Izayii 53:10 - LAWA A BOO SONBORE

¹⁰ Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

LAWA A BOO SONBORE 2011

¹⁰ Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Izayii 53:10 ပူးပေါင်းရင်းမြစ်များ

Loen 110:3

N zaman lɛ á die n din koe ka foo kɔɔ̃n nɛ, n zia-baalin lɛ sɔkɔn pinaa kɛ nɛ. Tɔntɔraan tá die n li, kele sonboren kɛn la, ǹ tumaa n bɔlɔbɔlɔ ka buu buruu bɛ́ lɔn.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Loen 149:4

A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

Loen 21:4

N din nə́ n da lɛ ka bǐɛ̃ sonboren ne. N din nə ń kiibaa ǹ bafolo wɔ a mìi-a, sana lɛa.

Loen 22:30

Kanaa a min dadaran tumaa á re kiɛ tán a giulun. Min mɛn tumaa bɛ́ re gɛ̀ we, bɛn tá re n musin koɛ tán a yɔrɔ-a. A ba re ǹ yii toɛ koo wa.

Loen 22:31

Sɛnɛ, ǹ tɔrɔ tá re dí nyɛɛ Dɛnaa nɛ, ǹ tá re Dɛnaa boo diɛ bɛa tɔrɔ lɛ nɛ.

Loen 69:26

Toa ǹ giã ǹ bǎã ziziɛ̃, min din baran goã ǹ kionən ne wa.

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Loen 72:7

N din toa, a kiibaa wasa nɛ, peperebaa wɔlɔ gɔ̀nɔn bɔ. N toa màn-yɛ pàã gole kɔ biikoo tumaa li.

Loen 89:29

Maa kɔn-narɛɛ gole kɛ n die goɛ̃ a wɔ lɛa yǎa duduu, maa lɛ kɔ kɔn la lɛ dɔ n die goɛ̃ kɔn ka a din ni.

Loen 89:36

Man má bɛa liɛ kɛ lɛ wɔ, gunyin goon toto, má koa ma din Lawa a siĩnbaa kɛ la. A na a tan yǎa duduu, ma a re Davida bebele wa.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 46:10

A kũ kanaa giala kɔ waáraa ganaa, sii mɛn bɛ́ re n zɛnɛɛ, man bɛ pii. Sii mɛn bɛ́ a tɔ nə n zɛnaa wa, man siɛ lɛlɛ ma bɛ pɛ. Man pii: Ma siin mɛnɛn koa ma yɔrɔ-a, bɛn man yɔrɔ yii. Sii mɛn tumaa bɛ́ kɔɔ̃n ma ganaa, man bɛ zɛnɛɛ.

Izayii 49:4

Má tɔ́n pɛ ma din gɔ́ɔ̃ nɛ: Man má mɛnaa ma din la, man din nɔmaa kooro, a là dɔ ná a banban. A da yaa, Dɛnaa Lawa n die peperebaa zɛnɛɛ ma nɛ, maa saraa n boe maa Lawa li.

Izayii 53:12

Bɛ lɛ nɛ, man bǎã koe la min dadaran bii. Á re zɔ́ɔn gɔn màn gii kɔn ka pàãdɛnan nɛ. A giala á n din kɔ gɛ̀ la, ǹ nə́ da kun ka min baraan nɛ. Taãn nɛ, á n toɛ̃ ka min gigiã a sii baraan nɛ, á daa sii baraa-zɛnaalin gú ganaa.

Izayii 54:3

A giala, n tá re n lɛ boe la paǹ yii li. N nɛgiĩn tá re n miãkɛnɛn gánan sii, ǹ nə n kɔ lɛ. Ǹ tá re wusii ǹ giã kiwi gɔ́ɔ̃ kooraan kɛn nɛ.

Izayii 61:9

Ǹ tá re kaa nɛnyaanan doɛ̃ tɔrɔn tumaa bii. Kaa nɔ̀ɔnɔn kɛn, ǹ tá re bɛn doɛ̃ bǎã tumaa nɛ. Bɛ̀ min mɛn nə́ ǹ yɛ, a n die ǹ doɛ̃ kɛ li: Maǹ tɔrɔ lɛa, Dɛnaa Lawa barka da ǹ ganaa.

