Izayii 54:1 - LAWA A BOO SONBORE

¹ Zeruzalɛmu, n nyɛnyɛɛ, nsɛ mɛn bɛ́ nɛ goã n lon wa! Nsɛ mɛn bɛ́ n ba nɛ yɛ lɛ doɛ̃ wa, gɔ̀lɔ̀baa ǹ lɛ-dɛ wɔ, n foo kɔɔ̃nbaa ǹ lɛ-dɛ wɔ! Dɛnaa Lawa n pii n ni: Nsɛ mɛn bɛ́ ǹ nə́ n la bɔ n ganaa, n tá re nɛ gigiã yii a la lɔ mɛn din bɛ́ ǹ zuũ ná a tan.

LAWA A BOO SONBORE 2011

¹ Zeruzalɛmu, n nyɛnyɛɛ, nsɛ mɛn bɛ́ nɛ goã n lon wa! Nsɛ mɛn bɛ́ n ba nɛ yɛ lɛ doɛ̃ wa, gɔ̀lɔ̀baa ǹ lɛ-dɛ wɔ, n foo kɔɔ̃nbaa ǹ lɛ-dɛ wɔ! Dɛnaa Lawa n pii n ni: Nsɛ mɛn bɛ́ ǹ nə́ n la bɔ n ganaa, n tá re nɛ gigiã yii a la lɔ mɛn din bɛ́ ǹ zuũ ná a tan.

Izayii 54:1 ပူးပေါင်းရင်းမြစ်များ

Siin Giala 21:6

(Izaaki tɔ lɛ giala mà "Yaa-wɔ"). Saaraa tɔ́n pɛ: «Lawa na á toa masɛ á foo kɔɔ̃nbaa ǹ yaa we! Min woo min bɛ́ re kɛ miɛ̃ masɛ wɔ paǹ li, á re yaa diɛ bɛn tumaa ganaa.»

Loen 113:9

A din nə kion koe lɔ nɛ-yɛlebaãnaa la. A baa náa foo kɔɔ̃n-a lɛa nɛnyaanan bii. Aleluya, ka Dɛnaa Lawa tɔ bɔ!

Loe kɔɔ̃n kɔɔ̃n 8:8

Wɔ diɛ̃ nɛlɔ boɛɛn goon tan, a nyɔn nə tɔn bɔ bɔrɔ wa. Bɛ̀ tɔntɔraa daa bɔ a kio ǹ mɛn waáraa, wɔ n die wàa sii zɛnɛɛ wɔ diɛ̃lɔ lɛ wɔ paǹ li?

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 24:14

Min mɛnɛn yii goã koo, bɛn manə n lɛn siɛ lon, ǹ tá Dɛnaa Lawa tɔ boe. Maǹ boe lɛ̀nyɛɛn li, ǹ nə́ foo kɔɔ̃nbaa ǹ lɛ dii.

Izayii 44:23

Nsɛ, lon, loe lɔ ka foo kɔɔ̃n nɛ. Nsɛ, tán giulun, n lɛn saa lon, a giala, Dɛnaa Lawa na á sii zɛnaa. Kasɛn kelen laanka dan kɛn nɛ daã nɛ, ka n lɛ dɛ ka foo kɔɔ̃n nɛ. A giala, Dɛnaa Lawa ná a zaman kirisibaa, a ná a tɔ golebaa nyaa Izirayeli gána nɛ.

Izayii 49:13

Lon, n gɔn dɛ! Tán, nsɛ nə n nyɛnyɛɛ! Kelen lɛn, ka foo kɔɔ̃nbaa ǹ lɛ dɛ! A giala, Dɛnaa Lawa n wusii a zaman lɛ foo doɛ. A n makara boe nɔmaa-wɔlen ganaa.

Izayii 49:19

Hiĩ, n gána lɛ n kɛbɔlɔ lɛa, a n diə gole lɛa, á ziziɛ̃. Sɛnɛ, kànaa ka boɛɛn nɛ, á re kiɛɛrɛ koe n zaman ganaa. Min mɛnɛn nə goã yui ka gialaa, bɛn tá re woe sɔsɔɔ.

Izayii 49:20

N nɛnyaanan mɛnɛn yɛ n gɛ̀ koa biikoo li, ǹ tá re pii n too ne ǹ kɔn pinaa kɛnɛn: «Bǎã kɛ n kiɛɛrɛ wɔ ganaa. N zɔ̃ wɔ giã ǹ bǎã yɛ.»

Izayii 62:4

Ǹ ba re n bíi doo mà «Kiwi mɛn bɛ́ ǹ nə́ n la bɔ a ganaa» wa. Ǹ ba re n gána kɛ bíi doo mà «Kɛbɔlɔ» wa. Sɛnɛ, maǹ die n bíi «min mɛn bɛ́ kɔɔ̃n Dɛnaa Lawa ganaa.» Ǹ tá re n tán bíi: «Kɔn-wɔle sonbore.» A giala, n tá re kɔɔ̃n koe Dɛnaa Lawa ganaa, n tán lɛ dɔ á re zuũ yii.

Izayii 66:7

*Siɔn laan bɛ̀ a n nɔɔrɔ koe, á nɛ yɛ. Á nɛginin yɛ, là paparɛɛ tɔ nə n giala kɔ a ganaa.

Sofonii 3:14

LOE lɔ, n bɛ̀ baa, *Siɔn kiwi! Ka foo kɔɔ̃n lɛ dɛ, Izirayeli minin! N nyanyaa ka n foo tumaa nɛ, Zeruzalɛmu!

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Galaasi minin 4:27

Taãn nɛ, Lawa a sɛ́wɔ pɛ: «Nsɛ lɔ mɛn bɛ́ n tɔn nɛ yɛ duduu wa, yoo n nə n nyɛnyaa! N lɛ dɛ ka foo kɔɔ̃n nɛ, nsɛ mɛn bɛ́ n tɔn nɛ-yɛ a fuubaa dɔ̃ wa! A giala, ǹ lɔ mɛn toa walan, bɛ á re nɛ yii a la lɔ mɛn bɛ́ kun ka ǹ zuũ-n ni.»

Samayeli1 2:5

Min mɛnɛn nə́ goã kiɛ̃ nɛ, sisia, bɛn man dí nyɛɛ. Man giɛ ǹ lɛ-a ǹ bii li. Sɛnɛ bòonaan ba dí nyɛɛ doo wa. Lɔ mɛn din bɛ́ a nɛ yii wa, bɛ́ nɛ sɔbaa yɛ, sɛnɛ ǹ mɛn nɛ gigiã yɛ, nɛ ba bɛ gɔn doo wa.