Izayii 51:9 - LAWA A BOO SONBORE

⁹ N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

LAWA A BOO SONBORE 2011

⁹ N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Izayii 51:9 ပူးပေါင်းရင်းမြစ်များ

Zɔbu 26:12

A din pàã n boe kɔ̀ mu la, a yiridɛnaabaa n mu li ǹ màn babaraa kɛ yɔyɔrɛ.

Zɔbu 9:13

Bɛ̀ Lawa foo yoo, yǎa a sii zɛnɛɛ. Mu li ǹ màn baraa tumaa nə n gùrù naɛ nɛ.

Loen 21:13

A giala, n bɛ́ re sa dii n koa ǹ ganaa, n tá re baa diɛ ǹ gòã li.

Loen 44:1

Koore a minin doree kɔ ǹ loe. A n boe loe-saalin goledɛnaa a sɛ́wɔ nɛ.

Loen 44:2

Ee Lawa, n sii dadaran mɛnɛn zɛnaa lɛlɛ, wɔ digolon wɔa biikoo li, wɔ din ná a laakalaa wɔ nɛ, wɔ́ ma ka wɔ too ne.

Loen 44:23

Sɛnɛ, n din a lɛa nɛ, ǹ nə́ wɔ dii lɛawaa tumaa gɔ́ɔ̃ nɛ, n din a lɛa nɛ, ǹ nə́ giɛ wɔ ganaa ka tɔɔ mànan bɛ́ lɔn, ǹ nə́ die ǹ bɔlɔ kuri.

Loen 44:24

Dɛnaa, yoo! Wàa na á baa n tá nyuù we? Yoo! N nyan wɔ tii yǎa duduu wa.

Loen 59:4

Ǹ nə́ ke, ǹ nə́ n duru ǹ nə́ gɔn diɛ ma ganaa. Bɛa min babaraan kɛn lɛn man giɛ ma li, ǹ nə́ baraa zɛnɛɛ ma nɛ. A da yaa, ma sã ǹ sii kɔn la wa, ma sii baraa kɔn zɛnaa wa, Dɛnaa Lawa.

Loen 7:6

toa maa zɔ́ɔ ma loo a dɔ ma ganaa, toa a ma dɛ a ma tuturu tán, a ma nyin wɔ tii li. *Doa.

Loen 77:5

Dɛnaa, n din nə ma kurii yii tã kɔn ganaa tèlò-n. Ma yiri nə́ n lɔlɔkɔn, ma bɛ́ re boo mɛn diɛ, ma a bɛ doɛ̃ wa.

Loen 78:65

Bɛa biikoo li, ka min din bɛ́ yui nyuù-n lɔn, ka yɔ bɛ́ we min kaka yii-n lɔn, Dɛnaa yoo.

Loen 87:4

Man Ezipti laanka *Baabilonii tɔ bíi, kun maa doɛ̃ wolen ne. Haalɛ minin mɛnɛn dɔn dinin bɛ́ ǹ nə́ yɛ Filisiti, Tiiri ka Etiopii gána nɛ.

Loen 89:10

N din nə boe yìsi mu la, n tá kuĩ, bɛ̀ a mu á yui, n din na a kala wɛɛ.

Loen 89:11

N din nə ń Rahabu gegere kɛ fɔ̃, n ná a gere yɔyɔrɛ, ń nə́ n zɔ́ɔn sasawaa ka n din pàã kɛ nɛ.

Loen 93:1

Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Izayii 30:7

Taãn nɛ, Ezipti a dɔmalɛ n piɛ̃ lɛa, a màn kɔn lɛa wa. Bɛ lɛ nɛ ma á pii gána kɛ nɛ: «Ma n Rahabu lɛa, don màn babaraa piɛ̃-wole ke, sɛnɛ n ba bìn diɛ wa.»

Izayii 51:17

Zeruzalɛmu, n yii kaa! N yii kaa, n yoo n golee lon! Dɛnaa Lawa goã á n da foo-yoo ǹ paan kɛa mu mii ganaa. Ń mi lenlen, á n yii tii.

Izayii 51:5

Peperebaa mɛn bɛ́ ma á die ne, á diri. Kirisibaa biikoo dɔ. Man die kiri we tɔrɔn ganaa ka pàã gole ne. Tɔrɔn mɛnɛn bɛ́ mu nə́ ǹ gánan da bii, bɛn tá re n foo doɛ ma ganaa. Ǹ tá re n foo doɛ ma pàã ganaa.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 53:1

Wɔ boo mɛn ma, die na á golee li? Die na á Dɛnaa Lawa a boo sii la dɔ̃?

