Izayii 52:3 - LAWA A BOO SONBORE

³ Dɛnaa Lawa bɛ́ boo mɛn diɛ, á ke: «Maǹ nə́ goã ǹ nə́ ka sã bɛ̀rɛn lɛa kooro. Ǹ tá re wusii ǹ ka mìi bɔ wɔrɔ ná a ba a-n wa.»

LAWA A BOO SONBORE 2011

³ Dɛnaa Lawa bɛ́ boo mɛn diɛ, á ke: «Maǹ nə́ goã ǹ nə́ ka sã bɛ̀rɛn lɛa kooro. Ǹ tá re wusii ǹ ka mìi bɔ wɔrɔ ná a ba a-n wa.»

Izayii 52:3 ပူးပေါင်းရင်းမြစ်များ

Loen 44:12

N din nə́ ń wɔ kɔ, ka tɔɔn bɛ́ lɔn, ǹ nə́ woe ǹ dii. Ń wɔ loo, ń wɔ pɛsɛ̃ bǎã tumaa nɛ, tɔrɔn bii.

Loen 44:13

Ń ke ń nə́ n minin lɛn sã giɔ̀mɔ kɔɔ̃n ganaa, á ke, n là kɔn dɔ yɛ-a wa.

Izayii 1:27

Bɛ̀ Siɔn kiwi kɔ peperebaa ǹ zii lɛ, á re kirisibiɛ. A min mɛnɛn bɛ́ re n bɔyɛɛ ǹ da masɛ li, bɛn tá re kirisibiɛ ǹ peperebaa taman yii.

Izayii 45:13

Ma din ni má giĩ lɛ da zii la, màn mɛn bɛ́ toɛ a peperebaa zɛnaa. A bɛ boe la a n gòã na màn mɛn tumaa ganaa, ma á re bɛ yii tumaa woɛ̃ ma bɔ a nyɛɛnɛ. A din nə die wusii a maa kiwi Zeruzalɛmu dɔ. Ǹ min mɛnɛn goa ǹ nə́ woo ǹ ne bɛ̀rɛbaa ǹ bǎã nɛ, a din nə die toɛ ǹ wusoo ǹ daa. Ǹ ba re màn kɔn boe wa, ǹ ba re màn kɔn sarɛɛ wa. Dɛnaa Lawa Pàãyiidɛnaa na á pɛ.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Izayii 62:12

Ǹ tá re ǹ bíi mà «Tɔrɔ sonbore» «Dɛnaa Lawa min mɛnɛn si á ǹ kaa». Nsɛ Zeruzalɛmu, ǹ tá re n bíi: «Lawa foo sii kiwi», «kiwi mɛn bɛ́ ǹ nə n la bɔ a ganaa wa».

Izayii 63:4

A nà á goã ma gɔ́ɔ̃ nɛ, máa ma gɛ̀ dòo bɔ. Maa zaman lɛ a si a kaa lɛ̀ na á dɔ.

Zeremii 15:13

Zudaa, ǹ tá re n naforo laanka n gɔn màn giɔ̀mɔ kakaan kɛn kokoe. N ba re màn kɔn yii ǹ dòo wa. N sii baraa mɛn tumaa zɛnaa n gána lɛ nɛ, bɛn lɛn lɛa nɛ.

Ezekieli 16:31

N bɛ́ kɔrɔbaa ǹ bǎãn kɛn doe, dì wúlu bɔ n bǎãn kɛn, ziin tumaa a giala kɔ ǹ bǎãn nɛ, zaman paãn bǎã tumaa nɛ, n bie n zɛnaa ka lɔ kɔrɔn kɛn dɔn dinin wɔ bɛ́ lɔn wa. N lɛ kɔ saraa ganaa wa.

Ezekieli 34:27

Wuru gɔ́ɔ̃ dan tá re nɛ koe, tán tá re bǐɛ̃ koe. Maa zaman lɛ á re giɛ̃ ǹ gána nɛ, ǹ yiri n bǎã goon ne. Ma á re ǹ sii nɔmaa la. Min mɛnɛn bɛ́ boe ǹ yii ni, ma á re ǹ sii bɛn la. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.

Lawa a wúlu-bɔlen 25:54

Bɛ̀ Izirayeli min lɛ boo la á n din nyin si ka bɛa yɔrɔ kɛ lɛ kɔn nɛ wa, bɛ̀ lɛ̀ posooro zɔ́n dɔ, tii lɛ doamaa nɛ a n gɔn bɔ a ganaa a woo, a din laanka a nɛnyaanan nɛ.

Piɛrɛ1 1:18

Ka á doɛ̃ mà ka tɔ wɔ ǹ gɔn mɛn saa ka digolon la, mà Lawa bie á ka bɔ bɛa tɔ wɔ ǹ gɔn kooro kɛ lɛ nɛ ka màn nya wolen ne wa. Kaa bɔ ǹ giɔ̀mɔ lɛ bie wɔrɔ lɛa wa, sana dɔ bie wa.