Izayii 52:12 - LAWA A BOO SONBORE

¹² Sɛnɛ ka nyan soo kiwi lɛ nɛ ká baafuubaa nɛ ká maǹ ka lui wa. A giala, Dɛnaa Lawa din nə tɔ we ka nyɛɛnɛ, Izirayeli a Lawa n tɔ we ka kio.

LAWA A BOO SONBORE 2011

¹² Sɛnɛ ka nyan soo kiwi lɛ nɛ ká baafuubaa nɛ ká maǹ ka lui wa. A giala, Dɛnaa Lawa din nə tɔ we ka nyɛɛnɛ, Izirayeli a Lawa n tɔ we ka kio.

Izayii 52:12 ပူးပေါင်းရင်းမြစ်များ

KZS1 14:15

Bɛ̀ ń bìn diɛ ma dan lɛn mìi ni ǹ mɛn waáraa ka gòã wuu n boe, soo bɛa waáraa kəni n nə ǹ zia baa, a giala masɛ Lawa á re soe n nyɛɛnɛ ma Filisiti minin zia nɛn lɛn dɛ.»

Bɔ bɛ̀rɛbaa nɛ 12:11

Bɛ̀ ka tá a siĩ lɛ soɛ̃, ka sɔ̃ fufuu, ka binbin goã yii-n ka maabɛlɛ nɛ, kɔsɔn nə́ ka gòã ganaa, bàlà n ka gɔn, ka n pɛ mà ka n woe zii-n sisia. Dɛnaa bɛ́ re kiɛ̃ a ka toa walan, bɛa zɔ́n nɛ.»

Bɔ bɛ̀rɛbaa nɛ 12:33

Ezipti gána minin lɛn nə́ zaman lɛ nyankɔ, ǹ nə́ zii kɔ ǹ la fufuu, mà ǹ soo ǹ nə bɔ gána lɛ nɛ. Maǹ taasɛ mà ǹsɛn tumaa n die giɛ̃.

Bɔ bɛ̀rɛbaa nɛ 12:39

Ǹ soo ka buuru wùsu yia mɛn nɛ Ezipti gána nɛ, ǹ nə́ bɛ da mɔ̀mɔ lɛa, yɔ bù ná a ba li wa, a giala, a yoo wa. Ǹ bɛ́ ǹ bie ǹ nə́ n yɔrɔ bɔ, ǹ nə́ tɔ́n nə ǹ loo Ezipti gána lɛ-n wa, ǹ boo la ǹ nə́ màn-bii saa wa.

Bɔ bɛ̀rɛbaa nɛ 14:8

Dɛnaa toa Ezipti gána a kii Faarahɔn too kaka kɔ. Á yoo á Izirayeli nɛnyaanan loo, Izirayeli nɛnyaanan mɛnɛn nə soo, ǹ nə́ n bɔ bɛ̀rɛbaa nɛ.

Izayii 26:7

Dɛnaa Lawa, min mɛn bɛ́ n bɔlɔ sii, bɛa dɛnaa a zii n pepere. Ń zii pepere yɔrɔ bɔ a wɔ lɛa.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 45:2

Ma dinmaa á re tɔ we n nyɛɛnɛ. N bɛ́ boe la n nə n gòã na màn mɛn tumaa ganaa, ma á re bɛn tumaa woɛ̃ ma bɔ n nyɛɛnɛ. Kiɛnlɛ-an goon mɛnɛn bɛ́ zan lɛa, ma á re bɛn yiyiɛ. Goo nɛn mɛnɛn bɛ́ fɔlɔ lɛa, ma á re bɛn yɔyɔrɛ.

Izayii 49:10

Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

Izayii 49:11

Ma á re kele mìin bɔyɛɛ ma ǹ baa kiɛ̃ ǹ zii sonboren lɛa. Ma á re tii kiɛ nyankɔrɔn nɛ ǹ yoo lon.