Izayii 62:8

Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Ezekieli 29:3

Boo da n pɛ, mà masɛ Dɛnaa Lawa n kɛ pii: Nsɛ Eziptin kii Faarahɔn kɛ lɛ, man die n gialaa. Nsɛ mu li ǹ màn babaraa kɛ lɛ, waa-n tán Ezipti a tà gòã nɛ, táa n din nə́ ń pɛ mà nsɛ din a tà n ka n tà nɛ, ma nsɛ nə ń zɛnaa n din wɔ lɛa.

Misee 7:15

N bɛ́ soe wɔ nɛ Ezipti gána nɛ ǹ mɛn pinaa, n kaãbaa ǹ siin mɛnɛn zɛnaa bɛa pinaa, wusoo n bɛn lɛn miãn zɛnaa, n nyaa wɔ nɛ.

Abakuku 2:19

Kaa wɔ n ka koe ne! Ka ǹ pii gɔn lɛkoro ne: «N yii bũ!» Ka ǹ pii màn nyín ni kɔlɔ lɛa a ná a boo diɛ wa: «N nyan nyuù wɔ wa!» A da yaa ǹ ba boe la ǹ tá sii kɔn nyɛɛ ka-n wa. Sonbore, maǹ nə́ sana laanka wɔrɔ kaa bɛa màn nyínin lɛn la. Sɛnɛ, yiikoonaabaa ǹ piɛ̃ goon din ba ǹ nɛ wa!

Abakuku 3:13

N soo n tá n zaman kirisibiɛ, ka min mɛn bɛ́ n bɔ n koa n wɔ lɛa. Man min baraan kiã yɔyɔrɛ, n na a kion ziziɛ̃ lenlen. Doa

Zakarii 10:11

Ǹ tá re koe yìsi mu kɛ kuri. Masɛ Dɛnaa Lawa, ma á re yìsi mu gole a mu duwii. Haalɛ Niili tà gɔ́ɔ̃ din tá re laɛ. Asiirii gána, din gole-kɔle kɛ á re mɛnɛɛ. Ezipti a pàã á re nyɛɛ.

Zakarii 2:13

Sonbore, man die yui tɔrɔn kɛn gialaa. Min mɛnɛn nə goã ǹ bɛ̀rɛn lɛa, bɛn tá re ǹ dɔn kokoe.» Bɛ̀ bɛ nə́ n zɛnaa, ka á re doɛ̃ ka bɛ nɛ, mà Dɛnaa Lawa Pàãyiidɛnaa na á ma dia.

Luku 1:51

Sɛnɛ, min mɛnɛn bɛ́ n dinin gole koe, Lawa n die a din a pàãdɛnaabaa ǹ gɔn kɛ siɛ lon, a da ǹ bii a ǹ sasawaa.

Zaã a sɛ́wɔ 12:38

Lawa a boo gii-dali Izayii boo mɛn pɛ, a na á kaa bɛ lɛ lɛ: «Dɛnaa, ǹ boo mɛn ma wɔ lɛ-n, die na á golee li? Dɛnaa na á ná a boo sii la nyaa die ne?»

Nya ǹ dín 7:7

Sɛnɛ, gána mɛn bɛ́ re ǹ biɛ bɛ̀rɛn lɛa ke lɛn, ma á re kiri kuri bɛ la. Bɛ kio, ǹ tá re soe, ǹ daa ǹ masɛ guguru kɔ gána kɛ nɛ.

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

Sii-nyaan 11:17

bɛ̀ ǹ nə́ pii: «Dɛnaa Lawa Pàãyiidɛnaa, nsɛ mɛn bɛ́ n tan, n goã n tan, wɔ a barka diɛ n nɛ. A giala n dí nya ka n pàãyiidɛnaabaa nɛ, n nə́ n kiibaa koa.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii yɔrɔ-bɔlen 6:13

Zediɔ̃ tɔ́n pɛ nɛ: Maa dɛnaagiĩ, kaarɛ! Bɛ̀ Dɛnaa Lawa tá kun ka wɔsɛn nɛ, wàa na á baa sii kɛ tumaa tá wɔ yii? Wɔ din nə goã sii dadaran mɛnɛn tumaa laakalɛɛ wɔ nɛ, ǹ nə́ pii mà Dɛnaa Lawa na á ǹsɛn waa á ǹsɛn bɔ Ezipti gána nɛ, bɛa siin lɛn man maa kəni? Sɛnɛ, á ke pelo, Dɛnaa Lawa wɔ toa walan, á wɔ kɔ Madiã minin la.