Izayii 53:6 - LAWA A BOO SONBORE

⁶ Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

LAWA A BOO SONBORE 2011

⁶ Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Izayii 53:6 ပူးပေါင်းရင်းမြစ်များ

Siin Giala 22:6

Abrahamu wúlu màn tã ǹ gɔn lɛ saa, á da a nɛgiĩ Izaaki mìi ni. A din tɛ laanka gɔya saa a gɔn. Ǹ dinin min paa tumaa bɛ́ tɔ we kun woe,

Loen 119:176

Ma nə n binbirin boe ka sère papaã wole bɛ́ lɔn. Masɛ nə n bɛ̀rɛgiĩ lɛa, ma basa bɔ, n ga ma li, a giala, ma yiri a boe ka n dí-pɛn kɛn nɛ wa.

Loen 69:4

Má n lɛ dɛ má nɔmaa, ma lɛn nə́ tã, má n yii da maa Lawa la, ma yii wɔ̃.

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 53:10

Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 53:12

Bɛ lɛ nɛ, man bǎã koe la min dadaran bii. Á re zɔ́ɔn gɔn màn gii kɔn ka pàãdɛnan nɛ. A giala á n din kɔ gɛ̀ la, ǹ nə́ da kun ka min baraan nɛ. Taãn nɛ, á n toɛ̃ ka min gigiã a sii baraan nɛ, á daa sii baraa-zɛnaalin gú ganaa.

Izayii 53:5

Sɛnɛ, wɔ dinin siɛ̃n taman yii ni, ǹ nə́ dɛ ǹ nə́ busu da a ganaa. Wɔa sii baraan taman yii, ǹ nə́ yɔyɔrɛ. Dɔlɔ mɛn bɛ́ là nyantoro koe wɔ la bɛ na á mɛ asɛ la. A busulɛn taman yii, wɔsɛn man kakabaa yii.

Izayii 53:7

Ǹ nə́ fuu nyaa nɛ, ǹ ná a yii puusə kɔ sɛnɛ, á lɛ kɔ bɛ ganaa a lɛ n tumu, ka sère nɛ mɛn bɛ́ ǹ nə́ woe ne a dɛ ǹ bǎã nɛ, ka sère mɛn bɛ́ ǹ tá a ka kuri a lɛ n tumu.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Izayii 55:8

Dɛnaa Lawa a da ǹ boo á ke: Kaa taasiɛn ba maa taasiɛn lɛa wa. Kaa sii zɛnaa ǹ gɔn laanka maa wɔ ba goon wa.

Izayii 56:11

Maǹ kuruun lɛa, ǹ ba màn kɔn toɛ wa. Ǹ ba kiɛ̃ wa. Wɔlɔ-lɛduə̃lin manɛ, ǹ ba sii kɔn giala miɛ wa. Maǹ nə ǹ dinin foo siin zɛnɛɛ. Ǹ didie n giɛ a din a là li.

Izayii 6:7

Á bɛa tɛ nàn lɛ naa ma lɛ ganaa, á pɛ ma-n kɛnɛn: «A saa sisia ganaa, tɛ nàn kɛ mɛ n lɛ ganaa lɔn, n sãn nə́ n toa n nɛ, n sii baraan nə́ n tuturu.»

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Zeremii 50:6

Maa zaman lɛ a minin man nə́ goã ka sère papaã wolen bɛ́ lɔn. Ǹ lɛduə̃lin man nə́ goã ǹ yiri siɛ̃. Maǹ nə n toɛ walan bɛ̀ ǹ wo kelen la, ǹ dinin gɔn wìi a lɛa. Ǹ nə́ woo kelen la ka tentenen ne, ǹ yiri bɔ ǹ zìãn ganaa.

Ezekieli 3:18

Bɛ̀ ma pɛ min baraa nɛ má á re giɛ̃, bɛ̀ n nə n gɔn waa-n wa, bɛ̀ n boo da min baraa lɛ nɛ, màn mɛn bɛ́ toɛ, a na a tɔ wɔ ǹ gɔn baraa kɛ kaa ń giɛ a yii á goɛ̃ koo wa, min baraa lɛ á re giɛ̃ sɛn. Sɛnɛ, man die a gɛ̀ lɛ a sii diɛ n din mìi ni.

Rɔmu minin 4:25

A na á toa Yezu lɛ gã, màn mɛn bɛ́ toɛ, a wɔa sii baraan tuturu. A na á ná a yii kaa á bɔ geren bii, màn mɛn bɛ́ toɛ, a wɔa zɛ̀rɛn nya, wɔ boo la, wɔ n baa min peperen lɛa a din yɔrɔ-a.

Zaaki 5:20

ka dɔ̃ mà min mɛn bɛ́ á da zii sonbore la, mà bɛa dɛnaa lɛ n toɛ a telenboen tá re kirisibiɛ, sii baraa gigiã dɔ á re n toɛ nɛ.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Sii yɔrɔ-bɔlen 21:25

Bɛa waáraa kɛ lɛ nɛ, kii goã Izirayeli minin lɛn mìi la wa, didie na á goã a din foo sii zɛnɛɛ.