Izayii 51:2 - LAWA A BOO SONBORE

² Ka ga ka di Abrahamu ganaa, ka Saaraa kɛ nɛ á ka yɛ. Ma bɛ́ bíi, bɛ̀ a nɛ banban. Sɛnɛ, má barka da a ganaa, má baa zaman gigiã digolo lɛa.

LAWA A BOO SONBORE 2011

² Ka ga ka di Abrahamu ganaa, ka Saaraa kɛ nɛ á ka yɛ. Ma bɛ́ bíi, bɛ̀ a nɛ banban. Sɛnɛ, má barka da a ganaa, má baa zaman gigiã digolo lɛa.

Izayii 51:2 ပူးပေါင်းရင်းမြစ်များ

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Siin Giala 24:1

Abrahamu zizi kɔ parsiini. Dɛnaa barka wɔ a-n sii tumaa gɔ́ɔ̃ nɛ.

Siin Giala 24:35

Dɛnaa barka wɔ maa dɛnaagiĩ lɛ nɛ, á paãma gole baa. Á sèren kɔ la, ka bòen laanka diin ni, wɔrɔ laanka sana nɛ, bɛ̀rɛlɔn laanka bɛ̀rɛgiĩn ni, ka nyɔɔmaan laanka dundunun ni.

Izayii 29:22

Bɛ lɛ nɛ, Dɛnaa Lawa mɛn Abrahamu kirisibaa, bɛa boo á ke á diɛ Zakɔba tɔrɔn manɛ: «Kanna, Zakɔba tɔrɔn foo a re ziziɛ̃ doo wa, sìi ba re ǹ kuĩ doo wa.»

Izayii 41:8

Nsɛ Izirayeli, maa dí-nyali, nsɛ Zakɔba, ma zaman mɛn yii gɔgɔɔ̃, ma n maa giaára Abrahamu tɔrɔ lɛa.

Izayii 43:27

N digolo bibinaa sii baraa zɛnaa, n boo gii-dalin nə́ n gòãn dii ma ganaa.

Izayii 48:1

Ka n too kɔ Zakɔba a zaman, kasɛn mɛnɛn nə yɛ Zudaa gána nɛ, Izirayeli tɔ n ka ganaa! Ka nə n liɛ ka Dɛnaa Lawa tɔ nɛ, ka n Izirayeli a Lawa nyankoe, sɛnɛ, ka parsii bie wa, ka a pepere wa.

Izayii 60:22

Ǹ bii, ǹ kiɛɛrɛdɛnaa n die min duu goon (1 000) yii. Ǹ pàãwɛɛnaa á re tɔrɔ pàãdɛnaa biɛ. Masɛ Dɛnaa Lawa n die bɛ zɛnɛɛ fufuu, bɛ̀ a biikoo dɔ.

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Ezekieli 33:24

– Minbuiin a nɛ, ǹ kiwin mɛnɛn lɛn yu, bɛn minin mɛnɛn bɛ́ Izirayeli gána nɛ, bɛn man pii: «A laanɛ wɔ digolo Abrahamu goã a dinsɔɔ̃, á gána lɛ si á baa a wɔ lɛa. Sanparɛ ka wɔsɛn damata kɛ nɛ. Gána lɛ a dɛnaabaa na á n kɔ wɔsɛn dɔn la.»

Timəə dí-pɛn 1:10

A giala, Dɛnaa Lawa, kaa Lawa lɛ ka bulubɔ, ka á ke mɔnaa-n pelo, ka lon a leeren bɛ́ lɔn.

Timəə dí-pɛn 26:5

Bɛ kio kəni, a golee a Lawa, Dɛnaa Lawa yɔrɔ-a a pɛ kɛnɛn: «Ma digolo na á goã Aramu tɔrɔ lɛa n binbirin boe. Á woo Ezipti gána nɛ, á giã walan gùlibaa nɛ, kun ka minin kɛn nɛ ǹ nə́ goã diɛ zii. Ǹ goã tɛ dinin wa. A bɛ́ walan, a minin lɛn nə́ mɔnaa, ǹ nə́ gána gole baa, pàã nə́ ǹ lon.

Zozoe 24:3

Ma din ni má ka digolo Abrahamu bɔ tà lɛ kio má soo ne. Ma din ni má mɛ a nyɛɛnɛ má n bibiə̃ ne Kanaan gána tumaa nɛ, má a tɔrɔn mɔnaa: Ma din ni má Izaaki kɔ la,