Izayii 51:14

Kànaa ka boɛɛn nɛ, kòso nɛ mɛn bɛ́ bɔ ǹ lɛ ba la wa, ǹ tá re bɛ boe ǹ da. A re giɛ̃ kòso-n wa, màn-bii á re nyaabiɛ a ganaa doo wa.

Izayii 57:18

Má a giã ǹ gɔn yɛ, sɛnɛ, ma á re a kaka koe, ma a foo taã, asɛ nɛ ka min mɛnɛn bɛ́ gɛ̀ koɛ.

Izayii 58:8

Ka bɛ nɛ, n wɔlɔ fúlu n die yui tán ka baayɛlɛ a wɔlɔ fúlu bɛ́ lɔn. N baayɛrɛ lɛ á re nyɛɛ fufuu. N peperebaa á re n nyɛɛnaan boe, Dɛnaa Lawa a gugurubaa kɔ n kio lɛ.

Misee 2:13

Min mɛn lɛ bɛ́ zii buĩ ǹ ni, bɛ lɛ n woe ǹ nyɛɛnɛ. A zii mɛn bũ ǹ ni, ǹ nə́ bɔ ka bɛ nɛ, ǹ nə́ soo. Ǹ kii lɛ mɛ ǹ nyɛɛnɛ, Dɛnaa Lawa mɛ ǹ nyɛɛnɛ.

Minin nimi 10:25

Dan tɔrɔn giã ǹ bǎã a zaman na á yoo á zii saa, ka zanzan nɛ ǹ zia nɛ kurun yii li, giã ǹ bǎã gialakunun lɛn tumaa kio. Amisadayi a nɛgiĩ Ayiezɛɛrɛ na á goã Dan tɔrɔn mìi la.

Timəə dí-pɛn 16:3

Yɔ bù bɛ́ buuru mɛn li, ka nyan bɛ sɔ̃ kun ka bɛa zɔ́n lɛ a màn-bii-n wa. Yɔ bù bɛ́ a ba buuru mɛn li wa, ka bɛ sɔ̃ lɛawaa sɔbaa gɔ́ɔ̃ nɛ. Nɔmaa ǹ buuru ni, a giala, ka n ká soo Ezipti gána-n ka fuu ni. Bɛ̀ ka á bɛa buuru lɛ soɛ̃, ka n yiri kɔ kaa soo Ezipti gána-n lɛ li, kaa yiikoonaabaa lɛawaan tumaa gɔ́ɔ̃ nɛ.

Timəə dí-pɛn 20:4

A giala, kaa Lawa, Dɛnaa Lawa din nə die miɛ kun ka nɛ, a n dɔ ka lɛ, a zia baa kaa zɔ́ɔn lɛn ganaa, a gɔ̀lɔ̀baa kɔ ka la.»

Zozoe 4:11

Zaman lɛ tumaa bɛ́ á kiɛ̃ á nya ǹ mɛn waáraa, Dɛnaa Lawa a goo lɛ laanka wúlu-bɔlen lɛn nə́ kiɛ̃, ǹ nə́ mɛ zaman lɛ nyɛɛnɛ.

Zozoe 6:9

Wúlu-bɔlen mɛnɛn nə goã bɛn pii, zia-baalin lɛn man nə́ goã tɔ we bɛn nyɛɛnɛ. Zia-baalin mɛnɛn nə goã kio, bɛn man nə́ goã koe goo lɛ kio lɛ. Maǹ nə́ goã n toɛ woe, bɛ̀ ǹ tá bɛn pii.

Sii yɔrɔ-bɔlen 4:14

Deboraa tɔ́n pɛ Baraki ni: «Yoo, a giala, pelo lɛ nɛ, Dɛnaa Lawa á re Sizeraa we n gɔn. Dɛnaa Lawa din nə́ soo á mɛ n nyɛɛnɛ.» Baraki gisĩ á n bɔ Tabɔɔrɔ kele la, ka giĩ duu fù lɛ nɛ a kio.