Izayii 53:4 - LAWA A BOO SONBORE

⁴ A da yaa, wɔ dinin busun man nə́ goã a mìi ni. A na á wɔa fuu si a din ganaa. Wɔsɛn dɔn man ke taasɛ, wáa Lawa n dɔlɔ boe a ganaa, a n nɔmaa diɛ a mìi ni, a ná a yii puusə koe.

LAWA A BOO SONBORE 2011

⁴ A da yaa, wɔ dinin busun man nə́ goã a mìi ni. A na á wɔa fuu si a din ganaa. Wɔsɛn dɔn man ke taasɛ, wáa Lawa n dɔlɔ boe a ganaa, a n nɔmaa diɛ a mìi ni, a ná a yii puusə koe.

Izayii 53:4 ပူးပေါင်းရင်းမြစ်များ

Loen 69:26

Toa ǹ giã ǹ bǎã ziziɛ̃, min din baran goã ǹ kionən ne wa.

Loen 69:27

A giala, mà n dɔlɔ bɔ min mɛn ganaa, maǹ fuu nyɛɛ bɛ nɛ. Maǹ màn diɛ n din a dɔlɔ bɔma-a wolen kɛn nɔmaa li.

Loen 69:8

N din a lɛa nɛ, ma á sɔ-kɔ sii ma ganaa, n din a lɛa nɛ, ǹ tá ma puusə koe.

Izayii 53:10

Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Lawa a wúlu-bɔlen 16:10

Sɛnɛ, butumu lɛ a mɛn bɛ́ pã lɛ mɛnaa la Azazeli wɔ lɛa, ǹ bɛ kũ a yii n koo, ǹ da koa Dɛnaa Lawa yɔrɔ-a, ǹ tɔn loo ǹ dia Azazeli la don, sii baraa sawaa ǹ wúlu màn lɛa.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 26:37

Á Piɛrɛ laanka Zebedee a nɛgiĩ min paa kũ, á woo ǹ ne. Yɔrɔ-kɔsiɛ laanka foo-ziziɛ̃ kũ.

Matiə 8:17

A ná a zɛnaa màn mɛn bɛ́ toɛ Lawa a boo gii-dali Izayii boo mɛn da, bɛ lɛ lɛ pã: «Wɔ dinin busun man nə́ goã a mìi ni, a na á wɔa fuun si a din ganaa.»

Zaã a sɛ́wɔ 19:7

Zuifun lɛn mà Pilati ganaa mà landa kɔ́n tá ǹsɛn lon, mà a kɔnpɛ ka bɛa landa kɛ lɛ nɛ, mà a doamaa-n ka gɛ̀ nɛ, a giala, mà a na á n din baa Lawa a Nɛgiĩ lɛa!

Rɔmu minin 4:25

A na á toa Yezu lɛ gã, màn mɛn bɛ́ toɛ, a wɔa sii baraan tuturu. A na á ná a yii kaa á bɔ geren bii, màn mɛn bɛ́ toɛ, a wɔa zɛ̀rɛn nya, wɔ boo la, wɔ n baa min peperen lɛa a din yɔrɔ-a.

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.