Izayii 51:15 - LAWA A BOO SONBORE

¹⁵ Sɛnɛ, masɛ nə n Lawa, Dɛnaa Lawa lɛa. Ma din nə bìn diɛ yìsi mu gole ganaa, ma mu yoo wole da ginii ganaa. Ma tɔ n Dɛnaa Lawa Pàãyiidɛnaa.

LAWA A BOO SONBORE 2011

¹⁵ Sɛnɛ, masɛ nə n Lawa, Dɛnaa Lawa lɛa. Ma din nə bìn diɛ yìsi mu gole ganaa, ma mu yoo wole da ginii ganaa. Ma tɔ n Dɛnaa Lawa Pàãyiidɛnaa.

Izayii 51:15 ပူးပေါင်းရင်းမြစ်များ

Nehemii 9:11

Ń yìsi mu yu kɔn ǹ nyɛɛnɛ, ǹ nə́ tɔ wɔ tán gere la, ǹ nə́ kiɛ̃ yìsi mu lɛ bii. Min mɛnɛn nə goã ǹ kio lui, ń bɛn gisĩ mu giala-n, ka kɔlɔ a dɔ mu gole li bɛ́ lɔn.

Zɔbu 26:12

A din pàã n boe kɔ̀ mu la, a yiridɛnaabaa n mu li ǹ màn babaraa kɛ yɔyɔrɛ.

Loen 107:25

Á pɛ mà piɛ̃ gole bɔ, bɛ́ yoo ka mu koreen ne.

Loen 136:13

Á Sawɛɛ tà kuru kɔn paa, a kɔn-narɛɛ a nyɛɛ duduu wa.

Loen 74:13

Ń kɔ̀ mu kũ ń golee ne, ka n din pàã nɛ. Ń tɔɔ babaraa piɛ̃wolen kɛn mìi yu.

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Izayii 47:4

Min mɛn bɛ́ wɔ si sii la wole lɛa, a tɔ n "Dɛnaa Lawa Pàãyiidɛnaa". Izirayeli a Lawa sonbore ne.

Izayii 48:2

A da yaa, ka nə n dinin bíi "kiwi sonbore a minin". Ka nə n doɛ Izirayeli a Lawa ganaa, asɛ mɛn tɔ bɛ́ Lawa Pàãyiidɛnaa.

Izayii 51:10

N din bie ń goã ń yìsi mu gole kɛa mu piɛ̃ wa? N din nə n zii bɔ yìsi mu giala-n, màn mɛn bɛ́ toɛ, n min mɛnɛn si n nə́ ǹ kaa, bɛn nə boo la ǹ kiɛ̃.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Zeremii 10:16

Sɛnɛ, kanaa tumaa a zɛnaali ke, Zakɔba wɔ gii lɛa, bɛ ba ka ǹ bɛ́ lɔn wa. A wɔ n ka Izirayeli tɔrɔn nɛ. A tɔ n "Dɛnaa Lawa Pàãyiidɛnaa".

Zeremii 31:35

Die na á wasa da lon màn mɛn bɛ́ toɛ a wɔlɔ fúlu? Die n pii mui laanka leeren manɛ mà ǹ folon kaa tèlò ne Die n bìn diɛ yìsi mu gole ganaa, bɛ̀ a wuu bɔ? Dɛnaa Lawa Pàãyiidɛnaa nɛ. A tɔ n miɛ̃. Dɛnaa Lawa Pàãyiidɛnaa a da ǹ boo ne.

Zeremii 51:5

A giala, gána lɛ piɛ̃maa-n ka sii baraa nɛ Izirayeli a Lawa sonbore lɛ yɔrɔ-a. Sɛnɛ, Dɛnaa Lawa Pàãyiidɛnaa Izirayeli laanka Zudaa toa walan wa.

Lawa a wúlu-bɔlen 11:44

A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.