Izayii 51:16 - LAWA A BOO SONBORE

¹⁶ Hiĩ, má maa boo wɔ n lɛ-n má n duru ma gɔn wúlu li, masɛ mɛn lon lɛ bɔ, má tán zɛnaa, má pɛ Siɔn nɛ: «Ma n maa zaman lɛa.»

LAWA A BOO SONBORE 2011

¹⁶ Hiĩ, má maa boo wɔ n lɛ-n má n duru ma gɔn wúlu li, masɛ mɛn lon lɛ bɔ, má tán zɛnaa, má pɛ Siɔn nɛ: «Ma n maa zaman lɛa.»

Izayii 51:16 ပူးပေါင်းရင်းမြစ်များ

Loen 75:3

Lawa lɛ n pii kɛnɛn: Ma bɛ́ re biikoo mɛn koɛ, bɛ̀ bɛ́ dɔ, ma á re kiri kuri ka peperebaa nɛ.

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Loen 92:13

Min pepere n yui ka sèwo da bɛ́ lɔn, a n pàã boe a kaka kɔ, ka Liban a da dadaran kɛn bɛ́ lɔn.

Bɔ bɛ̀rɛbaa nɛ 33:22

Bɛ̀ má kiɛ̃ ka maa gugurubaa tɛ-pɛle kɛ nɛ ǹ mɛn waáraa, ma á re n nyɛnɛɛ, ma n da kele lɛ kɔ́sɔ nɛ, man gɔn kɔ n lɛ.

Bɔ bɛ̀rɛbaa nɛ 4:15

Boon lɛn pɛ nɛ, n nə ǹ wɔ a lɛ-n. Ma dinmaa tá kun n lɛ nɛ, kun ka a dɔ wɔ nɛ. Ka doamaa bɛ́ ka màn mɛn zɛnaa, ma á re bɛ nyɛɛ ka nɛ.

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 48:13

Ma din ni ma tán giala koa. Ma din ni ma lon lɛ bɔ. Bɛ̀ má ǹ bíi lɔn, maǹ die kun.

Izayii 49:2

Á maa boo baa gɔya sa lɛ-bɔle lɛa, Á ma duru a gɔn wúlu li. Á ma baa kiɛ lɛ pɛpɛnɛ lɛa, á ma duru a kòã nɛ.

Izayii 49:8

Dɛnaa Lawa n pii kɛnɛn: Má n lɛ si biikoo sonbore li. Kirisibaa pinaa, má daa n gú ganaa. Ma á die n tamɛɛ, man koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n Izirayeli gána saa n da lon, màn mɛn bɛ́ toɛ didie na a wɔ gii yɛ tán kɛ nɛ á ziziɛ̃;

Izayii 50:4

Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

Izayii 57:19

Ma á re foo kɔɔ̃nbaa ǹ loe we ǹ lɛ-n. Min mɛnɛn wɔlɔ bɛ́ sɔsɔɔ, ka min mɛnɛn wɔlɔ bɛ́ kunu foɛɛ̃ nɛ, yii-nyɛɛ n bɛn wɔ lɛa. Hiĩ, man die maa zaman lɛ kaka koe. Dɛnaa Lawa mà miɛ̃!

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Izayii 65:17

A giala, á ke, man die lon dii laanka tán dii zɛnɛɛ. Min kɔn yiri a re goɛ̃ ka lɛlɛ ǹ nɛ duduu wa, haalɛ kɛnɛn dinin wa.

Izayii 66:22

Lon dii laanka tán dii ke má ǹ zɛnaa, maǹ die goɛ̃ kaka ma yɔrɔ-a, Dɛnaa Lawa a da ǹ boo ne. A din goon ne: Ka tɔ nɛ, ka min mɛn tumaa bɛ́ re yii ka la, ǹ ba re papaɛ̃ ǹ nə n bɔ ma yɔrɔ-a duduu wa.

Zeremii 1:9

Bɛ kio, Dɛnaa Lawa nə n gɔn saa á da ma lɛ ganaa, á pɛ: «Man maa boo we n lɛ-n.»

Zeremii 24:7

Ma á re toɛ ǹ dɔ̃ mà ma din ni Dɛnaa Lawa lɛa. Ǹ tá re n bɔyɛɛ ǹ masɛ wɔ baa ka ǹ foo din tumaa nɛ. Ǹ tá re maa zaman biɛ, masɛ dɔ á re ǹ Lawa biɛ.»

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Zeremii 32:38

Ǹ tá re wusii ǹ maa zaman baa, ma dɔ á re ǹ Lawa biɛ.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Zakarii 8:8

«Man die wusii ma da ǹ nɛ, màn mɛn bɛ́ toɛ ǹ giã Zeruzalɛmu. Ǹ tá re maa zaman biɛ, ma dɔ á re ǹ Lawa biɛ, Lawa pepere bɔlɔgoondɛnaa lɛa.»

Zaã a sɛ́wɔ 17:8

N boon mɛnɛn pɛ masɛ nɛ, man má bɛn lɛn pɛ ǹ nɛ, ǹ nə́ lɛ kɔ bɛa boon lɛn ganaa. Ǹ tá doɛ̃ taãn-taãnɛ, mà masɛ n má bɔ n din Lawa li, ǹ nə́ waa la dɔn, mà n din ni n má dia.

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Timəə dí-pɛn 18:18

Masɛ n die Lawa a boo gii-dali goon diɛ ka ma din bɛ́ lɔn, ka dinin tɔrɔn lɛn min goon lɛa. Ma á re maa boo we a lɛ-n. Ma bɛ́ re n gɔn wɛɛ nɛ ka sii woo sii ni, a tá re a tumaa pii ka nɛ.

Timəə dí-pɛn 33:27

Lawa mɛn bɛ́ a tan yǎa duduu, a din lɛ n duru n bǎã lɛa, A din lɛ gɔn nə ka li yǎa duduu. Á kaa zɔ́ɔn loo á ǹ bɔ ka nyɛɛnɛ, á pɛ ka nɛ, mà ka ǹ dɛ lenlen.

Ebrəə 8:10

Ma bɛ́ re lɛ kɔ kɔn la dii mɛn we ka Izirayeli tɔrɔ minin kɛn nɛ, bɛ á ke: Ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn we ǹ yiri ni, man die ǹ kiɛ̃ ǹ foo ganaa. Ma á re goɛ̃ ǹ Lawa lɛa, ǹ dɔn tá re goɛ̃ ma din a tɔrɔ lɛa.

Piɛrɛ2 3:13

Lawa nə́ n lɛ kɔ wɔ la ka lon laanka kanaa dii ni, sii kɔkɔrɔ bɛ́ a re goɛ̃ màn mɛnɛn nɛ wa. Wɔ nə n yii diɛ bɛn lɛn la.

Sii-nyaan 1:1

Yezu *Krita siin mɛnɛn nyaa, bɛa sɛ́wɔ n ke. Lawa na á ǹ kɔ la, mà siin mɛnɛn bɛ́ re n zɛnɛɛ kànaa ka boɛɛn nɛ, mà a ǹ nyaa a bɛ̀rɛn manɛ. Yezu ná a lon a dia dí-a wole dia a bɛ̀rɛ ZAÃ la, mà a bɛn nyaa nɛ.