Izayii 51:7 - LAWA A BOO SONBORE

⁷ Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

LAWA A BOO SONBORE 2011

⁷ Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Izayii 51:7 ပူးပေါင်းရင်းမြစ်များ

Loen 37:31

A n Lawa a landa siin kɛn guĩ a foo ne, a talɛɛ a n bɔ la wa.

Loen 40:8

Bɛ lɛ nɛ má tɔ́n pɛ, máa màn mɛn nə n kiɛ̃ sɛ́wɔ-munii kɛ nɛ maa wɔ paǹ li,

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 37:6

Izayii pɛ ǹ nɛ: – Ka wo Dɛnaa Lawa a boo kɛ pɛ kaa dɛnaagiĩ Ezekiasi ni: «Ń Asiiriin sɔraasin goledɛnaa lɛ ma sɔ koe ma ganaa. N boo mɛn ma, nyɛ́ɛ nyan nə n kũ wa.

Izayii 51:1

Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.

Izayii 54:4

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

Zeremii 1:17

Nsɛ Zeremii, n yɔrɔ bɔ kəni. Yoo! Ma bɛ́ re boo mɛn tumaa diɛ n nɛ, n wo ǹ pɛ. N nyan toa nyɛ́ɛ nə n gɔ̀nɔn bìn da ǹ yɔrɔ-a wa. Bɛ bie wa, masɛ din nə die n gɔ̀nɔn diɛ bìn diɛ ganaa ǹ yɔrɔ-a.

Ezekieli 2:6

Nsɛ minbuiin a nɛ, n nyan nyɛ́ɛ baa ǹ nɛ wa, n nyan nyɛ́ɛ baa ǹ da ǹ boon dɔn man wa. N tá kunun ǹ ni kɛ n ka min na á giã koronkoron laanka nyan bii, ka min na á giã ton kɛ la sɔn doe. N nyan nyɛ́ɛ baa ǹ da ǹ boon man wa, n nyan nyɛ́ɛ baa ǹ yii-n duduu wa. A giala, piã-wɔlen manɛ.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Matiə 5:11

Ǹ bɛ́ sɔ kiɛ kasɛn mɛnɛn la, bɛ̀ ǹ ka nɔmaa masɛ a kialandɛnaabaa lɛ taman yii, bɛ̀ ǹ sii baraa tɔrɔ din tumaa zɛnaa ka nɛ, ǹ soɛ da ka la, Lawa á re barka diɛ ka ganaa.

Luku 6:22

Bɛ̀ minin tá ka biɛ zɔ́ɔ, ǹ nə́ n nyanɛɛ ka nɛ, ǹ nə́ sɔ koe ka ganaa, ǹ nə́ ka tɔ baraa pii Min a Nɛgiĩ a lɛa, ka dɔ̃ mà Lawa á re barka diɛ ka ganaa.

Nya ǹ dín 5:41

Dia dí-a wolen lɛn nə́ n bɔ kiri-wɔlen lɛn li ǹ nə́ woo. Ǹ foo goã kɔɔ̃n parsiini, a giala, Lawa ga ǹ ganaa, mà ǹ doamaa nɛ, ǹ fuu yɛ Yezu tɔ kɛ a lɛa.

Korɛnti2 3:3

Boo taãn nɛ, ka n sɛ́wɔ lɛa, *Krita din kiɛ̃, masɛ n má daa koa. A bie á kiɛ̃ ka sɛ́wɔ kiɛ̃ ǹ mu-n ma, sɛnɛ, a na á kiɛ̃ ka Lawa yiikoonaa a Yiri Fu ni. A bie á kiɛ̃ kɔlɔn ganaa wa, sɛnɛ, a na á kiɛ̃ minbuiinin foo ne.

Timəə dí-pɛn 6:6

Ma bɛ́ n gɔn wɛɛ ka nɛ ka boon mɛnɛn nɛ pelo, ka toa bɛn nə goã ka yiri ni.

Filipi minin 3:10

Ma bɛ́ giɛ màn mɛn li, man máa ma Krita dɔ̃. Man giɛ li ma a yii kaa a bɔ geren li ǹ pàã kɛ yɛ, ma gii goã a fuun kɛn nɛ, man baa ka a din bɛ́ lɔn a gɛ̀ gɔ́ɔ̃ nɛ;

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.

Ebrəə 10:16

Á pɛ: «Ma bɛ́ re lɛ kɔ kɔn la mɛn we kɔn-a ǹ nɛ, bɛ á ke: ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn lɛn we ǹ foo ne, man die ǹ kiɛ̃ ǹ yiri ni.»

Piɛrɛ1 4:14

Bɛ̀ ǹ tá sɔ koe ka ganaa Krita tɔ kɛ a lɛa, Lawa á re barka diɛ ka ganaa, a giala, Lawa din Yiri kɛ lɛ guguru ke lɛn, bɛ n ka li.

Piɛrɛ1 4:4

Kanna kəni, Lawa-doɛ̃ baãnaan lɛn manə n kaãbiɛ ka ganaa, ka bɛ́ ka a koe ǹ lɛ, ka á kɔrɔbaa a la yii-n kɛ zɛnɛɛ kunun ǹ ni doo wa, bɛ lɛ nɛ, ǹ tá sɔ kiɛ ka la.