Izayii 66:22

Lon dii laanka tán dii ke má ǹ zɛnaa, maǹ die goɛ̃ kaka ma yɔrɔ-a, Dɛnaa Lawa a da ǹ boo ne. A din goon ne: Ka tɔ nɛ, ka min mɛn tumaa bɛ́ re yii ka la, ǹ ba re papaɛ̃ ǹ nə n bɔ ma yɔrɔ-a duduu wa.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 32:41

Á die kɔɔ̃n koe ma ganaa ma bǐɛ̃ zɛnaa ǹ nɛ. Man die ǹ gòã we tán taãn-taãnɛ gána kɛ lɛ nɛ ka ma foo tumaa nɛ, ka ma pàã tumaa nɛ.»

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Ezekieli 37:25

Ma gána mɛn lɛ kɔ maa dí-nyali Zakɔba la, ka digolon nə goã ǹ nə́ giã gána mɛn lɛ nɛ, ka dɔn tá re giɛ̃ a nɛ, kaa nɛnyaanan laanka kaa nɔ̀ɔnɔn nə giã a nɛ, yǎa duduu. Maa dí-nyali Davida á re goɛ̃ kaa nyɛɛnaandɛnaa lɛa, yǎa duduu.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Luku 1:33

A n die giɛ̃ Izirayeli tɔrɔ minin mìi la yǎa duduu, a kiibaa a re nyɛɛ wa.»

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Zaã a sɛ́wɔ 12:24

Masɛ n taãn pii ka nɛ, bɛ̀ *belee nàn mɛnaa tii li á gã wa, a n goɛ̃ a dinsɔɔ̃. Sɛnɛ, bɛ̀ á gã, a n nàn gigiã boe.

Zaã a sɛ́wɔ 13:32

Bɛ̀ má Lawa a gugurubaa nyaa, Lawa dinmaa dɔ á die masɛ a gugurubaa nyɛɛ a din li. Boɛɛnɛ, á die bɛ lɛ zɛnɛɛ.

Rɔmu minin 6:9

Wɔ á doɛ̃ dɔn sonbore, wáa Krita lɛ yii bɛ́ á kaa á n bɔ geren bii ke, a giɛ̃ doo wa. Pàã ba gɛ̀ lon doo a boo asɛ la wa.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Rɔmu minin 8:8

Sonbore, bɛa minin kɛn lɛn koe gɔ̀nɔn foo siin lɛ, bɛn ba boe la ǹ kɔɔ̃n kɔ Lawa ganaa wa.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Efɛɛzi minin 1:5

a na á saa lɛlɛ, á wɔ baa a din a nɛnyaanan lɛa ka Yezu Krita barka nɛ. A na á zɛnaa miɛ̃, a giala mà bɛ á kɔɔ̃n a ganaa.

Efɛɛzi minin 1:9

Lawa dinmaa na á saa lɛlɛ á bɛa sii lɛ yɔrɔ bɔ á koa, á n die zɛnɛɛ ka Krita nɛ. A din foo sii ni, á goã durii-n lɛlɛ. Sɛnɛ kanna, á nyaa wɔ nɛ.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Tesaloniki2 1:11

Bɛ lɛ na á toa, wɔ á Lawa nyankoe kaa lɛa baraabaraa, màn mɛn bɛ́ toɛ, wɔa Lawa lɛ mɛn dia ka la, a ka yɛ ǹ dɛnan lɛa. Ka bɛ́ li mà ka sii sonbore mɛn tumaa zɛnaa, wɔ na a nyankoe wáa a din na a zɛnaa ǹ pàã kɔ ka la, a toa kaa goleemali na a nya ǹ dí nya ka a din pàã nɛ.

Ebrəə 2:13

Á pɛ doo: «Man die n foo doɛ Lawa din ganaa.» Ka bɛ dɔ-n doo: «Ma á ke, n din Lawa minin mɛnɛn kɔ ma la, ma laanka bɛn manɛ.»

Ebrəə 7:27

Yezu lɛ laadoo ba a ganaa, a wúlu bɔ baraabaraa, ka wúlu-bɔlen kiã gialakunun kɛn bɛ́ ǹ nə́ goã zɛnɛɛ lɔn, bibinaa nɛ a din a sii baraan lɛa, bɛ kio zaman dɔ wɔn lɛa wa. Yezu na á wúlu bɔ gunyin goon dinsɔɔ̃, bɛ̀ a bɛ́ á n din kɔ gɛ̀ la wɔa lɛa, kɔsɔ ba n zɛnɛɛ doo wa.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Sii-nyaan 1:18

Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.