Izayii 52:7 - LAWA A BOO SONBORE

⁷ Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

LAWA A BOO SONBORE 2011

⁷ Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

Izayii 52:7 ပူးပေါင်းရင်းမြစ်များ

Loen 59:13

Ǹ boo bɔbɔnboɛɛn tumaa n sɔ lɛa, ǹ nə́ koe n ganaa. Toa ǹ din gole kɔ lɛ nə ǹ dinin kũ, ka kan bɛ́ lɔn. A giala ǹ sii tumaa n doa-n kɛ ganaa, boo baraa diɛ laanka soɛ-bɔ.

Loen 68:11

N din nə ń nə́ n zaman lɛ koa walan, bɛa bǎã kɛ lɛ nɛ. N din Lawa sonbore bǎã mɛn yɔrɔ bɔ, ń koa doobaa nɛ.

Loen 93:1

Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

Loen 96:10

Ka pɛ tɔrɔ tumaa nɛ: Dɛnaa Lawa lɛ n kii lɛa, bɛ lɛ nɛ kanaa lɛ á golee ne, a ná a ba talɛɛ wa. Dɛnaa Lawa lɛ n kiri we minin-a, ka peperebaa nɛ, a ba bɔkɔnlɛ we wa.

Loen 97:1

Dɛnaa Lawa lɛ n kii lɛa. Kanaa minin nə bɛ̀ baa ka foo kɔɔ̃n nɛ, haalɛ gána sɔsɔɔ minin kɛn, ka dɔn nə n nyɛnyɛɛ.

Loen 98:2

Dɛnaa Lawa nyaa kanaa tumaa yɔrɔ-a, mà asɛ din nə wɔ kirisibaali lɛa, á ná a peperebaa nyaa.

Loen 98:3

Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Loe kɔɔ̃n kɔɔ̃n 2:8

Ma din foo dùũ wɔ lɛ lɛ á boe! Á ke yii die! A n pipiɛ̃ kelen la, paparɛ tentenen la,

Izayii 24:23

Sìi á re mui kuĩ, sìi á re n koe wasa lɛ. A giala, Dɛnaa Lawa Pàãyiidɛnaa n die kii biɛ Zeruzalɛmu, *Siɔn kele la. Dɛnaa Lawa a gugurubaa n die tɛ pii kiwi, min golen yɔrɔ-a.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 40:9

*Siɔn boo tii kɔɔ̃n pɛle, dii kele sasa la, Zeruzalɛmu, boo tii kɔɔ̃n pɛle, n lɛn saa ka pàã nɛ, n lɛn saa lon, nyɛ́ɛ nyan nə n kũ wa. A pɛ Zudaa kiwin manɛ: «Kaa Lawa á ke!

Izayii 41:27

Ma din Dɛnaa Lawa n má a boo da *Siɔn bibinaa nɛ, má maa dia dí-a wole dia Zeruzalɛmu máa a wo boo tii kɔɔ̃n pɛ.

Izayii 42:11

Diə gole laanka a kiwin lɛn, Kedaara a kiwi bisinin lɛn ka loe lɔ! Selaa minin nə n lɛ dɛ ka foo kɔɔ̃n nɛ, ǹ nə n toa kelen mìi ni, ǹ foo kɔɔ̃nbaa ǹ lɛ-dɛ wɔ.

Misee 4:7

Wɔ̀lɔ̀ goã ǹ mɛnɛn lɛn ganaa, ma á re bɛn toɛ maa zaman lɛ tɔrɔ lɛa. Ǹ nə ǹ mɛnɛn lɛn loo, ǹ nə́ woo ǹ ne sɔsɔɔ, ma á re ǹ soekɔn, ma ǹ baa gána pàãdɛnaa lɛa. Dɛnaa Lawa din tá re goɛ̃ ǹ kii lɛa, Siɔn kele kɛ la, a kũ bɛa pinaa lɛ ganaa, yǎa duduu.

Nahumu 2:1

Á ke, ma yii n dia dí-a wole ganaa, kele mìi-n die: A n die ka boo tii kɔɔ̃n nɛ, là nyantoro boo ne. Ka kaa zɔ́nɔn zɛnaa, Zudaa minin lɛn. Ka lɛ kɔ Dɛnaa Lawa la ka mànan mɛnɛn nɛ, ka bɛn zɛnaa. Min baraa kɛ a re doe kaa gána-n doo wa, a pàã mɛnaa.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Marki 13:10

Lawa a Boo Tii Kɔɔ̃n doamaa nɛ a n pɛ tɔrɔ tumaa-n bɔrɔ, bɛ kio, bɛa siin lɛn nə tɔn nə n zɛnaa.

Marki 16:15

Bɛ kio, á tɔ́n pɛ ǹ nɛ: «Ka wo kanaa paǹ tumaa nɛ, ka Boo Tii Kɔɔ̃n pɛ min din tumaa nɛ.

Luku 2:10

Lon a dia dí-a wole lɛ mà ǹ ganaa: «Ka baran nyɛ́ɛ baa wa! Á ke, masɛ n má daa boo kɔɔ̃n pɛ ka nɛ, màn mɛn nə́ die gána kɛ a minin tumaa foo kɔɔ̃n koe parsiini.

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Efɛɛzi minin 6:15

Ka din kɔ sii ganaa baa kɔsɔn lɛa, ka ǹ wɔ ka gòãn ganaa, ka là nyantoro yɛ ǹ Boo Tii Kɔɔ̃n kɛ pɛ nɛ.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 14:6

Bɛ kio, má lon a dia dí-a wole goon kɔsɔ yɛ piɛ̃ lon sɔsɔɔ. Boo Tii Kɔɔ̃n mɛn bɛ́ a kɔɔ̃nbaa a nyɛɛ wa, bɛ na a gɔn, a n die pii tán minin manɛ, ǹ nə́ tɔrɔ tumaa lɛa, gána tumaa nɛ, bɔlɔ tɔrɔ totoro pɛlen lɛa, ka zaman tumaa nɛ.