Izayii 52:14 - LAWA A BOO SONBORE

¹⁴ Min mɛn tumaa yɛ, nyɛ́ɛ nə́ ǹ tumaa kũ. A giala, a yɔrɔ nə́ n bɔyaa á la yii ni. A minbuiin nɛ a kɔnboe lɛa doo wa.

LAWA A BOO SONBORE 2011

¹⁴ Min mɛn tumaa yɛ, nyɛ́ɛ nə́ ǹ tumaa kũ. A giala, a yɔrɔ nə́ n bɔyaa á la yii ni. A minbuiin nɛ a kɔnboe lɛa doo wa.

Izayii 52:14 ပူးပေါင်းရင်းမြစ်များ

Loen 22:15

A n ka ma pàã yii na á mu baa, ma gù kòròn nə́ n bɔ kɔn lɛ. Ma foo yo ma gɔ́ɔ̃ nɛ ka nyɔɔ nɛ.

Loen 22:17

Ginin nə́ ma da bii, mɛnaa minin la wolen nə́ ma lɛnpɛnɛ, ǹ nə́ ma gɔnɔn laanka ma gòãn yii kaka.

Loen 71:7

Min gigiã yɔrɔ-a, man má goã gama-a ǹ màn lɛa, a giala, n din nə́ ń goã ma tamaali sonbore lɛa.

Izayii 50:6

Min mɛnɛn bɛ́ ǹ nə́ goã ma duwii, má n dɔ̀ɔ̃ dia ǹ la. Má n lɛtoro dia ma lɛtoro ka woɛ̃ wolen la. Min mɛnɛn bɛ́ ǹ nə́ goã sɔ kiɛ ma la, ǹ nə́ sɛ̀ kiɛ ma ganaa, man yɔrɔ duru bɛn la wa.

Matiə 26:67

Bɛ kio, ǹ nə́ sɛ̀ kakaa a yɔrɔ-a, ǹ nə́ dɛdɛ ka gɔn-muniin ni. Min tɛn nə́ ǹ gɔn tɔtɔ a para-n,

Matiə 27:14

Sɛnɛ, Yezu na a lɛ si ka bɛ kɔ́n nɛ wa. Bɛ lɛ na á gánadɛnaa tɔwaa parsiini.

Matiə 7:28

Yezu bɛ́ á bɛa doreen kɛn lɛn kɔ á nya ǹ mɛn waáraa, zaman lɛ nə́ n kaãbaa a minin daraa ǹ gɔn ganaa parsiini.

Marki 10:26

Bɛa boo lɛ kaãbaa da a kialandɛnan lɛn ganaa doo á la yii ni. Ǹ nə́ tɔ́n pɛ kɔn nɛ: «Bɛ̀ á miɛ̃, die n boe la a kirisibaa?»

Marki 10:32

Bɛ kio, ǹ nə́ mɛ zii la ǹ nə́ woo Zeruzalɛmu. Yezu na á goã a kialandɛnan nyɛɛnɛ. A kialandɛnan yiri nə́ n lɔlɔkɔn. Ǹ nə́ goã koe lɛ, sɛnɛ, nyɛ́ɛ goã ǹ ganaa. Sii mɛn bɛ́ re n zɛnɛɛ nɛ kànaa ka boɛɛn nɛ, a ná a kialandɛnaa fulupaa lɛ kũ doo, á pɛ ǹ nɛ:

Marki 5:42

Nɛnɛn lɛ yoo gɔrɔ, a ná a giala kɔ a tɔ wɔ. (Lɛ̀ fulupaa nɛ nɛ). Ǹ bɛ́ ǹ nə́ bɛ yɛ lɔn gɔrɔ, á kaãbaa gole da ǹ ganaa parsiini.

Marki 6:51

Bɛ kio á wɔ goo-n kunun ǹ ni, piɛ̃ lɛ tɔ́n golee. A kialandɛnan lɛn nə́ n kaãbaa parsiini haalɛ.

Marki 7:37

Minin nə́ goã n kaãbiɛ a zɛnaa ǹ siin ganaa á la yii ni. Bɛ lɛ nɛ, ǹ nə́ goã pii: «E, ka ga a zɛnaa ǹ siin ganaa dɛ! Ǹ tumaa n siĩn sɔɔ̃nɛ. A n too tere-an dinin diɛ boo ma ganaa, a n lɛ tere-an dɔn diɛ boo diɛ ganaa.»

Luku 2:47

Min mɛnɛn yii goã n too koe nɛ lɛ lon, bɛn tumaa goã n kaãbiɛ a sii-doɛ̃ ganaa ka a boon lɛ si ǹ gɔn nɛ.

Luku 4:36

Á kaãbaa da min tumaa ganaa, ǹ nə́ goã pii kɔn nɛ mà wàa boo n ka kɛ nɛ? Mà giĩ kɛ n sɛ̀ pii nɔ̀ɔn baraan ganaa ka pàã nɛ, maǹ ná a bɔlɔ sii dɔn!

Luku 5:26

Ǹ tumaa nə́ n kaãbaa. Ǹ nə́ goã Lawa guguru koe. Nyɛ́ɛ bɛ́ ǹ ganaa, maǹ nə́ goã pii kɔn nɛ mà ǹsɛn nə́ siin yɛ pelo, màn mɛnɛn nə́ ǹ ba n zɛnɛɛ baraabaraa wa.