Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 52:2 - LAWA A BOO SONBORE

2 Gusuũ mɛn nə n kɔ n lɛ, bɛ duduu n bɔ n ganaa. Zeruzalɛmu, yoo, n giã tán! Siɔn, kòso nɛ, zɔrɔka bɔ n bɔ n bɔlɔ-a!

အခန်းကိုကြည့်ပါ။ ကော်ပီ

LAWA A BOO SONBORE 2011

2 Gusuũ mɛn nə n kɔ n lɛ, bɛ duduu n bɔ n ganaa. Zeruzalɛmu, yoo, n giã tán! Siɔn, kòso nɛ, zɔrɔka bɔ n bɔ n bɔlɔ-a!

အခန်းကိုကြည့်ပါ။ ကော်ပီ




Izayii 52:2
19 ပူးပေါင်းရင်းမြစ်များ  

Bɛa pinaa kɛ nɛ, guĩ mɛn bɛ́ n kɔrɔn, á re bɛ siɛ a bɔ n la. N zǔu lɛ á re yiɛ, a giala n tá re wusii n pàã yɛ.


Ma á re Asiirii minin pàã nyɛɛ maa gána nɛ. Ma á re ǹ yɔyɔrɛ maa kelen kɛn la. Ǹ pàã ke maa zaman wìi li ka zǔu bɛ́ lɔn, ma á re bɛ siɛ ma bɔ ǹ la. Ǹ guĩ guguru ke maa zaman kɔrɔn, ma á re bɛ gisĩ.»


N tá re mɛnɛɛ, n lɛn nə die goɛ̃ ka a n boe nyankɔrɔ zuzulu ni. Gusuũ a re toɛ n lɛn ma wa. A n ka a n boe tán giulun, ka nyín-biili lɛn bɛ́ lɔn, boo diɛ gusuũ li.


Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.


N tá re pii n din gɔ́ɔ̃-n kəni: Die na á nɛnyaanan kɛn tumaa kɔ ma la? Man má goã gɛlaa lɛa, maa nɛ banban. Man má goã bɛ̀rɛbaa ǹ bǎã nɛ, gɔn dɔ̀ɔ̃ nɛ. Kɛn bíi-a, die na á ǹ too? Ma bɛ́ má goã bíi-a ma dinsɔɔ̃, bɛa nɛnyaanan kɛn man nə́ goã maa kəni?


Kànaa ka boɛɛn nɛ, kòso nɛ mɛn bɛ́ bɔ ǹ lɛ ba la wa, ǹ tá re bɛ boe ǹ da. A re giɛ̃ kòso-n wa, màn-bii á re nyaabiɛ a ganaa doo wa.


Min mɛnɛn bɛ́ boe n yii ni, man die paan lɛ we bɛn gɔn. Maǹ nə́ goã pii n ganaa kɛnɛn: «Waa tán, wɔ tɔ wɔ n la!» N dɔ̀ɔ̃ na á goã kiɛ̃ ǹ bǎã lɛa, zii lɛa ǹ nə́ tɔ we la.


Yoo lon Zeruzalɛmu, n tɛ pɛ! A giala, tɛ fúlu n boe n wɔ lɛa. Dɛnaa Lawa a gugurubaa kɛ n fúlu boe n nɛ.


Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.


Zɔ́ɔn gòã ganaa ǹ kɔsɔn kɛn bìn diɛ tán ganaa, ka mɔnaan kɛn nɛ mà lɛa, bɛn tá re n zuĩ tɛ buə ne tɛ á re ǹ tumaa kuĩ.


Ee, Maa zaman, soo n nə bɔ kiwi kɛ nɛ! Didie baa si, a ga a din li, a n duru maa foo-yoo baraa kɛ nyɛɛnɛ!


Kasɛn mɛnɛn nə n si gɛ̀ la, ka woo, ka nyan gole kànaa wa! A ka toa sɔsɔɔ ka n yiri koa Dɛnaa Lawa nɛ, ka n taasɛ Zeruzalɛmu ganaa.


Ka baa si, ka n wɔlɔ sɔsɔɔ kɔ Baabilonii ganaa! Didie tumaa ga a din li! Ka bɛ nɛ, ka a re giɛ̃, a sii baraan lɛa wa. A giala, Dɛnaa Lawa a dɔlɔ bɔ biikoo ne. A kɔnbɔ ka màn mɛn nɛ, a n die bɛ lɛ a saraa koe la.


Wuru gɔ́ɔ̃ dan tá re nɛ koe, tán tá re bǐɛ̃ koe. Maa zaman lɛ á re giɛ̃ ǹ gána nɛ, ǹ yiri n bǎã goon ne. Ma á re ǹ sii nɔmaa la. Min mɛnɛn bɛ́ boe ǹ yii ni, ma á re ǹ sii bɛn la. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.


Má nɔ̀n da la má a n woe maa. Á ma lɛ si mà asɛ n woe Zeruzalɛmu zoɛ̃, asɛ na a pəməbaa laanka a sasabaa dɔ̃.


Lon a dia dí-a wole mɛn bɛ́ boo diɛ ma nɛ, a bɛ́ á n zɔ̃ á die, lon-a dia dí-a wole kɔsɔ daa n da lɛ,


Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.


Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,


Má lɛn kɔsɔ ma boe lon pii: – Lawa a minin lɛn, ka soo ka n bɔ kiwi kɛ nɛ, ń giɛ koe mɛn bɛ́ re ǹ yii, ka gii baran yɛ bɛ laanka ǹ sii baraan kɛn nɛ wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