Á sana kaa kion lɛ a tán yii la, kion lɛ a gɔ́ɔ̃ gole lɛ a tán nɛ, ka kion gialaan bǎã sonbore sonbore lɛ wɔ nɛ.

KZS2 3:6

Á bɛa kion lɛ gɔ́ɔ̃ nyaǹ dɔ kɔ ka kɔlɔ giɔ̀mɔ kakaa nɛ. Ǹ dí lɛ nya ka sana mɛn nɛ a n boe Parvayimu.

Zɔbu 28:16

Sana sonbore a doe li wa, kɔlɔ tɔrɔ giɔ̀mɔ kaka-a kɛ kɔn ba doe li wa.

Loen 34:19

Min mɛnɛn foo bɛ́ ziziɛ̃ nɛ, Dɛnaa Lawa wɔlɔ á kunu bɛn ganaa. Min mɛnɛn bɛ́ n gɔ́ɔ̃ bii, Dɛnaa Lawa n bɛn kirisibiɛ.

Bɔ bɛ̀rɛbaa nɛ 2:23

A bɛ́ á belebɔ bɛ kio, Ezipti gána a kii lɛ gã. Izirayeli nɛnyaanan lɛn bɛ́ nɔmaa gɔ́ɔ̃ nɛ, ǹ nə́ gini, ǹ nə́ n lɛ dɛ. Bɛa bɛ̀rɛbaa lɛ gɔ́ɔ̃ nɛ, ǹ nyankɔ dii á dɔ Lawa ganaa.

Bɔ bɛ̀rɛbaa nɛ 24:10

Ǹ nə́ Izirayeli a Lawa lɛ yɛ. Màn kɔ́n na á goã nyɔmaa-n tán a giulun, ka kɔlɔn kɛn bɛ́ lɔn, ǹ nə́ goã bɔlaan lɛa ka yoreen yoreen, ka lon gɔ̀nɔn bɛ́ lɔn.

Bɔ bɛ̀rɛbaa nɛ 3:2

Dɛnaa a lon a dia dí-a wole nə́ n din nyaa nɛ, tɛ buə̃ bii daãn ganaa. Á ga, daãn lɛ n tɛ lɛa, sɛnɛ, a kuĩ wa.

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Loe kɔɔ̃n kɔɔ̃n 5:14

A gɔnɔn man ka sana zan bɛ́ lɔn, kɔlɔ giɔ̀mɔ kakaa ná a ganaa. Don a díi sɔ mɛn bɛ́ ǹ nə́ zɔnɔ, kɔlɔ giɔ̀mɔ kakaa ná a ganaa, a gɔ̀nɔn nə ka bɛ bɛ́ lɔn.

Izayii 14:32

Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Izayii 49:14

*Siɔn na á goã pii: «Dɛnaa Lawa nə́ n la bɔ ma ganaa. Dɛnaa yiri bɔ ka ma nɛ.»

Izayii 51:21

Bɛ lɛ nɛ, nsɛ koe-yɛli, n too kɔ sɔnbɔraa nɛ. Ma n ka min mɛn bɛ́ duvɛ̃ ná a yii kũ, a da yaa n duvɛ̃ dɔ mi wa.

Izayii 51:23

Min mɛnɛn bɛ́ boe n yii ni, man die paan lɛ we bɛn gɔn. Maǹ nə́ goã pii n ganaa kɛnɛn: «Waa tán, wɔ tɔ wɔ n la!» N dɔ̀ɔ̃ na á goã kiɛ̃ ǹ bǎã lɛa, zii lɛa ǹ nə́ tɔ we la.

Izayii 54:12

N kungɔn lalan nə die goɛ̃ kɔlɔ giɔ̀mɔ kakaa tã lɛa. N kiɛnlɛn man die goɛ̃ kɔlɔ tɛ-pɛlen lɛa ǹ nə́ la damalen ne. Kungɔn mɛn tumaa bɛ́ kiwi lɛ lɛnpɛnɛ, a yii n die n doe ka kɔlɔ giɔ̀mɔ kakaa nɛ.

Izayii 54:6

N foo na á goã ziziɛ̃-n taãn-taãnɛ, ka lɔ mɛn bɛ́ ǹ nə́ n la bɔ a ganaa. Sɛnɛ, Dɛnaa Lawa lɛ dia n la. Hiĩ, n Lawa n kɛ pii n ni: Min tá boe la sonbore a na a tɔntɔraabaa waáraa lɔ loo?

Izayii 60:15

Maǹ nə́ goã ǹ nə́ n la bɔ n ganaa, min kɔn ba n narɛ wa, min kɔn ba n yii koe n ganaa wa. Sɛnɛ sisia, man die n bǐɛ̃ koe, màn mɛn bɛ́ toɛ, ǹ foo kɔɔ̃n kɔ n din taman yii, yǎa duduu.

Zeremii 30:17

Nsɛ mɛn bɛ́ ǹ nə́ goã n bíi "màn kooro" *"Siɔn mɛn bɛ́ laadoo ba a ganaa wa", ma á re n busulɛn nyɛɛ ma n kaka kɔ. Masɛ Dɛnaa Lawa a da ǹ boo ne.

Busii pɛ 1:21

Maǹ ma lɛ miɛ gini, min banban a tá ma foo wɛɛ wa. Maa zɔ́ɔn tumaa maa koe kɛ boo ma. N sii mɛn da ma mìi ni, maǹ bɛa nyɛnyaa we. N lɛawaa mɛn bɔ n koa, toa bɛ́ dɔ. Toa ǹ dɔn nə n baa ka ma dɔ bɛ́ lɔn.

Ezekieli 1:26

Bara mɛn lɛ goã ǹ mìi lalan, kii dankan a kɔnboe na á goã bɛ lalan, tɛ pii ka kɔlɔ bɔlaan kɛ bɛ́ lɔn. Min a kɔnboe dɔ na á goã bɛa kii dankan lɛ lalan lon.

Ezekieli 10:1

Labara mɛn goã lon màn yiikoonaan lɛn mìi la, masɛ Ezekieli goã giɛ bɛ ganaa. Ma bɛ́ giɛ, bɛ̀ kɔlɔ sonbore goon nə́ ke, tɛ pii ka kii dankan bɛ́ lɔn.

Misee 7:11

Kaa kiwi lɛ a kungɔnɔn lɛn bɛ́ re wusii ǹ nə n dɔ ǹ mɛn waáraa, bɛa pinaa kɛ lɛ nɛ, kaa gána lɛ giala á die n boe li.

Matiə 8:24

Boɛɛn gɔrɔ piɛ̃ gole nə́ n tonton baa á yoo tà lɛ la, tà mu lɛ n yui á n duwii goo lɛ la, a n giɛ li a mui. Bɛa zɛnɛɛ bɛ̀ Yezu n nyuù we.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Efɛɛzi minin 2:20

Ǹ bɛ́ kion mɛn doe, Yezu a dia dí-a wolen laanka Lawa a boo gii-dalin kion gòã-daa kɛ la, kasɛn dɔn man bɛ lɛa. Yezu Krita dinmaa na a gùrù koa ǹ kɔlɔ lɛa.

Timəə dí-pɛn 31:17

Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»