Izayii 51:17 - LAWA A BOO SONBORE

¹⁷ Zeruzalɛmu, n yii kaa! N yii kaa, n yoo n golee lon! Dɛnaa Lawa goã á n da foo-yoo ǹ paan kɛa mu mii ganaa. Ń mi lenlen, á n yii tii.

LAWA A BOO SONBORE 2011

¹⁷ Zeruzalɛmu, n yii kaa! N yii kaa, n yoo n golee lon! Dɛnaa Lawa goã á n da foo-yoo ǹ paan kɛa mu mii ganaa. Ń mi lenlen, á n yii tii.

Izayii 51:17 ပူးပေါင်းရင်းမြစ်များ

Zɔbu 21:20

A din nə siĩni a na a nɔmaa lɛ yɛ ka a din yii ni, a dɔ din Pàãyiidɛnaa a foo-yoo kɛ lɛ a sii nɛ̀n da.

Loen 11:6

Á re kiribi tɛdɛnaa kiɛ min baraan kɛn la. Piɛ̃ mɛn bɛ́ min tiɛ̃, bɛ á re ǹ wɔ gii biɛ.

Loen 60:3

Lawa, ń wɔ daa, ń wɔ nana kɔn. N laanka n foo-yoo lɛ tumaa nɛ, wusoo n nə n yɔrɔ da wɔ la.

Loen 60:5

Ń toa n tɔrɔ lɛ fuu dadaran yɛ, ń baa pàã lɛa wɔ ganaa, wɔ́ wɔ ma yii ni ǹ yɔ mi.

Loen 75:10

Masɛ wɔ paǹ li kəni, man die Zakɔba a Lawa kɛ laakalɛɛ biikoo tumaa li, bɛ̀ má n loe loe, a tɔ boe ne.

Loen 75:8

Lawa n kiri kuri. A din nə min goon gisĩ, a min goon saa lon.

Izayii 29:9

Ka n kaãbaa, tɔwaa ka kũ! Ka yii tere-an baa, ka goã miɛ̃! Ka yɔdɛnan baa, ka n ka duvɛ̃ mi dɔn wa! Ka tatalaa, ka n ka yɔ kakaarɛ mi wa!

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 51:21

Bɛ lɛ nɛ, nsɛ koe-yɛli, n too kɔ sɔnbɔraa nɛ. Ma n ka min mɛn bɛ́ duvɛ̃ ná a yii kũ, a da yaa n duvɛ̃ dɔ mi wa.

Izayii 51:22

N Lawa, n Dɛnaa Lawa n kɛ pii asɛ mɛn bɛ́ a zaman a zia gii diɛ: Hiĩ, maa foo-yoo ǹ paan ke n ná a mu mi, á n yii tii, ma á re bɛ sii ma bɔ n gɔn. N ba re a mu mii doo duduu wa!

Izayii 51:9

N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Izayii 63:6

Maa foo-yoo lɛ gɔ́ɔ̃ nɛ, má tɔrɔn yɔyɔrɛ ma gòã li. Má ǹ kã ka maa foo-yoo kɛ nɛ, má ǹ mà kaa tán furu-n.

Zeremii 13:13

n pɛ ǹ nɛ kɛnɛn: – Dɛnaa Lawa a da ǹ boo á ke: «Maa foo-yoo kɛ n die gána kɛa min tumaa yii kuĩ ka yɔ bɛ min yii kuĩ lɔn, ǹ kiin mɛnɛn bɛ́ giã-n Davida a kii dankan la, ǹ Lawa a wúlu-bɔlen ne, ǹ Lawa a boo gii-dalin ni, ka Zeruzalɛmu min tumaa nɛ.

Zeremii 25:18

A na á n giala kɔ Zeruzalɛmu ganaa, ka Zudaa kiwi kɔsɔn nɛ, ǹ kiin laanka ǹ nyɛɛnaandɛnan nɛ. Bɛa kiwin lɛn nə́ kɛbɔlɔn baa, bǎã bɔbɔnɛɛn lɛa. Kɛ doamaa nɛ a ǹ kaa nyɛ́ɛbaa ǹ lɛ-dɛ gole ganaa, a sii a kɔnboe baa lɛ ǹ baraa bíi a paǹ li. Bɛ lɛ n ke n zɛnɛɛ pelo.

