Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 52:9 - LAWA A BOO SONBORE

9 Zeruzalɛmu a kɛbɔlɔn lɛn, ka foo kɔɔ̃nbaa ǹ lɛ dɛ, ka loe lɔ kun! A giala Dɛnaa Lawa n wusii a zaman foo taɛ̃. A n Zeruzalɛmu sii diɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

9 Zeruzalɛmu a kɛbɔlɔn lɛn, ka foo kɔɔ̃nbaa ǹ lɛ dɛ, ka loe lɔ kun! A giala Dɛnaa Lawa n wusii a zaman foo taɛ̃. A n Zeruzalɛmu sii diɛ.

အခန်းကိုကြည့်ပါ။ ကော်ပီ




Izayii 52:9
24 ပူးပေါင်းရင်းမြစ်များ  

Maǹ die Dɛnaa Lawa tɔ kɛ kalɛɛ Zeruzalɛmu gɔ́ɔ̃ nɛ, maǹ die loe loe ǹ na a para pɛ nɛ.


Kanaa minin lɛn, ka tumaa foo kɔɔ̃nbaa ǹ fòo da Dɛnaa Lawa nɛ, ka n lɛn saa, ka loe lɔ ka foo kɔɔ̃n nɛ, ka kaa bɛ̀ dɛ ǹ mànan wuu bɔ.


Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.


Sisia kəni, tán tumaa golee kiĩni, a nə n susui. Min tumaa n foo kɔɔ̃nbaa ǹ lɛ dii.


Kaa Lawa pɛ: Ka maa zaman lɛ foo doa, hiĩ ka maa zaman lɛ foo doa.


Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.


Má n sãn kɛn tuturu ka labara bɛ́ lɔn. Má n sii baraan kɛn loo ka furuməə bɛ́ lɔn. Wusoo n da ma li, ma nə n si sii la wole lɛa.»


Nsɛ, lon, loe lɔ ka foo kɔɔ̃n nɛ. Nsɛ, tán giulun, n lɛn saa lon, a giala, Dɛnaa Lawa na á sii zɛnaa. Kasɛn kelen laanka dan kɛn nɛ daã nɛ, ka n lɛ dɛ ka foo kɔɔ̃n nɛ. A giala, Dɛnaa Lawa ná a zaman kirisibaa, a ná a tɔ golebaa nyaa Izirayeli gána nɛ.


Sɛnɛ, man toɛ maa dí-nyalin boon nə yɔrɔ yɛ. Maa dia dí-a wolen nə boo mɛn da, man toɛ bɛ yɔrɔ yɛ. Man kɛ pii Zeruzalɛmu a paǹ li: «Ǹ tá re wusii ǹ giã n nɛ doo.» Man kɛ pii Zudaa kiwin wɔ paǹ li: «Ǹ tá re wusii ǹ ka dɔ.» Hiĩ, ǹ tá re wusii ǹ kaa kɛbɔlɔn dɔ doo.


Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»


Lon, n gɔn dɛ! Tán, nsɛ nə n nyɛnyɛɛ! Kelen lɛn, ka foo kɔɔ̃nbaa ǹ lɛ dɛ! A giala, Dɛnaa Lawa n wusii a zaman lɛ foo doɛ. A n makara boe nɔmaa-wɔlen ganaa.


Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!


Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.


Ka á re soe *Baabilonii ka foo kɔɔ̃n nɛ, ǹ wusoo ǹ wo ka-n piɛ ka là nyantoro ne. Kelen laanka tentenen tá re n nyɛnyɛɛ ka ganaa zii la ka foo kɔɔ̃n nɛ. Don a dan tumaa á re n gɔn dii ka ganaa.


Kungɔnɔn kɛn ǹ nə́ kaa lɛlɛ, ǹ tá re bɛn doe. Bǎãn mɛnɛn nə ziziɛ̃ haalɛ bibi, ǹ tá re wusii ǹ bɛn dɔ. Kiwin mɛnɛn nə yu lɛlɛ, ka bǎãn kɛn nɛ ǹ nə ziziɛ̃ haalɛ bibi, ǹ tá re wusii ǹ bɛn dɔ.


Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.


Zeruzalɛmu minin, ka n mɔmɔɔsɛ là-paparɛɛ gɔn ka n lɛ dɛdɛ, ka lɔ nɔnaa n nɔɔrɔ koe. A giala, kanna, ka n die soe ka kiwi lɛ toa, ka á re giɛ̃ don miɛ̃, yǎa ka woe doe *Baabilonii. Sɛnɛ, ka á re kirisibiɛ walan, Dɛnaa Lawa á re ka sii kaa zɔ́ɔn lɛn la.


Taãn nɛ, Lawa a sɛ́wɔ pɛ: «Nsɛ lɔ mɛn bɛ́ n tɔn nɛ yɛ duduu wa, yoo n nə n nyɛnyaa! N lɛ dɛ ka foo kɔɔ̃n nɛ, nsɛ mɛn bɛ́ n tɔn nɛ-yɛ a fuubaa dɔ̃ wa! A giala, ǹ lɔ mɛn toa walan, bɛ á re nɛ yii a la lɔ mɛn bɛ́ kun ka ǹ zuũ-n ni.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