Izayii 51:22 - LAWA A BOO SONBORE

²² N Lawa, n Dɛnaa Lawa n kɛ pii asɛ mɛn bɛ́ a zaman a zia gii diɛ: Hiĩ, maa foo-yoo ǹ paan ke n ná a mu mi, á n yii tii, ma á re bɛ sii ma bɔ n gɔn. N ba re a mu mii doo duduu wa!

LAWA A BOO SONBORE 2011

²² N Lawa, n Dɛnaa Lawa n kɛ pii asɛ mɛn bɛ́ a zaman a zia gii diɛ: Hiĩ, maa foo-yoo ǹ paan ke n ná a mu mi, á n yii tii, ma á re bɛ sii ma bɔ n gɔn. N ba re a mu mii doo duduu wa!

Izayii 51:22 ပူးပေါင်းရင်းမြစ်များ

Loen 35:1

Davida a loe n ke. Dɛnaa Lawa, min mɛnɛn bɛ́ ma zɛ̀rɛ biɛ, bɛn zɛ̀rɛ baa, min mɛnɛn bɛ́ zia diɛ ma ganaa, zia da bɛn ganaa.

Loen 60:3

Lawa, ń wɔ daa, ń wɔ nana kɔn. N laanka n foo-yoo lɛ tumaa nɛ, wusoo n nə n yɔrɔ da wɔ la.

Suusun 22:23

Taãn nɛ, Dɛnaa Lawa nə ǹ zia gii-dali lɛa, min mɛnɛn bɛ́ mɛnɛɛ ǹ la, Dɛnaa Lawan bɛn nyin boe.

Izayii 29:9

Ka n kaãbaa, tɔwaa ka kũ! Ka yii tere-an baa, ka goã miɛ̃! Ka yɔdɛnan baa, ka n ka duvɛ̃ mi dɔn wa! Ka tatalaa, ka n ka yɔ kakaarɛ mi wa!

Izayii 3:12

Dɛnaa Lawa n pii: «Maa zaman, min mɛnɛn bɛ́ n nɔmɛɛ, nɛnyaanan manɛ. Ǹ mìilandɛnan man lɔn lɛa. Ee, maa zaman, min mɛnɛn bɛ́ n nyɛɛnaan boe, bɛn manə n yiri siɛ̃. Maǹ nə n diɛ zii baraa la.»

Izayii 3:13

Dɛnaa Lawa yoo kiri wɔ taman yii, a n yui, die kiri we tɔrɔn ganaa.

Izayii 49:25

Dɛnaa Lawa a lɛ si ǹ boo á ke: Hiĩ, sàabaa ba la wa. Ma á re zia-baali a kòso nɛ lɛ gɔsiɛ a gɔn, zia-baali mànan mɛnɛn si zia la, ma á re bɛn sii la. Minin mɛnɛn bɛ́ zia biɛ n ganaa, ma din nə die yui bɛn gialaa, ma n nɛnyaanan kirisibaa.

Izayii 51:17

Zeruzalɛmu, n yii kaa! N yii kaa, n yoo n golee lon! Dɛnaa Lawa goã á n da foo-yoo ǹ paan kɛa mu mii ganaa. Ń mi lenlen, á n yii tii.

Izayii 62:8

Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Zeremii 25:15

Dɛnaa Lawa, Izirayeli a Lawa boo mɛn da ma nɛ, á ke: «Paan kɛ si ma gɔn, piɛ̃-n ka maa foo-yoo ne. Ma bɛ n diɛ tɔrɔn mɛnɛn tumaa li, n kɔ ǹ la ǹ mi.

Zeremii 50:34

Sɛnɛ pàã tá ǹ si sii la wole lon. A tɔ n "Dɛnaa Lawa Pàãyiidɛnaa". A n die ǹ zia gii diɛ ka pàã nɛ. Màn mɛn bɛ́ toɛ, a nyɛ́ɛ da Baabilonii ganaa, a yii-nyɛɛ kɔ tán tumaa la.

Zeremii 51:36

Bɛ lɛ nɛ Dɛnaa Lawa n kɛ pii: Ma dinmaa n die n gɛ̀ dòo boe, ma n zia gii da. Ma á re Baabilonii gána a tà mun piɛ̃, ma a mu pìãn tumaa dama.

Busii pɛ 3:15

Dɛnaa Lawa ma kã ka foo-busii gole ne. Á ma da màn kɔɔsɛ mii ganaa.

Busii pɛ 3:58

Dɛnaa Lawa, ń ma kirisibaa, ń ma nyin si.

Ezekieli 39:29

Ma á re ma din Yiri kɛ koe Izirayeli tɔrɔn la, ma a re n yɔrɔ bɔyɛɛ ma bɔ ǹ la doo wa. Ma din Dɛnaa Lawa a da ǹ boo ne.»

Zowɛli 3:2

Bɛa biikoo lɛ li, haalɛ bɛ̀rɛgiĩn laanka bɛ̀rɛlɔn nɛ, ma á re ma yiri koe bɛn dɔn la.

Abdiasi 1:16

Kasɛn Izirayeli minin kɛn, ká ma gɔn lɛ yɛ maa kele sonbore kɛ la. Man die boe tɔrɔ kɔsɔn lɛn dɔn yii-n miɛ̃ duduu. Ma gɔn tá re miɛ̃ ǹ ganaa, á re doe ǹ yii li. Min din ba re doɛ̃, mà ǹ nə́ goã ǹ tan wa.

Misee 7:9

Wɔ bɛ́ n wɔ́ sii la Dɛnaa Lawa la, bɛ lɛ n ke, a foo yoo wɔ li. Wɔ doamaa-n wɔ bɛ lɛ a dɔlɔ si wɔ ganaa. Sɛnɛ, a pinaa á die, á die n mìi koɛ wɔa sii li, á die sonbore koe wɔ la. Á die wɔ wɛɛ a wɔ kaa wɔlɔ fúlu li, wɔ á die giɛ a peperebaa ǹ dí kɛ ganaa.

Zakarii 12:2

– Man die Zeruzalɛmu biɛ kaaran lɛa, piɛ̃ nɛ ka maa foo yoo ǹ duvɛ̃ nɛ. Tɔrɔn mɛnɛn tumaa bɛ́ a lɛnpɛnɛ, á re bɛn yii tii. Bɛ̀ ǹ nə́ yoo Zeruzalɛmu gialaa ǹ mɛn waáraa, ǹ tá re yui Zudaa minin dɔn gialaa.

Matiə 20:22

Yezu tɔ́n pɛ: «Ka bɛ́ màn mɛn nyankoe, ka a doɛ̃ wa. Masɛ bɛ́ re là-paparɛɛ mɛn yii, ka tá re boe la ka bɛ si ka ganaa?» Ǹ nə́ tɔ́n pɛ Yezu ni: «Wɔsɛn tá boe la.»

Samayeli1 25:39

Davida ma, mà Naabaali gã, á tɔ́n pɛ: «Barka tá Dɛnaa Lawa ganaa, a giala, Naabaali bɛ́ á ga ma lɛ li, Dɛnaa Lawa din na á bɔ maa lɛ-a, á ná a bɛ̀rɛgiĩ kurəə sii baraa zɛnaa ganaa. Dɛnaa Lawa na á toa Naabaali a baraabaa lɛ kũ a din mìi ni.» Davida minin dia mà ǹ wo pɛ Abigayili ni mà asɛ n giɛ li a saa lɔ lɛa.