Zeremii 25:27

Dɛnaa Lawa mà ma pɛ ǹ nɛ: «Dɛnaa Lawa Pàãyiidɛnaa Izirayeli a Lawa a da ǹ boo á ke: Ka mi, a ka yii kũ, ka pisəə! Ma bɛ́ re sii mɛn tumaa zɛnɛɛ ka bii, bɛ̀ ká bɛ yɛ, ka á re mɛnɛɛ ka goã tán goon lɛa.»

Zeremii 44:6

Bɛ lɛ nɛ má maa foo-yoo baraa kaa Zudaa kiwin laanka Zeruzalɛmu a ziin la. Ǹ nə́ kɛbɔlɔn baa, diə bǎã lɛa ka ka yii bɛ́ a ganaa lɔn pelo.»

Zakarii 12:2

– Man die Zeruzalɛmu biɛ kaaran lɛa, piɛ̃ nɛ ka maa foo yoo ǹ duvɛ̃ nɛ. Tɔrɔn mɛnɛn tumaa bɛ́ a lɛnpɛnɛ, á re bɛn yii tii. Bɛ̀ ǹ nə́ yoo Zeruzalɛmu gialaa ǹ mɛn waáraa, ǹ tá re yui Zudaa minin dɔn gialaa.

Matiə 20:22

Yezu tɔ́n pɛ: «Ka bɛ́ màn mɛn nyankoe, ka a doɛ̃ wa. Masɛ bɛ́ re là-paparɛɛ mɛn yii, ka tá re boe la ka bɛ si ka ganaa?» Ǹ nə́ tɔ́n pɛ Yezu ni: «Wɔsɛn tá boe la.»

Korɛnti1 15:34

Ka toa ka wusoo ka sii giala ma, ka sii baraa zɛnaa lɛ da. A n kaa sìi boo lɛa ma á diɛ ka nɛ: Ka tɛnɛn ba Lawa doɛ̃ wa.

Efɛɛzi minin 5:14

A giala, sii mɛn dɔ bɛ́ á n nyaa foaãnɛ, bɛ n wɔlɔ fúlu biɛ. Bɛ lɛ nɛ, á n pɛ: «Nsɛ mɛn bɛ́ nyuù we, n yii kaa, nsɛ mɛn bɛ́ geren li, yoo lon, Krita á re fúlu kiɛ n ganaa.»

Timəə dí-pɛn 28:28

Dɛnaa Lawa á re gàãn kiɛ ka ganaa, a ka yii tã, a ka yiri lɔlɔkɔn.

Timəə dí-pɛn 28:34

Bɛa siin kɛn lɛn yɛ á re gàãn yui ka li.

Sii-nyaan 14:10

bɛa dɛnaa á re Lawa a foo yoo ǹ duvɛ̃ mii, ǹ mɛn lɛ bɛ́ Lawa a foo yoo gole paan kɛ nɛ, á re fuu yii kiribi tɛ kɛ nɛ, lon a dia dí-a wole sonboren kɛn laanka Sère Nɛ kɛ yɔrɔ-a.

Sii-nyaan 16:19

Kiwi gole lɛ nə́ n talakɔn sɔɔ, gánan tumaa a kiwin nə́ bɔ ǹ nə́ kaa. Lawa nə́ n yiri koa *Baabilonii kiwi gole kɛ a zɛnaa ǹ sii ni, á da Lawa a foo-yoo ǹ duvɛ̃ mii ganaa, ǹ mɛn lɛ bɛ́ Lawa a foo-yoo gole paan kɛ nɛ.

Sii-nyaan 18:6

A ka kũ lɔn, a dɔ die a n kũ miɛ̃. A sii mɛn zɛnaa ka nɛ, bɛ miã màn paa die a n zɛnaa a dɔ nɛ. A yɔ kaka mɛn kaa ka lon, bɛ miã nə n kaa a dɔ lon, a n kaka á la a wɔ-n gunyin paa.

Sii yɔrɔ-bɔlen 5:12

Yoo, Deboraa yoo! Yoo, yoo n loe da a nɛ. Abinoamu a nɛgiĩ yoo, yoo Baraki, n nə n minin waa, n nə ǹ bɔ bɛ̀rɛbaa nɛ.