Izayii 51:20 - LAWA A BOO SONBORE

²⁰ N nɛnyaanan man tán-a zii tumaa mìi ni, pàã ba ǹ lon wa, ka don a luu bɛ́ lɔn kan kũ, Dɛnaa Lawa a foo yoo taman yii, n Lawa a paraa-mali kɛ taman yii.

LAWA A BOO SONBORE 2011

²⁰ N nɛnyaanan man tán-a zii tumaa mìi ni, pàã ba ǹ lon wa, ka don a luu bɛ́ lɔn kan kũ, Dɛnaa Lawa a foo yoo taman yii, n Lawa a paraa-mali kɛ taman yii.

Izayii 51:20 ပူးပေါင်းရင်းမြစ်များ

Izayii 29:9

Ka n kaãbaa, tɔwaa ka kũ! Ka yii tere-an baa, ka goã miɛ̃! Ka yɔdɛnan baa, ka n ka duvɛ̃ mi dɔn wa! Ka tatalaa, ka n ka yɔ kakaarɛ mi wa!

Izayii 40:30

Tɔntɔraan dinin tá nɔmɛɛ, ǹ pàã nya. Min kakan dinin tá boe ǹ mɛnaa.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Izayii 51:17

Zeruzalɛmu, n yii kaa! N yii kaa, n yoo n golee lon! Dɛnaa Lawa goã á n da foo-yoo ǹ paan kɛa mu mii ganaa. Ń mi lenlen, á n yii tii.

Izayii 51:21

Bɛ lɛ nɛ, nsɛ koe-yɛli, n too kɔ sɔnbɔraa nɛ. Ma n ka min mɛn bɛ́ duvɛ̃ ná a yii kũ, a da yaa n duvɛ̃ dɔ mi wa.

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Izayii 8:21

Zaman tá re n bibiĩ gána lɛ nɛ, ǹ nə́ nɔmaa nɛ, bòo nə́ ǹ ganaa. Bɛ lɛ taman yii, ǹ foo á re yui, ǹ lɛn baraa bíi ǹ kii laanka ǹ Lawa li. Ǹ tá re n yɔrɔ diɛ lon,

Zeremii 14:16

Ǹ boon kɛn pɛ min mɛnɛn manɛ, zia laanka bòo n die ǹ dɛnan dii. Ǹ dinin ni, ǹ lɔn nɛ, ǹ nɛgiĩn ni, ǹ nɛlɔn nɛ, ǹ gere n die goɛ̃ tán bǎã tumaa nɛ Zeruzalɛmu a zii mìin ni. Min kɔn ba re yii a ǹ bĩ wa. Ǹ baraan mɛnɛn zɛnaa, man die bɛ lɛ diɛ ǹ mìi ni.»

Zeremii 14:18

Bɛ̀ má soo wurun ni lɔn, á ke, geren man tán bǎã yii ni. Bɛ̀ ma wɔ kiwi lɔn, á ke, ma yii n minin ganaa nɔmaa-n bòo gɔn. Lawa a boo gii-dalin laanka Lawa a wúlu-bɔlen manə n bibiĩ gána lɛ nɛ, ǹ ba màn goon a woo ǹ bǎã doɛ̃ wa.

Busii pɛ 1:15

Dɛnaa Lawa maa sɔraasi kakan tumaa dɛ. Á zia-baali kurun sɔkɔn masɛ á lɛa, ǹ nə́ daa maa sɔraasi tenən yɔyɔrɛ. Á ma tɔtɔrɔ yala-n, ka ǹ bɛ́ rezɛ̃ tɔtɔrɛ lɔn, ma din Zeruzalɛmu, Zudaa kiwi.

Busii pɛ 1:19

Min mɛnɛn nə goã ma narɛ, má lɛ dia ǹ la, sɛnɛ, ǹ nə́ ma tii. Maa Lawa a wúlu-bɔlen laanka maa min golen nə́ gã kiwi lɛ gɔ́ɔ̃ nɛ, ǹ bɛ́ giɛ màn-bii li ǹ mɛn waáraa, mà ǹ yii boo la a goã koo.

Busii pɛ 2:19

Yoo, n nə n lɛ dɛ tèlò-n, kɔn gɔn lɛsi ǹ biikoo tumaa li. Ń gɔ́ɔ̃ toɛ̃ Dɛnaa Lawa yɔrɔ-a, ka mu bɛ́ baa sii lɔn. Ń nɛnyaanan kɛn giɛ̃ bòo gɔn ziin bɔ kɔn-a ǹ bǎã nɛ, n gɔnɔn dia lon Lawa la bɛn lɛa.

Busii pɛ 4:11

Dɛnaa Lawa foo yoo á la yii ni, ǹ miã din da yɛ. A na á n yii taã Siɔn kiwi li. Á tɛ da a ganaa, á kiwi lɛ kũ, yǎa a gòã daa ganaa.

Busii pɛ 4:2

A n siɛ lɔn, *Siɔn minin kɛn, yii n boe ǹ li ka sana yoreen bɛ́ lɔn, ǹ nə́ ǹ biɛ ka donkolon kooro bɛ́ lɔn fuũn nə́ bɔ.

Busii pɛ 5:13

Tɔntɔraan man wii lɔ ǹ gii guĩ. Nɛ tenən manə n gòã niɛ̃ ka gɔn yii ni ǹ mìi ni.

Ezekieli 12:13

Sɛnɛ, masɛ Lawa á re kan koɛ nɛ a kũ. Ma á re woe ne *Baabilonii, Kalde gána nɛ. Á re giɛ̃ walan, a yii ná a re gána lɛ yii wa.

Ezekieli 17:20

Ma á re biɛ koɛ nɛ, maa kan tá re kuĩ. A naarɛbaa ǹ sii mɛn zɛnaa, Ma á re woe ne Baabilonii gána nɛ, ma á re dɔlɔ boe a ganaa walan.

Ezekieli 39:19

Ma nə ǹ bíi, ma á bɛa wúlu màn kɛ lɛ koe ǹ la. Ǹ tá re siĩ nyɔɔ soɛ̃ ǹ kã, ǹ mà mi, a n tɔ ǹ nɛ.

Timəə dí-pɛn 14:5

don a zù ni, yuùn ni, luu ni, tiã nɛ, don sère ne, woree ne ka don bòe ne.

Timəə dí-pɛn 28:20

Ka bɛ́ re n gɔn diɛ dí woo dí ganaa mà ka n nyɛɛ, Dɛnaa Lawa á re bɔ̀n diɛ ka ganaa bɛ gɔ́ɔ̃ nɛ, a nyɛ́ɛ laanka gɔ́ɔ̃-bii da ka ganaa, yǎa ka giɛ̃ lenlen ka nyɛɛ bǎã goon ne, kaa sii baraa kɛ taman yii ká zɛnaa. A giala, ka n ká tii.

Sii-nyaan 14:10

bɛa dɛnaa á re Lawa a foo yoo ǹ duvɛ̃ mii, ǹ mɛn lɛ bɛ́ Lawa a foo yoo gole paan kɛ nɛ, á re fuu yii kiribi tɛ kɛ nɛ, lon a dia dí-a wole sonboren kɛn laanka Sère Nɛ kɛ yɔrɔ-a.